EZRA 10:14 - KITTA' MATANGKASA'

¹⁴ Kisaremi ising sikamma pamimpinna ikambe ammantang ri Yerusalem untu' angngurusuki anne passalaka. Nampa inai-nai tau niaka ri kotana ikambe, ia niaka bansa maraeng bainenna, musti battui ri allo nipattantua, siagang sikamma pamimping siagang sikamma hakinga massing ri kota-kotana. Lanri kammana anjo talalarroami pole Allata'ala mae ri katte lanri passabakkang anjo passalaka.”

EZRA 10:14 ပူးပေါင်းရင်းမြစ်များ

2 KARAENG-KARAENG 23:26

Mingka panggaukanna Karaeng Manasye ampanaiki larroNa Batara mae ri tu Yehuda; nampa anjo larroNa tenapa nanaung.

2 PATTOTTORANG 28:11

Pilangngeri! Anne sikamma tunitahanga sangnging sari'battannu ngaseng. Jari, suromi ke'nanga ammotere'. Punna tena, tena talarroNa Batara nampa Nahukkungko.”

2 PATTOTTORANG 29:10

Kamma-kamma anne erokka' appare' parjanjiang siagang Batara, Allata'alana Israel, sollanna ammarimo larro mae ri katte.

2 PATTOTTORANG 30:8

Teako kapala batui sangkamma ke'nanga, mingka mannurukiko ri Batara. Battu mako mae ri Yerusalem, ri Balla'na Batara le'bakamo Natangkasi Karaeng Allata'alanu untu' KalenNa sa'genna satunggu-tungguna. Mae mako nakianynyomba mae ri Ia sollanna ammari larro mae ri kau.

EZRA 10:13

Nampa nakana pole ke'nanga, “Mingka ia niaka hadere' anrinni sanna' jaina tau, siagang teai sipato' sarrinna bosia. Tanatahangngai ikambe ammenteng kamma anne pantarang anrinni. Nampa pole anne passalaka takkulleai nipa'le'ba' lalang siallo yareka ruangallo bawang, nasaba' jai sikali ri kambe anggaukangi anjo dosa kammaya.

EZRA 10:15

Tena manna sitau angkabattallangi anjo rancanaya, pantaranganna Yonatan ana'na Asael siagang Yahzeya ana'na Tikwa, nampa nibantu ri rua tu Lewi, iamintu Mesulam siagang Sabetai.

PAMMUJI 78:38

Mingka Nakamaseangi siagang Napammopporangi Allata'ala umma'Na, siagang tena Napapossoki ke'nanga. A'mole-molei Natahang larroNa, natena Napa'betteseki pangngalarroiNa.

YESAYA 12:1

Lania' sallang se're wattu nukkelong: “O, Batara, appala' sukkurukka' mae ri Katte lanri Kisaleoringku. Riolo larroKi' mae ri nakke, mingka kamma-kamma anne ammarimi larroTa.

PAMMILANGNGANG 25:4

Nakanamo mae ri Musa, “Jakkala' ngasengi anjo sikontu tau ampimpingai anjo bansaya siagang bunoi ke'nanga ri dallekanna tau jaia untu' anggaukangi parentaKu, sollanna tenamo naKularro mae ri anjo bansaya.”

PAOLE 13:17

Anjo sikamma barang-barang nitunraia takkulleai nuboli' untu' kaparalluang kalennu, mingka musti niancuru' taba sikali. Jari lanaummi larroNa Batara siagang laNapappicinikammi pangngamaseanNa mae ri kau. Lamalammoro' pa'maiki mae ri kau siagang laNapa'jariko bansa malompo, sangkamma Napa'janjianga mae ri boe-boenu,

PAOLE 17:9

Erangi anjo parkaranu mae ri imang-imang Lewi siagang mae ri haking tugasaka anjo wattua, nampa lappassammi anjo ke'nanga antappuki anjo parkaraya.

YOSUA 7:26

Le'baki anjo natambungimi ke'nanga anjo tampaka siagang batu sannaka jaina, ia niaka ija anjoreng sa'genna anne alloa. Iaminjo saba'na naniarengija anjo tampa' Ka'bung Kasusaang. Nampa naummo larroNa Batara.