EZRA 1:3 - KITTA' MATANGKASA'

³ Poro Najagai ngasengko Allata'ala, ikau ngaseng a'jaria umma'Na. Musti ammoterekko mange ri Yerusalem nampa nubangung ammotere' Balla'Na Batara untu' Allata'alana Israel, Allata'ala niaka ammantang ri Yerusalem.

EZRA 1:3 ပူးပေါင်းရင်းမြစ်များ

1 KARAENG-KARAENG 18:39

Nacini'na ra'yaka anjo apa kajarianga, su'ju'mi ke'nanga naung ri buttaya, nampa nakana ke'nanga, “Batarami Allata'ala. Ma'nassa tojenna anjo Batara, Allata'ala!”

1 KARAENG-KARAENG 8:23

siagang appala' doang angkana, “O Batara, Allata'alana Israel! Ri langi' yareka ri buttaya, tena sangkammanTa! Kirupai janjinTa siagang Kipappicinikangi pangngamaseanTa mae ri ummatTa tamamminraya siagang mannurukia situlusu' atinna mae ri Katte.

1 PATTOTTORANG 28:20

Le'baki anjo nakanamo pole Karaeng Daud ri Salomo ana'na, “Musti matappakko na nubarani. Pakaramulaimi anjo jamanga siagang teako malla'-mallakki manna pole ri apa-apa mamo. Ia Karaeng Allata'ala kusombaya lantulungko. Tena nalaNabokoiko. Ia lanrurungangko sa'genna le'ba' anjo jama-jamanga.

EZRA 1:4

Punna nia' sitau battu ri umma'Na ri anne tampa' pammelakkanga parallu bantuang untu' ammotere', sikamma siampi' balla'na musti nasarei anjo bantuanga. Musti nasarei ke'nanga pera' siagang bulaeng, untu' bokong ri aganga, siagang olo'-olo' pattekekang, kammayatompa sikamma passare untu' ambangungi Balla'Na Batara ri Yerusalem.”

EZRA 4:3

Mingka appialimi Zerubabel, Yesua, siagang sikamma anjo kapala golonganga angkana, “Tenaja naparallu ikambe ri bantuannu untu' ambangungi Balla'Na Batarana ikambe. Kalenna tonji ikambe lambangungi situru' parentana Kores, karaeng Persia, mae ri kambe.”

EZRA 5:13

Nampa Kores a'jari karaeng Babel. Ri taung makase're ri pamarentahanna, appasuluki sura' parenta sollanna nibangung ammotere' anjo Balla'Na Batara.

EZRA 5:3

Mingka linta'mi battu Tatnai, guburnur propinsi Efrat bageang ilau', siagang Syetar-Boznai, kammayatompa agang-aganna ngaseng mange ri Yerusalem nampa akkuta'nang ri tu Yahudia, angkana, “Inai assuro ngasengko ambangungi siagang ampa'langkaki anne Balla' Sambayanga?”

EZRA 6:7

kammayatompa teako halangi pambangunanna Balla' Sambayanna ke'nanga. Lappassammi guburnur Yehuda siagang sikamma pamimpinna tu Yahudia ambangungi ammotere' anjo Balla' Sambayanga.

PAMMUJI 132:13

Saba' le'ba'mi Napile Batara Sion; Naerokangi untu' a'jari tampa' pammantanganNa.

PAMMUJI 83:18

Boli'mi kamma tuli nipakasiri' siagang malla' ke'nanga, boli'mi kamma mate lalang hina ke'nanga.

YESAYA 37:16

“O, Batara Kaminang Makoasaya, Allata'alana Israel, niaka ri empoang kala'biranTa, tena ruanTa Allata'ala angkoasai sikontu kakaraenganga ri tompo'na buttaya. IKattemi ampa'jari langika na buttaya.

YESAYA 44:28

INakke angkana mae ri Kores, ‘Ikau lammarenta untu' iNakke, siagang langgaukangi sikontu erokKu. Parentakangi sollanna nibangung ammotere' Yerusalem, siagang na nipadongko' batu pundasina Balla'Na Batara.’ ”

YESAYA 45:5

INakkemi Batara, tena pantaranganna, iNakke Allata'ala Kaminang Se're-se'rea. Le'ba' mako Kusare sanjata, manna natena nuassengA'.

YEREMIA 10:10

Mingka iKatte, Batara, Allata'ala tojenga, Allata'ala assarea katallassang, Karaeng mannannunganga. Punna larroKi', ta'ge'gosoki buttaya, Punna nassuKi' tattahangngai bansa-bansaya. (

DANIEL 2:47

Nakana karaenga ri ia, “Tojeng, Daniel, anjo Allata'alanu kaminang malompo ri alla'na sikontu rewataya. Iami makoasa mae ri sikontu karaenga, siagang assungkeai sikontu rahasiaya. Kuassengi anjo passalaka nasaba' ikau akkulleko ampakasingaraki anne rahasiaya.”

DANIEL 6:26

Le'baki anjo akkirimmi sura' Karaeng Darius mange ri tau battua ri sikontu bansaya, suku bansaya siagang bahasaya ri sikontu linoa, angkana, “Salama' battu ri nakke!

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

LAMPA-LAMPANA 10:36

Nuasseng ngasemmi bonena kabara' Napabattua Allata'ala mae ri bansa Israel. Anjo kabaraka, iamintu ri passala'na Kabara' Baji' passiamakkang lalang ri KalenNa Isa Almasi iamintu Batara mae ri sikontu rupataua.

PAOLE 32:31

Naassengi musunna Israel angkanaya lammai pajagana ke'nanga, tena nasangkamma Allata'alana Israel hebaka.

YOSUA 1:9

U'rangi, angkanaya le'ba'mi Kuparentakang mae ri kau sollannu tappa' tojeng-tojeng siagang barani! Teako mallakki yareka teako naungi sumanga'nu, nasaba' iNakke Karaeng Allata'alanu anrurungangko ri sa'rinnu, manna pole kemae lampanu.”