ESTER 9:27 - KITTA' MATANGKASA'

²⁷ a'jari passabakkang nappare'mo ke'nanga paratorang untu' kalenna tonji ke'nanga, untu' turunganna ke'nanga, kammayatompa untu' sikamma tau lantamaya bansa Yahudi. Manuru' anjo paratoranga, tunggala' taungi musti napakalompo anjo ruaya allo le'baka napattantu Mordekhai.

ESTER 9:27 ပူးပေါင်းရင်းမြစ်များ

ESTER 8:17

Kammayatompa ri sikamma kotaya siagang propinsia, kemae-kemae nibaca anjo sura' parentana karaenga, rannu ngasemmi tu Yahudia, assannang-sannang siagang assua'-suara'mi ke'nanga. Ba'lalo jaimi battu ri panduduka antama' a'jari bansa Yahudi, lanri malla'na ke'nanga ri anjo bansaya.

ESTER 9:20

Le'baki anjo nacata'mi Mordekhai sikamma anjo apa kajarianga, nampa akkiring sura' mange ri sikontu tu Yahudia ri kakaraengang Persia, baji' nabellaya, kammayatompa ambania.

ESTER 9:21

Bonena anjo suraka iamintu parenta, sollanna napakalompoi ke'nanga tanggala' sampulo angngappa' siagang tanggala' sampulo allima bulang Adar ri taung-taunna.

ESTER 9:28

Napattantu tommi angkanaya untu' satunggu-tungguna anjo allo Purim musti niu'rangi siagang nipakalompoi lalang ri sikontu kaluarga Yahudi siagang lalang ri sikontu turunganna, ri sikontu propinsi siagang sikontu kotaya.

PAMMUJI 78:7

Lanri kammana anjo manrannuang tommi ke'nanga mae ri Allata'ala, tenamo nakaluppai panggaukanNa, mingka tuli mannuruki ri parentaNa,

YESAYA 2:3

nakana ngaseng ke'nanga, “Umba kinai' ri Bulu'Na Batara, ri Balla'Na Allata'alana Israel. LaNapangngajarrangi mae ri katte apa mustia nigaukang. Lanipinawangi oloanNa, saba' battu ri Yerusalem ajaranNa Batara, battu ri Sion A'bicara.”

YESAYA 56:3

Bansa maraeng asse'rea mae ri umma'Na Batara takkulleai angkana, “Tena Napa'bianga' Batara anynyomba ri Ia siagang umma'Na.” Tau tamanaka takkulleai appikkiri' angkana, “Inakke takkullea' a'jari anggota umma'Na Batara, saba' takkulleama' anggappa katurunang.”

YESAYA 56:6

Nakana Batara mae ri sikamma bansa maraenga antamayamo ri bilanna umma'Na Batara, mangngaia ri Batara siagang anynyombaya mae ri Ia, ampakalompoai allo Pammari-marianga siagang majarreka ri parjanjianNa,

YEHEZKIEL 16:61

Lanuu'rangi sikamma panggaukannu siagang lasiri'-siriki nusa'ring ri wattunna Kupoterang ammotere' sikamma sari'battannu mae ri kau. LaKupa'jari ke'nanga rapang ana'-ana'nu, manna pole naanjo kammaya tantamakkai ri parjanjiangKu siagang ikau.

ZAKHARIA 2:11

Anjo wattua jai bansa labattu mae ri Batara untu' a'jari umma'Na. Ia lammantang ri tangnga-tangnganu, siagang lanuassengi angkanaya Batara assuroa' battu mae ri kau ngaseng.

ZAKHARIA 8:23

Ri anjo allo-allo kammaya, sampulo tau bansa maraeng labattu mange ri se're tu Yahudi na nakana, ‘Ero' tongi ikambe upa' sangkamma ikau ngaseng; nasaba' nalangngereki ikambe angkanaya Nabarakkaki ngasengko Allata'ala.’ ” Kammaminjo kana le'baka Napau Batara Kaminang Koasaya.

PAMMILANGNGANG 15:15

Anjo sikontu hukkunga siagang paratoranga nipasangkamma ngasengi mae ri kau siagang mae ri bansa maraeng ammantanga ri tangnga-tangnganu, lanri ikau siagang anjo ke'nanga nipasangkammako ri dallekanNa Batara. Na anjo kammaya tappakei sa'genna satunggu-tungguna.

PAOLE 5:3

teai ri boe-boeta bawang, mingka siagang ikatte ngaseng anrinni.

YOSUA 9:15

Appare'mi Yosua parjanjiang passari'battangang siagang anjo tu Gibeon, siagang a'janjimi angkanaya tena nalanabuno ke'nanga. Kammayatompa sikamma pamimpinna umma' Israel, assumpa tommi angkanaya lanarupai anjo parjanjianga.

HAKING-HAKING 11:40

angngapa nabiasa a'lampa ana'-ana' tuloloa patampulo allo lalang taung-taunga, mange angngerangi si'nana ri Gilead, untu' angngu'rangi ana'na Yefta.

1 SAMUEL 30:25

Nampa nagaukammo Daud anjo a'jari paratorang, na nituruki ri Israel sa'genna kamma-kamma anne.