ESTER 9:22 - KITTA' MATANGKASA'

²² Nasaba' ri wattu iaminjo alloa nanabeta musu-musunna ke'nanga, sa'genna anjo si'nana siagang paccena ke'nanga amminrami a'jari karannuang siagang kasungguang. Lanri kammanami anjo namusti napakalompo ke'nanga anjo allo-alloa, iamintu assua'-suara', appare' parjamuang, kammayatompa massing sisarei ke'nanga kanre-kanreang siagang assarei ke'nanga passidakka ri tu kasi-asia.

ESTER 9:22 ပူးပေါင်းရင်းမြစ်များ

ESTER 9:19

Iaminjo saba'na nasikamma tu Yahudi niaka ammantang ri kota-kota ca'dia tanggala' sampulo angngappa' bulang Adar napakalompo ke'nanga untu' a'rannu-rannu. Anjo alloa assua'-suara' lompoi ke'nanga siagang massing sisarei hadia kanre-kanreang.

ESTER 9:21

Bonena anjo suraka iamintu parenta, sollanna napakalompoi ke'nanga tanggala' sampulo angngappa' siagang tanggala' sampulo allima bulang Adar ri taung-taunna.

ESTER 9:23

Naturukimi tu Yahudia anjo parentana Mordekhai, siagang kammami anjo na'jarimo ada' kabiasang nipakalompo taung-taung anjo alloa.

PAMMUJI 103:2

Pujimi Batara, he nyawaku, teako kaluppai sikontu kabajikanNa!

PAMMUJI 149:7

untu' ambalasaki bansa-bansaya, siagang anghukkungi suku-suku bansaya;

PAMMUJI 30:11

Kipilangngeria', o, Batara, siagang Kikamaseang laloa'. O, Batara, Kitulung laloa'!”

PAMMUJI 30:12

Piraungku Kipinrai a'jari a'joge' rannu, Kiallei si'naku nampa Kisarea' karannuang lompo.

PAMMUJI 37:15

Mingka tu ja'dalaka lanicokai ri pa'dang kalenna, lanitepoki anrong panana ke'nanga.

YESAYA 14:3

LaNapata'lappasaki Batara bansa Israel battu ri kapa'risanga siagang kasessanga, siagang battu ri jama-jamang battala' nipassaya mae ri ke'nanga.

ZAKHARIA 8:19

“Puasa nigaukang lalang bulang makaappa', makalima, makatuju, siagang makasampulo la'jari passua'-suarrang appakarannua siagang appakasannanga mae ri pandudu'na Yehuda. Mangngaiko ri katojengang siagang passiamakkang!”

MATIUS 5:4

Mate'nei tau susaya pa'mai'na; nasaba' iami lanisaleori ri Allata'ala!

LUKAS 11:41

Anjo bageang lalanganna mangko'nu siagang pirinnu, iaminjo musti nupassareang mae ri tu kasi-asia. Punna kammamo anjo batenu, ma'nassa la'jari tangkasa' ngasemmi ri kalennu.

GALATIA 2:10

Se'reji bawang pappala'na ke'nanga mae ri kambe, iamintu parallui niparhatikang tu kasi-asia. Na inakke teai sipato' sannanna nyawaku anggaukangi anjo kammaya.

PAOLE 15:7

Punna ammantang mako sallang ri pa'rasangang Napassareanga Karaeng Allata'alanu mae ri kau, nampa ri kalase'renna kotanu nia' julu bansanu kakurangang, teako kabajikang kalennu bawang nuparhatikang siagang taerokako ambantui.

PAOLE 16:14

A'rannu-rannu mako siagang ana'-ana'nu, ata-atannu, tu Lewi, tubattu-battua, ana'-ana' kukanga siagang sikamma janda niaka ammantang ri kota-kotanu.

PAOLE 16:15

Tuju alloi musti nugaukang anjo passua'-suarranga untu' ampakala'biriki Karaeng Allata'alanu ri tampa' ibada le'baka Natantukang. A'rannu-rannu mako, lanri Nabarakkakina Karaeng Allata'alanu wassele' buttanu siagang jama-jamannu.

PAPPICINI' 11:10

Lamarannui tuma'buttaya ri lino lanri matena anjo ruaya sa'bi. Lassua'-suaraki ke'nanga siagang massing lasikiringi ke'nanga hadia, lanri iaminjo ruaya na'bi le'ba' angngerang passessa mae ri sikontu rupataua ri lino.

1 SAMUEL 25:8

Pakkuta'nangngang mami ri ke'nanga, mattantu napakkontutojenna ke'nanga anjo passalaka. Lanri kammana anjo, kuminasai nanutarima baji' ana' buaku ri balla'nu, lanri battui ikambe ri anne allo lompoa. Sare tongi anne sikamma ata-atannu siagang inakke pole Daud, agang baji'nu, apa-apa mamo situru' nakate'neanga pa'mai'nu.”