ESTER 1:17 - KITTA' MATANGKASA'

¹⁷ Nasaba' anjo panggaukanna ratua lanaasseng ngasengi sikontu bainea, sa'genna massing lanacapa' ngaseng tommi bura'nenna ke'nanga. Lanacaritami ke'nanga angkana le'baki niparentakang ratua andallekang ri karaenga, mingka taerokai anjo Ratu Wasti battu.

ESTER 1:17 ပူးပေါင်းရင်းမြစ်များ

2 SAMUEL 6:16

Ri wattunna sitabang nierang anjo Patti Parjanjianga antama' ri kotaya, attoaki Mikhal ana' bainena Saul battu ri jandelaya na nacini'mo Karaeng Daud a'lumpa'-lumpa' siagang a'joge'-joge' untu' ampakala'biriki Batara; na lanremo nasa'ring Mikhal anciniki Daud appakamma.

EZRA 4:6

Ri pakaramula pamarentahanna Karaeng Ahasweros, annulisiki sura' musu-musunna pandudu' Yerusalem siagang Yehuda. Anjo suraka, sura' kabaratang.

ESTER 1:16

Nakanamo Memukan ri karaenga siagang sikamma tumalompoa, “Lanri anjo panggaukanna, teai poro karaeng bawang nahina Ratu Wasti, mingka sikontu pagawena karaenga, ba'lalo sikontu bura'nea anrinni ri kakaraenganga, nahina ngaseng tommi.

ESTER 1:18

Jari, punna nalangngere' ngaseng sikamma tubai'-bainena sikamma tumalompoa ri Persia siagang Media anjo passalaka, mattantu lanapaui anjo passalaka mae ri massing bura'nenna ke'nanga. Nakale'bakkanna sikamma tubai'-bainea langngewami ri apa naparentakanga bura'nenna, nampa lalarromo tubura'-bura'nea ri tubai'-bainea.

EFESUS 5:33

Mingka anjo ayaka nia' todong passisambunganna siagang kalennu: Sikontu tu bura'nea parallui nakarimangngi tubainenna, sanrapang anjo bainenna batangkalenna tonji; kammayatompa sikontu bainea musti napakalompoi tu bura'nenna.