EFESUS 6:2 - KITTA' MATANGKASA'

² “Pakala'biriki anrong-manggenu,” iaminjo parenta lomoro' se're battu ri Allata'ala, siagang janji,

EFESUS 6:2 ပူးပေါင်းရင်းမြစ်များ

KALAPPASSANG 20:12

Pakala'biriki manggenu siagang amma'nu, sollanna salewangang tallasa'nu siagang la'bu umuru'nu ri pa'rasangang Kupassareanga mae ri kau.

PANGNGEBARANG 20:20

Tau antunrayai tau toana, lalanynyaki tallasa'na sanrapang lampu matea ri wattu bangngi sassanga.

YEREMIA 35:18

Nampa kukana mae ri sikamma silokoanna Rekhab, angkanaya Batara Kaminang Koasaya, iamintu Allata'alana Israel, akkana kammai anne, “Mannuruki mako mae ri boe-boenu Yonadab; sikontu parentana nuturuki siagang nupajappa ngasemmi.

YEREMIA 35:7

Takkulleai ikambe a'lamung, takkulleai ikambe appare' yareka ammallaki koko anggoro'. Lalang sikontu tallasa'na ikambe, tena todong nakkulle ambangung balla'. Musti anjorengi ri kemaya ikambe ammantang, sollanna akkulle ammantang tuli anrinni ri tampaka salaku tau annompang.

YEHEZKIEL 22:7

Tena manna sitau battu ri pandudu'nu ampakalompoi tau toana. Nutipui bansa maraeng niaka annompang siagang angngalleko passawallang battu ri kasusaanna jandaya siagang ana' kukanga.

MALEAKHI 1:6

Nakana Batara Kaminang Koasaya mae ri sikamma imanga, “Se'rea ana' napakalompoi manggena, siagang se'rea palayang napakalompoi karaenna. INakke anne Manggenu ngaseng; mingka apa saba'na natena nupakalompoA'? INakke anne pinggawanu; mingka angngapa natena numalla' mae ri Nakke. Nuhina-hinaiA', mingka akkuta'nangko angkana, ‘Antekamma batena ikambe anghinaKi?’

ROMA 13:7

Jari bayaraki mae ri pamarentaya apa siratanga nubayara' ri ia. A'bayarakko sima punna siratangko a'bayara' sima; siagang a'bayarakko sussung punna siratangko a'bayara' sussung. Musti nubilang lompoi tau siratang nubilang lompo siagang musti nupakala'biriki tau siratanga nupakala'biri'.

EFESUS 6:3

iamintu: “Sollanna numate'ne siagang la'bu umuru'nu ri lino.”

PAOLE 27:16

‘Nitunrai tau tenaya napakala'biriki tau toana siagang nabalang parekangi ke'nanga ta'ronang-ronang tallasa'na.’ ‘Aming!’

PAOLE 5:16

Pakalompoi siagang parakai anrong manggenu; iaminjo parentaKu, Karaeng Allata'alanu, sollannu salewangang siagang la'bu umuru'nu ri pa'rasangang Kupassareanga mae ri kau.

1 TIMOTIUS 5:4

Mingka punna janda nia' ana'-ana'na yareka cucu-cucunna, iaminjo ana'-ana'na yareka cucu-cucunna parallu todong nipakainga' sollanna nau'rangi ke'nanga bijanna, siagang nabalasa' pa'mai' baji'na tau toana yareka nene'na ke'nanga. Nasaba' iaminjo kammaya ampakarannui atinNa Allata'ala.