EFESUS 6:1 - KITTA' MATANGKASA'

¹ Ikau ana'-anaka! Salaku ana'-ana' gurunNa Almasi, parallui nupilangngeri tau toanu, nasaba' iaminjo siratanga nugaukang.

EFESUS 6:1 ပူးပေါင်းရင်းမြစ်များ

PANGNGEBARANG 23:22

Mannurukiko ri manggenu; saba' punna tenai, tena nu'jari tau. Punna toamo amma'nu, picinikiangi angkanaya nupakalompoi.

PANGNGEBARANG 6:20

Ana', gaukang laloi apa napassuroanga manggenu, siagang teako kaluppai sikamma pappakainga'na amma'nu.

PANGNGEBARANG 1:8

Parhatikangi kananna anrong manggenu, anakku,

PAOLE 21:18

“Ebara' angkana nia' ana' bura'ne kapala batu, nangai angngewaya siagang taerokai mannuruki ri tau toana manna pole nale'ba'mo nihukkung ri tau toana.

KAIMANGNGANG 19:3

Sikontu taua musti napakala'biriki anrong manggena, siagang napakalompo Allo Pammari-marianga sangkamma Kuparentakanga. INakke Karaeng Allata'alanu.

1 TIMOTIUS 5:4

Mingka punna janda nia' ana'-ana'na yareka cucu-cucunna, iaminjo ana'-ana'na yareka cucu-cucunna parallu todong nipakainga' sollanna nau'rangi ke'nanga bijanna, siagang nabalasa' pa'mai' baji'na tau toana yareka nene'na ke'nanga. Nasaba' iaminjo kammaya ampakarannui atinNa Allata'ala.

ROMA 12:2

Teako amminawangngi ri atorang-atoranna anne linoa. Boli'mi kamma na Allata'ala ampa'jari berui sipa'-sipa' niaka ri kalennu, sollannu akkulle tappinra. Lanri kammanapi anjo nampa akkulle nuasseng apa Nakaerokanga Allata'ala – iamintu apa nikanaya baji', siagang sukkuka ganna'na, kammayatompa nikarannuanga ri atinNa Allata'ala.

PANGNGEBARANG 30:17

Tau ancau-cauwai manggena yareka amma'na toayamo, siratangi nipasambila assulu' sollanna nitotto' matanna ri jangang-jangang kalaa' siagang nikanre maya'na ri balangkoa'.

ROMA 7:12

Anjo hukkung-hukkung agamaya battu ri Allata'ala assala'na, siagang sikamma anjo apa nipassuroanga lalang ri hukkung agamaya, battu ri Allata'ala assala'na, jari adeleki siagang bajiki.

LUKAS 2:51

Le'baki anjo, ammotere'mi ke'nanga siagang Isa mange ri Nazaret. Amminawang turu'mi Isa ri ke'nanga. Napariatimi amma'Na sikamma anjo passalaka.

AYUB 33:27

Na lanakanamo ri dallekanna tau jaia, ‘Lompoi dosaku, lanri ja'dalaka kukana baji', mingka tena Nahukkunga' Allata'ala.’

1 PETRUS 2:13

Lanri Batara, paralluko mappilangngeri mae ri tau anna'galaka koasa: baji' namae ri karaeng a'jari Kapala pamarentahang,

HOSEA 14:9

Lanapelaki tu Israel patung-patung barhalana; laKuparakai ke'nanga naKupilangngeri pappala' doanna. Rapang poko' kayu tuli jaina leko'na, iNakke lalla'langngi ke'nanga. INakkemi kabattuanna sikontu barakkaka mae ri ke'nanga. INakke, Batara, anne akkana.”

PANGNGEBARANG 30:11

Nia' tau assumpai manggena siagang tena napakalompoi amma'na.

PA'JARIANG 28:7

Pantaranganna anjo naasseng tommi angkanaya naturuki Yakub kananna manggena siagang amma'na, siagang a'lampami mange ri Mesopotamia.

PAMMUJI 19:8

Anjo hukkunNa Batara sukku' ganna'na, napakabajiki pakkasia'na nyawaya. ParentaNa Batara akkullei nipatappa' assare kacara'dekang mae ri tu biasaya.

ESTER 2:20

Tenapa napaui Ester angkana kalenna tu Yahudi, saba' tena nipa'biangi ri Mordekhai. Mannuruki Ester ri Mordekhai sangkamma ri wattu ca'dina ija siagang niparakai ri anjo cikalinna.

1 KORINTUS 15:58

Lanri kammana, sari'battangku ngaseng sannaka kukamaseanna, pakkassakangi siagang pakajarreki kalennu. Attojeng-tojeng mako tuli anjama untu' Batarata, lanri nuassemmi angkanaya tena nala'jari sia-sia sikamma apa nugaukanga untu' Batarata.

ROMA 16:2

Tarimami anne sari'battanta, salaku kalase'renna umma'Na Batara. Kamma memang tomminjo batena tau tappaka mae ri Allata'ala musti massing sitarima. Tulungi punna nia' apa-apa naparalluang battu ri kau; nasaba' jai tommi le'ba' nabantu – kalase'renna tau le'baka nabantu iamintu inakke.

PAMMUJI 119:75

Kuassengi angkanaya adeleki kaputusanTa, o, Batara, le'ba'ma' Kihukkung lanri tamamminraTa,

PA'JARIANG 37:13

nakanamo Yakub ri Yusuf, “A'lampako mange ri Sikhem, ri tampa'na sikamma daennu angkalawaki bembeta siagang gimbalatta.” Appialimi Yusuf angkana, “Baji'mi, Bapa'.”

YEREMIA 35:14

Yonadab napisangkai jari-jarina angnginung anggoro', nampa mannuruki ke'nanga ri anjo pappisangkana. Sa'genna anne alloa tena manna sitau battu ri ke'nanga angnginung anggoro'. Mingka iNakke, tena ammariKu a'bicara mae ri kau, mingka taerokako mappilangngeri ri Nakke.

NEHEMIA 9:13

Kipaturung battu ri langi' mae ri tompo'na Moncong Sinai, Kinampa a'bicara siagang umma' kalenTa. Kisarei hukkung, atorang siagang parenta adeleka, tojenga siagang a'matu-matua.

1 SAMUEL 17:20

Ammukona bari'basa', ambangummi Daud nampa apparuru. Gimbala'na nasuro jagai ri se'reang pakalawaki, nampa naalle apa-apa lanaeranga na'lampa situru' naparentakanga manggena. Battui mange ri kemana tu Israel sitabanna ero' a'lampa tu Israel mange a'bundu' ri tampa' pa'bundukanga, a'gora-gora ampakalompoi sumanga'na ke'nanga.

PAMMUJI 119:128

Lanri kamma nakuttallasa'mo situru' sikontu pitunjutTa; panggaukang ammengkaya kukabirisi.

RUT 3:5

Appialimi Rut angkana, “Baji'mi amma', lakugaukangi sikontu kananta.”

YEREMIA 35:8

Sikontu anjo apa naparentakanga Yonadab mae ri kambe naturuki ngasemmi ikambe. Lalang sikontu tallasa'na ikambe, ikambe siagang tubai'-bainena ikambe, kammayatompa ana'-ana'na ikambe, tena ngaseng nangnginung anggoro'.

YEREMIA 35:18

Nampa kukana mae ri sikamma silokoanna Rekhab, angkanaya Batara Kaminang Koasaya, iamintu Allata'alana Israel, akkana kammai anne, “Mannuruki mako mae ri boe-boenu Yonadab; sikontu parentana nuturuki siagang nupajappa ngasemmi.

PA'JARIANG 48:12

Nampa naallemo anjo ke'nanga battu ri riwaanna Yakub. Nampa kalenna assu'ju'mi ri dallekanna manggena.

PA'JARIANG 50:12

Kammaminjo nanagaukammo sikamma ana'-ana'na Yakub apa napappasangnganga mae ri ke'nanga.