EFESUS 5:6 - KITTA' MATANGKASA'

⁶ Teako erokki nitipu ri bicara-bicara tenaya bonena. Nasaba' ia ngasemmi anne kammaya ampammumbai pangngalarroiNa Allata'ala mae ri tau tenaya namannuruki ri Ia.

EFESUS 5:6 ပူးပေါင်းရင်းမြစ်များ

2 KARAENG-KARAENG 18:20

Nukana kapang poro bicara bawang akkulle ansambeangi akkalaka siagang kakassakkanna tantaraya? Inai nupattoang sa'gennu barani angngewai Asyur.

PAMMUJI 78:31

a'jari larromi Allata'ala siagang Naewami ke'nanga; Nabunoi tu Israel rungkaya siagang porea.

YEREMIA 27:9

Teako pilangngeri na'bi-na'bia yareka manna pole inai ampisangkaiko tundu' mae ri karaeng Babel, manna pole nanakana kalenna le'baki annarima pitunju' battu ri so'na, roh-roh alusu', yareka lanri ammakei kagassingang pangngassengang.

YEREMIA 29:31

akkiring kabara' ri passala'na Semaya mae ri sikontu Israel nipelaka ri Babel. Iaminne anjo kabaraka, “Anjo Semaya a'bicarai mae ri kau sanrapang angkanaya na'bi kalenna; padahala' iNakke, Batara, tena naKusuroi. Lanri napa'jari tappa' mako mae ri kana balle-ballea,

YEREMIA 37:9

INakke, Batara, ampakaingakko, sollanna tena nanutipu kalennu lanri nupikkiri'na angkanaya a'lampami tu Babel siagang tenamo nalammotere'. Nasaba' ma'nassa lammotereki ke'nanga.

MIKHA 3:5

Bansaku nitipui ri na'bi-na'bi ambotoai apa bajika mae ri tau assarea doe', mingka namusui siagang nabalang parekangi tau tenaya nassare doe'. Ri na'bi-na'bi kammaya anjo, Nakana Batara,

MATIUS 24:24

Nasaba' lania' sallang battu siapa are tumappasalama' patipu, siagang na'bi-na'bi patipu. Lanappicinikangi ke'nanga gau'-gau' teai sipatoka lompona siagang appakalanna'-lannasaka, sollanna akkulle, manna umma'Na Allata'ala lanatipu todong.

MATIUS 24:4

Appialimi Isa Nakana, “Tutu laloko, sollanna tena nanitipuko.

MARKUS 13:22

Nasaba' lania' sallang battu tumappasalama' balle-ballea siagang na'bi-na'bi balle-ballea. Lanapappicinikangi ke'nanga gau'-gau' appakalanna'-lannasaka sollanna akkulle annipu, na punna akkulle manna umma'Na Allata'ala lanatipu todong.

MARKUS 13:5

Appialimi Isa Nakana, “Tutu laloko, sollanna tena nitipuko.

ROMA 1:18

Battu ratei ri suruga Napappicinikang larroNa Allata'ala ri sikontu dosana siagang kaja'dallanna rupataua. Nasaba' anjo kaja'dallanga anrompai taua sa'genna tanaassenga taua pangngajarang annabaya battu ri Allata'ala.

KOLOSE 2:18

Teako pa'biangi kalennu nipakarugi ri tau assara-saraia napakatuna kalenna siagang anynyombaya malaeka'-malaeka'. Anjo tau kammaya tampoi ri pikkirang-pikkirang pakkalinoanga siagang napa'borro-borroangi apa tasamara' le'baka nacini' ke'nanga;

KOLOSE 2:4

Kupauangko anne, sollanna tena napa'dongo'-dongokko manna pole inai, sannaka baji'na bicaranna mae ri kau.

KOLOSE 2:8

Paralluko tutu, gassingka nia' tau anggodako siagang pikkirang tenaya matu-matunna siagang angngeranga mange ri oloang salaya. Anjo pikkirang-pikkirang kammaya teai pikkirang battu ri Isa Almasi, passangalinna pikkirang battuji ri rupataua siagang roh-roh koasaya ri anne linoa.

KOLOSE 3:6

Yangasennami anjo kammaya ampabattui pangngalarroinNa Allata'ala mae ri tau tenaya namannuruki ri Ia.

2 TESALONIKA 2:3

Mingka manna antekamma, teako eroki nitipu ri taua. Nasaba' ri tenanapa nabattu anjo Alloa, musti nia' apa-apa kajariang la'bi riolo: Jai tau lammono'boko, ansassali Almasi; siagang Tau Ja'dala' le'baka nipattantu lantama' ri naraka, laniaki ampappicinikangi kalenna.

IBRANI 13:9

Teako sarei kasampatang ajarang mara'-maraenga ampakalinguko. Musti nipakajarreki atinta lanri kabajikang pa'mai'Na Allata'ala; iaminjo bajika mae ri katte; jari teai paratorang-paratoranna agamaya ri passala'na kanre-kanreanga. Sikamma tu rioloa, anturukiai anjo paratorang-paratoranga, tena ngaseng nagappai matu-matunna.

IBRANI 3:19

Kamma-kamma anne nipahammi angkanaya takkulleai ke'nanga antama', lanri tenana natappa' ke'nanga mae ri Allata'ala.

1 PETRUS 2:8

Siagang “Iami anjo batua napattatto'roi taua, batu ampatu'gurukai ke'nanga.” Tatto'roi ke'nanga lanri tatappakai mae ri kananNa Allata'ala. Kammami anjo le'baka Napattantuangi Allata'ala untu' ke'nanga.

1 YOHANES 4:1

Sikamma sari'battangku sannaka kukarimangnginna! Teako patappa' ngasengi tau nakanaya niaki RohNa Allata'ala ri kalenna; mingka pilajari rolong baji'-baji' sollanna akkulle nuasseng angkanaya roh battu kemae anjo niaka ri ke'nanga: Roh battuka ri Allata'ala yareka teai. Nasaba' kamma-kamma anne jai na'bi balle-balle a'jappa mange-mange.