EFESUS 4:8 - KITTA' MATANGKASA'

⁸ Nia' tattulisi' lalang ri Kittaka angkanaya, “Ri wattunNa nai' ri tampa' kaminang tinggia, jai Naerang tu nitahang; nampa jai passare Napassareang mae ri rupataua.”

EFESUS 4:8 ပူးပေါင်းရင်းမြစ်များ

ESTER 2:18

Le'baki anjo appare'mi acara passua'-suarrang lompo karaenga, untu' ampakalompoi Ester. Naundang ngasemmi sikamma pagawena siagang tumalompona. Napa'la'bammi mange ri sikontu daera kakaraenganna angkana allo perei anjo alloa, siagang a'bage-bagemi hadia sanna' jaina.

PAMMUJI 68:18

Appulo sa'bu kareta kassa' Napake ammumba Allata'ala siagang sanna' mala'biri'Na ri alla'na ke'nanga.

PANGNGEBARANG 30:4

Tau kereanga le'ba' nai' naung ri suruga? Le'bakika angngangkang anging lalang limanna, siagang anroko' je'ne' lalang ri bajunna, yareka ampattantui pa'baeng-baenna linoa? Inaika anjo taua, siagang inai ana'na? Mattantu nuassengi!

EFESUS 4:11

Iami “assarei sikamma passarea mae ri rupataua”; nia' Nasare pangngellai a'jari tunisuro, na maraenganga Nasare pangngellai a'jari na'bi; maraengannaya pole Nasarei pangngellai a'jari paerang Kabara' Baji'; na maraengannaya pole Nasarei pangngellai a'jari tummarakai jama'ah siagang a'jari guru.

KOLOSE 2:15

Anjoremmi ri kayu salli'Na Almasi Napatundu' ngaseng sikontu roh-roh ammarentaya siagang niaka koasana. Lanipareki paccini'-cinikang ke'nanga ri dallekanna tau jaia ri wattunna nire'resang a'jari tu nitahang ke'nanga ri Almasi lalang ri barisang passua'-suarrang pammetanNa.

HAKING-HAKING 5:12

Debora ammentemmako nai', numakkelong-kelong. Barak, ammentengmako nai', nanuerang sikamma musu nitahanga!

1 SAMUEL 30:26

Ri wattunna ammotere' Daud mange ri Ziklag, nakirimmi sipa'gang anjo barang-barang nirampasaka mae ri sikamma pamimpinga ri kota-kota Yehuda le'baka ambantui, nanakana, “Iaminne hadia untu' ikau, iamintu barang-barang narampasaka ikambe battu ri musunNa Batara.”