EFESUS 4:5 - KITTA' MATANGKASA'5 Se'reji bawang Batara, se'reji katappakkang, se'reji pa'je'ne', အခန်းကိုကြည့်ပါ။ |
Kamma ngaseng tommaki' anjo; ikatte tu Yahudia kammayatompa bansa-bansa maraenga, ikatte nikanaya kalenta ata kammayatompa tau bebasaka, le'ba' ngaseng maki' nije'ne' lalang se're Roh, sollanta nipa'jari se're lalang ri tubuNa Almasi. Sukku' ngaseng tommi le'ba'na nikasia' kakoasanNa anjo Roh se'rea.
Nasaba' kamma kusa'ring tuli sannangko antarima ngasengi tau battua mae ri kau angngajara' ri sesena Isa maraengannaya; jari teai Isa kipangngajarranga mae ri kau napangngajarrang ke'nanga. Na nuero' todong antarimai anjo roh siagang “kabara' baji'” sanna' sikali simmaraenna siagang RohNa Allata'ala yareka Kabara' Baji' le'baka nutarima battu ri kambe.
Teai sikammaya anjo bawang; mingka yangaseng-ngasenna kucini' a'jari karugiang ngaseng mami. Ia niaka ri nakke kamma-kamma anne lompoangangi anggaranna: iamintu kuassemmi Isa Almasi, Bataraku. Nasaba' Almasi, kubokoi ngasemmi anjo yangaseng-ngasenna. Yangasenna anjo kucini' loro mami, sollanna akkulle kugappa Almasi,
Natarimai anakku Titus! Anne suraka battu ri nakke Paulus, atanNa Allata'ala siagang tunisuroNa Isa Almasi. Nipilea' siagang nisuroa' untu' antulungi sikamma tau Napilea Allata'ala sollanna a'jari jarre' tappa'na ke'nanga. Musti kubantu tongi ke'nanga sollanna naasseng katojengang napangngajarranga agamata,
Gassingka nia' tau angkana, “Nia' tau tanjeng ri tappa'na siagang nia' todong tau tanjeng mae ri panggaukanna.” Lakukanamo ri ia, “Picinikiangsa' antekamma batena akkulle taua nikana tappa' mingka tena na'nyata lalang ri panggaukanna, nampa kupicinikiang todong lalang ri panggaukangku untu' ampa'nyatai angkanaya ma'nassa nia' tappakku.”
Jari anjo kajarianga a'jarimi pangngebarang mae ri anjo pa'je'ne' ampasalamakako ri kamma-kammaya anne. Anne pa'je'neka teai pa'gaukang akkullea antangkasi kalennu battu ri sikontu apa-apa ra'masaka, passangalinna a'jari janjinnu mae ri Allata'ala, iamintu janji baji'nu battu lalang ri ati mailalannu. Anjo pa'je'neka napasalamakko lanri attallasa'Namo ammotere' Isa Almasi battu ri kamateanga,
Natarimai sikamma sari'battangku, le'bakamo anggappa katappakkang sangkammaya baji'na katappakkanna ikambe. Le'ba' maki' Nasare katappakkang Isa Almasi, Iamintu Allata'ala siagang Karaeng Mappasalamatta, lanri Nagaukanna apa annabaya. Anne suraka battu ri nakke, iamintu Simon Petrus, atanNa siagang tunisuroNa Isa Almasi.
Sikamma sari'battangku sannaka kukarimangnginna! Sanna' dudu erokku annulisi' sura' mae ri kau ngaseng ri passala'na kasalamakkang nitarimayamo. Mingka kamma-kamma anne erokka' kusa'ring ampakaingakko lalang ri anne suraka, sollannu barjuang turus untu' katappakkanta; anjo katappakkanga sikaliji Napassareang Allata'ala sa'genna satunggu-tungguna mae ri Umma'Na.