EFESUS 3:11 - KITTA' MATANGKASA'

¹¹ Nagaukammi Allata'ala anjo sikammaya situru' ero' laNagaukanga satunggu-tungguna, siagang Nagaukanga tete ri Isa Almasi, Batarata.

EFESUS 3:11 ပူးပေါင်းရင်းမြစ်များ

2 TIMOTIUS 1:9

Napasalamakki' siagang Nakiokki' Allata'ala untu' a'jari umma' KalenNa. Iaji naNagaukang Allata'ala anjo kammaya teai lanri apa-apa le'baka nigaukang nabilang ri kalenta, passangalinna lanri ero' KalenNa siagang lanri pangngamaseang malammoro'Na tete ri Isa Almasi, ri wattu tenanapa nanipa'jari anne linoa.

EFESUS 1:11

Sikontu jama-jamanga, Napattantui siagang Nagaukangi Allata'ala situru' ero' KalenNa. Le'ba' maki' Napile memang battu ri pakkaramulanna, lanri Nakellaiki' sollanta a'jari umma'Na lanri a'jari se'reta siagang Almasi.

EFESUS 1:4

Ri wattu tenanapa nipa'jari anne linoa, le'ba' memang maki' Napilei Allata'ala tete ri Almasi; sollanta akkulle a'jari umma' matangkasa'Na, tenaya callanna ri dallekanNa. Lanri pangngamaseanNa Allata'ala,

ROMA 9:11

Ri wattu tenanapa nanilassukangi anjo ana' ruaya, le'ba' memammi Napattantu Allata'ala ana' lanipilea sallang. Anjo pammileNa Allata'ala tena nabattu ri panggaukanna rupataua, passangalinna battu ri ero' pakkio'Na bawang Allata'ala. Nasaba' ri wattunna tenapa nangngasseng a'gau' baji' yareka a'gau' kodi anjo ruaya ana'na Ribka,

EFESUS 1:9

Lanri ero' KalenNa, Napauang maki' rahasiana jama-jamang eroka Nagaukang; le'ba'mi Napattantu angkanaya anjo jama-jamanNa laNapa'le'baki sallang lalang ri KalenNa Almasi.

YEREMIA 51:29

Annekkereki siagang ta'goccangi buttaya lanri Kugaukangi rancanaKu untu' ampa'jari Babel tampa' kalotoro' tenaya napammantangngi tau.

GALATIA 5:24

Inai-nai a'jarimo taunNa Almasi, matemi sipa'-sipa' rupatauna siagang sikamma ero' napasu rupatauna.

EFESUS 3:1

Iaminjo saba'na, na inakke anne, Paulus, nitarungkuma' lanri Isa Almasi untu' ikau ngaseng bansa-bansa maraenga.

AYUB 10:13

Mingka anne kamma kuassemmi angkana siapa sallona tamakkana-kanaKi' anrancangi kacilakangku.