EFESUS 2:14 - KITTA' MATANGKASA'

¹⁴ Nasaba' KalenNa Almasi a'jari tu Mappasiamatta. Iami ampa'jari se'rei tu Yahudia siagang bansa-bansa maraenga, a'jari se're bansa. Anjo tembo' passimbanga, iamintu passimusuanga, le'ba'mi Naruntung lanri kamateanNa.

EFESUS 2:14 ပူးပေါင်းရင်းမြစ်များ

GALATIA 3:28

Lalang ri kammana anjo tenamo nanipasimmaraengi tu Yahudia siagang bansa-bansa maraenga, yareka ataya siagang tau bebasaka, yareka tu bura'nea na tu bainea. A'jari se're ngaseng mako lanri Isa Almasi.

KOLOSE 3:11

Kale'bakkanna allanynya'mi sikontu passimmaraenganna tu Yahudia siagang bansa-bansa maraenga, yareka tu nisunnaka siagang tu tenaya nisunnaki; tenamo passimmaraengang ri bansa battu-battua siagang tau bambalaka; tenamo passimmaraengang ri tu a'jari ataya siagang tu bebasaka; nasaba' Almasimi a'jari yangaseng-ngasenna. Asse're ngasemmi ke'nanga lalang ri Almasi!

KOLOSE 3:15

Parallui passiamakkang Napassareanga Almasi lalang ri atinnu ampattantui apa-apa eroka nutappuki. Nasaba' Nakiokko Allata'ala untu' a'jari anggota ri se'rea tubu, sollannu akkulle attallasa' lalang passiamakkang lanri anjo Almasi. Paralluko appala' sukkuru'.

EFESUS 2:15

Le'ba'mi Napa'lanynya' hukkung-hukkung agama Yahudia siagang parenta-parenta kammayatompa paratorang-paratoranna; sollanna anjo bansa-bansaya a'jari se'rei bansa tau beru, asse'rea lalang ri Almasi. Kammaminjo bateNa Almasi mappasiama'.

KOLOSE 1:20

Siagang tete ri Ia tommi anjo Ana'Na, naNapa'jari assibajiki ngasemmo ammotere' sikontu apa-apaya siagang KalenNa – baji' na sikontu apa-apa niaka ri lino kammayatompa apa niaka ri suruga. Anjo Nagaukanga Allata'ala tete ri kamateanNa Ana'Na irate ri kayu sallika.

KOLOSE 2:20

Le'ba' mako mate siagang Almasi, siagang nilappassang battu ri roh-roh makoasaya ri anne linoa. Jari, angngapa nuttallasa' sangkamma ija tau nikoasaia ri anne linoa? Angngapa nutundu' mae ri paratorang-paratorang angkanaya,

ROMA 5:1

Kamma-kamma anne assibajiki maki' ammotere' siagang Allata'ala, lanri tappa' maki' mae ri Ia. Siagang lanri kammana, attallasa' maki' lalang kasiamakkanga siagang Allata'ala, tete ri Batarata Isa Almasi.

LAMPA-LAMPANA 10:36

Nuasseng ngasemmi bonena kabara' Napabattua Allata'ala mae ri bansa Israel. Anjo kabaraka, iamintu ri passala'na Kabara' Baji' passiamakkang lalang ri KalenNa Isa Almasi iamintu Batara mae ri sikontu rupataua.

LAMPA-LAMPANA 10:28

Le'baki anjo nakanamo ri ke'nanga, “Nuasseng ngasenji sari'battang, angkanaya situru' ajarang agamana tu Yahudia, tanipa'biangai ke'nanga angkunjungi balla'na bansa maraenga, yareka assileo' siagang bansa maraenga. Mingka le'ba'ma' Napabattuang Allata'ala, angkanaya takkulleai kucini' ra'masa' yareka harang tau maraenga.

IBRANI 13:20

Napattallasa' poleammi Allata'ala Batarata Isa battu ri kamateanga. Lanri iaminjo kamateanNa nakamma-kamma anne a'jarimi Pakalawaki Mala'biri' mae ri katte, sanrapanga gimbala'Na ngaseng. Ia tomminjo kamateanNa ampattantui parjanjiang mannannungang Napareka Allata'ala siagang ikatte.

LUKAS 2:14

“Nipujimi Allata'ala ri langi' kaminang tinggia! Nasalewangang rupataua ri tompo'na linoa mappakate'nea ri atinNa Bataraya!”

YOHANES 10:16

Nia' ija gimbala' maraeng, iNakke todong pata, mingka tantamayapi ri pa'rappunganna anne gimbalaka. Musti Kuerang tongi ke'nanga battu na lanapilangngeri todong sa'rangKu. La'jari sipa'rappungang ngasengi ke'nanga na se're pakalawaki napa'jului.

LUKAS 1:79

kammaminjo na Nasingari sikontu taua niaka lalang ri sassang siagang kamallakkang. Nauluki' mange ri oloang a'lampa mangea ri kabajikanga.”

IBRANI 7:2

Jari napassareammi Abraham mae ri Melkisedek bage sampulona battu ri sikontu barang-barang naallea battu ri balinna. (Battuanna anne areng Melkisedek uru-uruna iamintu, “Karaeng Kaadelang”; siagang pole lanri ia karaeng battui ri Salem, jari battuanna pole anne arenna iamintu “Karaeng Kasalewangang”.)

EFESUS 4:16

Irawangang pimpinanNa, nisusung baji' ngaseng sikontu anggota tubua; siagang nipasigappa ngaseng passisambung-sambunganna. Na punna massing anjama baji' ngaseng anjo anggota-anggotaya, la'bakka'mi anjo tubua a'jari kassa' lalang ri pangngamaseanga.

EFESUS 3:15

Battu ri Iami sikontu kaluargaya ri suruga siagang ri lino anggappai massing sipa'Na.

YOHANES 16:33

Kupau ngasengi anne mae ri kau, sollannu anggappa salewangang lanri asse're ngasengko siagang iNakke. Lasessako lalang ri linoa. Mingka jarreki pa'mai'nu! Le'ba'mi Kubeta anne linoa!”

YOHANES 11:52

Siagang teai untu' bansa Yahudi bawang, passangalinna sollanna napa'rappungang siagang napasse're ana'-ana'Na Allata'ala tassia'-siaraka.

ZAKHARIA 6:13

Ia lambangungi BallakKu siagang lannarimai kala'birang sangkamma se'rea karaeng, siagang ia lammarenta mae ri ra'ya'na. Nia' sitau imang lanrurungangi siagang lasamaturuki ke'nanga siagang siamaki ke'nanga lalang ri jama-jamanna.’

ESTER 3:8

Nampa nakanamo Haman ri karaenga, “O, karaeng, nia' se're bansa mara'-maraeng a'la'bang ri sikontu propinsia ri anne pa'rasanganga. Assisala sikali ada'-ada'na ke'nanga siagang bansa-bansa maraenga. Taerokai ke'nanga mannuruki ri sikamma atorang niaka ri anne kakaraenganga. Jari, teaki' lappassangi ke'nanga a'gau' situru' ero' kalenna ke'nanga.

EFESUS 2:17

Iaminjo saba'na Nabattu Almasi ambirittakangi Kabara' Bajika, iamintu passala'na anjo passiamakkanga, mae ri kau ngaseng; baji' na mae ri kau bansa maraenga, bellaya battu ri Allata'ala, kammayatompa na mae ri kau bansa Yahudia, a'reppeseka ri Allata'ala.