EFESUS 2:12 - KITTA' MATANGKASA'

¹² Anjo wattua tena nusse're siagang Almasi; a'jariko tau maraeng, tenaya nantama' ri umma' Napilea Allata'ala. Tena nuntama' ri janji le'baka Napare' Allata'ala siagang umma'Na. Tena panrannuannu siagang tena Allata'alanu ammantang ri anne linoa.

EFESUS 2:12 ပူးပေါင်းရင်းမြစ်များ

PA'JARIANG 15:18

Anjo wattua memang, appare'mi Batara parjanjiang siagang Abram. Nakana Batara, “A'janjiA' angkanaya laKusarei turungannu sikontu anne buttaya, appakkaramula battu ri pa'baeng-baenna pa'rasangang Mesir sa'genna mange ri Binanga Efrat,

2 PATTOTTORANG 15:3

Sallo sikali tena namanynyomba tu Israel mae ri Allata'ala matojenga, tena nakatutui hukkung-hukkung mustia naturuki ke'nanga, siagang tena imang-imang angngajarakai ke'nanga.

EZRA 4:3

Mingka appialimi Zerubabel, Yesua, siagang sikamma anjo kapala golonganga angkana, “Tenaja naparallu ikambe ri bantuannu untu' ambangungi Balla'Na Batarana ikambe. Kalenna tonji ikambe lambangungi situru' parentana Kores, karaeng Persia, mae ri kambe.”

KALAPPASSANG 12:45

Tau battu-battua yareka tau angnganre gajia takkulleai amminawang angnganre.

YESAYA 14:1

LaNakamaseangi Batara Israel umma'Na, siagang Napilemi ke'nanga a'jari taunNa. LaNaboliki ammotere' ke'nanga ri pa'rasangang kalenna. Bansa maraenga labattu nampa asse're siagang ke'nanga.

YESAYA 44:6

Iaminne kananNa Batara Kaminang Makoasaya, Karaeng siagang pajaga mae ri Israel, “INakke Allata'ala Kaminang Se're-se'rea, uru-urua siagang kala'busanga.

YESAYA 45:20

Nakana Batara, “A'rappung mako siagang battu mako assama-sama, ikau ngaseng tau ta'lappasaka ri bansa-bansaya! Dongoki tau a'balulunga anrurungangi patung kayua, siagang appala' doanga mae ri rewata-rewataya ia tenaya nakkulle appasalama'.

YESAYA 61:5

He, bansaku, lanalayaniko bansa maraenga; lanakalawaki ke'nanga olo'-olo' piaranu lanajamai kokonnu siagang koko anggoro'nu.

YEREMIA 14:8

IKatteji bawang panrannuanna Israel, ampasalamakai ikambe battu ri balaya. Mingka angngapa Kikamma tau maraeng ri pa'rasanganna ikambe, rapang pajappa battu bella poro assengka bawang sipattang nampa a'lampa?

YEREMIA 17:13

Batara, iKatte panrannuanna Israel, ummatTa; sikontu a'bokoa ri Katte la'jari siri'-siri' ngasengi. Lalanynyaki ke'nanga battu ri anne linoa nampa a'lampa mange ri linona tau matea. Nasaba', iKatte kabattuanna je'ne' katallassanga le'ba' maKi' nabokoi, o Batara.

YEHEZKIEL 13:9

INakke langhukkungko, he na'bi-na'bi appabattua boto balle-balle siagang paccini' takontutojenga! Takkullea mako amminawang angngalle kaputusang lalang ri pa'rappunganna ummakKu. Lanigarisiki areng-arennu battu ri bansa Israel, siagang tenamo nulammotere' mange ri butta passolongang cera'nu. Na nuassemmo angkana iNakke Batara Kaminang Tinggia.

YEHEZKIEL 37:26

LapparekKa' parjanjiang siagang ke'nanga untu' ampattantui kaamangnganna ke'nanga sa'genna satunggu-tungguna. LaKubarakkaki ke'nanga siagang laKutambai jaina ke'nanga. LaKubangungi ri pa'rasanganna ke'nanga BallakKu, lammentenga anjoreng satunggu-tungguna.

YEHEZKIEL 47:22

siagang anjo buttaya a'jarimi nupatang satunggu-tungguna. Ia bansa maraeng niaka ammantang tuli ri tangnga-tangnganu, nampa nia' ana'-ana'na lassu', musti anggappa tongi bageang battu ri anjo buttaya. Anjo ke'nanga musti nipare' sangkammai bansa Israel, siagang musti amminawang tongi nigoccang arenna ke'nanga untu' anggappa butta punna nibagei anjo buttaya ri suku-suku Israel.

HOSEA 3:4

Kammami anjo passala'na bansa Israel; teai sipato' sallona tena karaenna yareka pamimpinna, tena koro'bang yareka tampa'-tampa' karama', tena barhala-barhala yareka jima'-jima' akkullea assungkeangi ke'nanga rahasiana allo labattua.

PAMMILANGNGANG 18:19

Sa'genna satunggu-tungguna, sikontu passare nisa'la' naeranga tu Israel mae ri Nakke, Kupassareangi mae ri kau siagang mae ri sikamma ana'nu bura'ne baine. Anne paratoranga nipakei sa'genna satunggu-tungguna siagang a'jari passikko' parjanjiang tenaya nakkulle nipinra, battu ri Nakke siagang ikau na jari-jarinu.”

LUKAS 1:72

Lanri ero'Na napappicinikang baji' atinNa ri tu riolota, na laNapa'rupa anjo janji matangkasa'Na.

YOHANES 10:16

Nia' ija gimbala' maraeng, iNakke todong pata, mingka tantamayapi ri pa'rappunganna anne gimbalaka. Musti Kuerang tongi ke'nanga battu na lanapilangngeri todong sa'rangKu. La'jari sipa'rappungang ngasengi ke'nanga na se're pakalawaki napa'jului.

YOHANES 15:5

INakkemi sanrapang poko' anggoro', na ikau ngasemmi sanrapang tangke-tangkenna. Inai-nai tuli asse're siagang iNakke naKuasse're siagang ia, iami la'rappo jai; nasaba' punna pantarang KalengKuko, tena apa-apa lakkulle nugaukang.

YOHANES 4:22

Ikau ngaseng tu Samariaya, apa-apa tenaya nuassengi nualle nusomba. Mingka ikatte tu Yahudia, anynyombaki' mae ri Allata'ala niassenga, nasaba' battu lalangi ri tu Yahudia lammumba kasalamakkanga.

LAMPA-LAMPANA 2:39

Nasaba' anjo Napa'janjianga Allata'ala untu' ikau ngaseng siagang sossorannu, kammayatompa untu' tau battua ri pammantangang bellaya – iamintu sikontu tau Nakioka Allata'ala Batarata battu mae ri Ia.”

LAMPA-LAMPANA 28:20

Jari iaminjo saba'na nakuero' angngagang ngasengko assibuntulu' siagang angngagang ngasengko a'bicara. Nasaba' iaji nanisikkoka' kapassabakkang Karaeng Mappasalama' salloamo naminasai bansa Israel.”

LAMPA-LAMPANA 3:25

Sikontu anjo apa-apa Napa'janjianga Allata'ala lalang ri na'bi-na'biNa, untu' ikau ngaseng. Lalang ri anjo parjanjiang Napareka Allata'ala mae ri boe-boenu, kammai anne kananNa Allata'ala mae ri Abraham, ‘Battu lalangi ri sossorannu nalaKubarakkaki sikontu bansaya ri anne linoa.’ Jari anjo parjanjianga untu' ikau ngaseng todong.

ROMA 9:8

Battuang kana, sossoranna Abraham a'jaria ana'-ana'Na Allata'ala, iaji bawang sossorang nilassukanga lanri janjinNa Allata'ala; jari tena nasossoranna ngaseng.

GALATIA 4:8

Riolo tanuassengai Allata'ala. Iaminjo saba'na nu'jari atamo mae ri koasa-koasa nikanaya allata'ala, mingka sikontutojenna teai Allata'ala tojeng-tojeng.

EFESUS 2:19

Lanri kammana, teai mako tau maraeng yareka tau pantarang. Kamma-kamma anne para umma'Na ngaseng mako Allata'ala. Anggota-anggota ngaseng mako lalang ri balla'Na Allata'ala.

EFESUS 4:18

Sassangi pikkiranna ke'nanga. Tanaassengai ke'nanga katallassang Napassareanga Allata'ala, nasaba' tena sikali apa-apa naasseng ke'nanga ri passala'na Allata'ala. Kammami anjo ke'nanga, lanri sanna' kapala batuna ke'nanga.

KOLOSE 1:21

Riolo bellako ri Allata'ala. Numusui Allata'ala, lanri ja'dala'na pikkirannu siagang panggaukannu.

KOLOSE 1:27

Mae ri anjo umma'Na, eroki Allata'ala ampa'nyatai antekamma baji'na siagang mala'biri'na anjo rahasiaNa untu' sikontu rupataua. Anjo rahasiaya, iamintu: Niaki Almasi lalang ri kalennu; battuanna langgappa tongko bageang lalang ri kalompoanNa Allata'ala.

KOLOSE 1:5

Tappa' mako siagang mangngamaseang mako, nasaba' nurannuammi apa Napasadiaya Allata'ala ri suruga untu' ikau. Le'ba'mi nulangngere' anjo kabaraka, ri wattunna nipabattu Kabara' Baji' tojenga battua ri Allata'ala mae ri kau.

1 TESALONIKA 4:13

Sikamma sari'battangku; kikellaiko sollanna nuasseng antekamma sitojenna ri passala'na tau mateamo; sollanna tena nasi'na pa'mai'nu sangkamma tau maraenga, tenaya panrannuanna.

1 TESALONIKA 4:5

Teako turuki hawa napasunu mae ri bainennu sangkamma nagaukanga tau kapere' tenaya naassengi Allata'ala.

2 TESALONIKA 2:16

Poro KalenNa Batarata Isa Almasi, siagang Allata'ala Manggeta ansaleoriko siagang ampakajarre' ngasengi atinnu, sollanna akkulle nugaukang siagang nubirittakang apa bajika. Nasaba' Nakamaseangki' Allata'ala, siagang lanri lammoro' pa'mai'Na naNasareki' kabaraniang tojenga siagang panrannuang bajika.

1 TIMOTIUS 1:1

Natarimai Timotius, ana' kontutojengku lanri ri Batara. Anne suraka battu ri nakke, Paulus, tunisuroNa Isa Almasi lanri ero'Na Allata'ala, Mappasalamatta, siagang lanri ero'Na Isa Almasi, panrannuanta. Poro nisareko barakka', pangngamaseang siagang kasalewangang battu ri Allata'ala Manggea siagang Isa Almasi Batarata.

IBRANI 11:34

nabunoi pepe' lompoa, tassalai ke'nanga battu ri pattobo' pa'danga. Tena kagassinganna ke'nanga, mingka a'jari kassaki; porei ke'nanga lalang ri pa'bundukanga sa'genna nabeta ngaseng pasukang bansa maraenga.

IBRANI 6:18

Anjo ruaya passala' takkulleai lamminra; tena olona la'balle-balle Allata'ala ri janjinNa siagang sumpaNa! Lanri kammana, ikatte tau a'la'langamo irawanganNa Allata'ala, nikellaiki' anna'gala' jarre' mae ri panrannuang niaka ri dallekanta.

IBRANI 8:6

Mingka kamma-kamma anne la'bi lompoangangi jama-jamang imang Nagappaya Isa, naanjo jama-jamang imang nagaukanga ke'nanga. Nasaba' anjo passijanjiang Napareka Allata'ala siagang rupataua la'bi bajikangangi lanri situruki ri janji apa-apa la'bi bajikanganga.

1 PETRUS 1:21

Tete ri Iami nanutappa' mae ri Allata'ala, le'baka ampattallasa' poleangi battu ri kamateanga siagang le'baka ampakala'biriki. Jari, Allata'alami nupatappa', siagang ri Allata'ala tommi le'ba' nupadongko' panrannuannu.

1 PETRUS 1:3

Maeko nakiappala' sukkuru' mae ri Allata'ala, ManggeNa Batarata Isa Almasi! Sanna' mangngamaseanNa mae ri katte; lanri kammanami anjo naNasare maki' katallassang beru. Carana iamintu, Napattallasa' poleangi ammotere' Isa Almasi battu ri kamateanga. Iaminne assareki' panrannuang attantua.

1 PETRUS 3:15

Mingka lalang ri pa'mai'nu, parallui Almasi bawang nupakalompo situru' empoanNa salaku Batara. Siagang paralluko tuli sadia ampiali sikamma tau akkuta'nanga mae ri kau ri sesena panrannuang niaka ri kau.

1 YOHANES 3:3

Sikontu tau niaka panrannuang kammana anne mae ri Almasi lanajagai kalenna sa'genna tangkasa' tojeng-tojeng, iamintu tangkasa' battu ri dosa-dosaya sangkamma tangkasa'Na todong Almasi.