EFESUS 1:3 - KITTA' MATANGKASA'

³ Nipujimi Allata'ala, ManggeNa Batarata Isa Almasi. Iami ambarakkakiki' siagang sikontu barakka' rohani lalang ri suruga, lanri a'jari se'reta siagang Almasi.

EFESUS 1:3 ပူးပေါင်းရင်းမြစ်များ

PA'JARIANG 14:20

Nipujimi Allata'ala Kaminang Tinggia, assareako pammetang mae ri musunnu.” Le'baki anjo napassareammi Abram mange ri Melkisedek bage sampulona sikontu anjo barang le'baka nirampasa' nanaalle naerang ammotere'.

PA'JARIANG 22:18

Sikontu bansaya ri lino lanapalaki ri kau sollanna Kubarakkaki ke'nanga, sangkamma Kubarakkakinna turungannu, lanri mannurukinnu ri parentaKu.”

1 PATTOTTORANG 29:20

Le'baki appala' doang kamma, nakanamo Daud mae ri tau jai niaka a'rappungang anjoreng, “Mammujiko ri Karaeng Allata'alanu!” Jari yangasenna anjo taua mammuji-mujimi mae ri Batara, Allata'ala nasombaya boe-boena ke'nanga. Nampa su'ju' ke'nanga untu' ampakalompoi Batara siagang Karaeng Daud.

1 PATTOTTORANG 4:10

Mingka appala' doangi Yabes mae ri Allata'ala nisombaya ri tu Israel, angkana, “O Allata'ala, Kibarakkakia', naKitambai luara'na daera kuparentaya. La'langia' siagang Kipakabella' battu ri balaya, sollanna tena nakusessa.” Na niturukiang pappala'na ri Allata'ala.

2 PATTOTTORANG 31:8

Nacini'na Karaeng Hizkia siagang pagawe-pagawena anjo sumbangang kammaya jaina, napakala'biri'mi Batara siagang napalecemi ra'ya' Israel, umma'Na.

NEHEMIA 9:5

Passambayanganga anjo alloa napakaramulai tu Lewi, iamintu: Yesua, Kadmiel, Bani, Hasabneya, Serebya, Hodia, Sebanya, siagang Petahya. Nakana ke'nanga, “Ammentengko nampa nipuji Karaeng Allata'alata! Mammujiko mae ri Ia sa'genna satunggu-tungguna! Nipujimi arenNa sukkuka ri kala'birang, hebaki arenNa, la'biangngangi nasikontu pammujia!”

PAMMUJI 134:3

Poro nibarakkaki ngasengko battu ri Sion ri Batara, Mappa'jaria langi' siagang lino!

PAMMUJI 72:17

Poro tuli niu'ranginna arenna karaenga satunggu-tungguna, napila' masahoro' lalang nia'na mataalloa. Poro napalaki bansa-bansaya nanibarakkaki sangkamma ia, na sikontu tau antappuai arenna lamate'nei.

PAMMUJI 72:19

Nipujimi areng malompoNa satunggu-tungguna; poro rassi sikontu linoa siagang kala'biranNa! Poro kajariang lalo kammaya, Aming!

YESAYA 61:9

Jari-jarinu lamasahoroki ri kere-keremae, a'la'bangi niasseng ri alla'na sikontu bansaya. Na sikontu tau ancinikai lanamangakui, angkanaya Kubarakkaki anne bansaya.”

DANIEL 4:34

Ri wattunna allalomo anjo wattu tuju taunga sallona, accongama' nai' ri langika, nampa ammotere'mo pangngu'rangingku. Jari kupujimi Allata'ala Kaminang Tinggia. Kupakalompoi siagang kupakala'biriki anjo Allata'ala mattallasaka mannannungang. “Allata'ala la'jari Karaeng untu' satunggu-tungguna. Ia makoasa ri sikontu jammanga.

LUKAS 2:28

Naallemi Simeon anjo anaka, na nakalawing, nampa ammuji-muji ri Allata'ala, nakana,

YOHANES 14:20

Punna narapi'mo wattunna anjo alloa, lanuassemmi angkanaya iNakke asse'reA' siagang Manggea, ikau ngaseng asse'reko siagang iNakke, na Kuasse're siagang ikau ngaseng.

YOHANES 17:21

Kupalaki ri Katte Bapa', sollanna a'jari se're ngaseng anne ke'nanga, sangkamma iKatte siagang iNakke yareka iNakke siagang iKatte se're tonjaKi'. Poro asse're ngasengi ke'nanga mae ri Katte, sollanna akkulle tappa' linoa angkana iKatte assuroA' battu ri lino.

YOHANES 20:17

Nakanamo Isa ri ia, “Teako ta'galakiA', nasaba' tenapa naKunai' ri Manggea. Mingka a'lampamako mae ri sikamma sari'battangKu, siagang pauangi ke'nanga angkanaya kamma-kamma anne nai'Ma' ri ManggeKu siagang Manggenu todong, ri Allata'alaku siagang Allata'alanu todong.”

ROMA 12:5

Kammatommi anjo ri katte ngaseng. Manna nakijai, mingka a'jari se're maki' batangkale lanri assileo' maki' lalang ri Isa Almasi. Siagang nipasisambung ngaseng maki' a'jari anggota-anggota lalang ri se'rea batangkale.

ROMA 15:6

Lalang ma'julu atinu nukkulle assama-sama mammuji mae ri Allata'ala, ManggeNa Batarata Isa Almasi.

1 KORINTUS 1:30

KalenNa Allata'ala ampasse'rei katallassannu siagang Isa Almasi. Tete ri Isa Almasi nanipa'jariki' cara'de'. Siagang tete ri Iatommi naNapasibajiki maki' Allata'ala mae ri KalenNa, iamintu Napa'jari maki' umma'Na, kammayatompa Napa'jari bebasa' maki'.

1 KORINTUS 12:12

Almasi sanrapang tubuna taua; anjo tubua se'reji, mingka jai anggotana. Sikontu anjo anggota tubua, manna najai, mingka a'jari se'rei ilalang ri tubua.

2 KORINTUS 1:3

Nipujimi Allata'ala, ManggeNa Batarata Isa Almasi. Mangge sannaka baji'na pa'mai'Na, Allata'ala assarea panynyaleori mae ri rupataua.

2 KORINTUS 11:31

Nasaba' tena nakua'balle-balle; Allata'ala, ManggeNa Batarata Isa a'jari sa'bi mae ri nakke! Nipujimi arenNa satunggu-tungguna.

2 KORINTUS 5:17

Inai-nai ampakase'remi kalenna mae ri KalenNa Almasi, a'jarimi tau le'ba' niberui taba sikali tallasa'na. Tenami apa-apa salloa ri kalenna, lanri le'ba' ngasemmi niberui.

2 KORINTUS 5:21

Tena dosaNa Almasi, mingka nipipisangiangi ri Allata'ala sikontu dosata mae ri Ia, sollanta akkulle assibajiki siagang KalenNa, lanri asse'retamo mae ri KalenNa Almasi.

GALATIA 3:9

Tappa'mi Abraham, jari nibarakkakimi. Kammatommi anjo sikontu rupataua. Punna tappaki, lanibarakkaki siagang Abraham.

EFESUS 1:10

Anjo eroka Nagaukang, iamintu, sollanna sikontu linoa, baji' na niaka ri suruga yareka na niaka ri buttaya, a'jari se're ngasengi lalang ri Almasi, a'jaria kapala. Na punna narapi'mi wattunna, laNapa'le'ba'mi Allata'ala anjo jama-jamanga.

EFESUS 1:17

Kupalaki mae ri Allata'ala, Batarata Isa Almasi, Mangge mala'birika, sollannu Nasare RohNa. Iaminjo RohNa lampa'jari cara'dekko, siagang lampappiassengangi sa'genna nuasseng Allata'ala.

EFESUS 1:20

le'baka Napake ampattallasa' poleangi ammotere' Almasi battu ri kamateanga; nampa Nasare empoang kaminang tinggia ri sa'rinNa Allata'ala ri suruga.

EFESUS 2:6

Lanri asse're maki' siagang Isa Almasi, Napattallasa' poleang maki' ammotere' Allata'ala siagang Almasi; sollanta ammarenta todong siagang Ia lalang ri suruga.

EFESUS 3:10

PattujunNa Allata'ala iamintu sollanna tete ri jama'aka kamma-kamma anne, akkullemi naasseng sikontu tau anna'galaka koasa ri lino, antekamma pangngassenganNa Allata'ala ilalang sikontu apa Nagaukanga.

EFESUS 6:12

Nasaba' teai rupataua bawang laniewa, passangalinna kagassinganna pole setang-setang makoasaya ri anne jammang ja'dalaka. Ia laniewaya iamintu kagassinganna pole roh-roh ja'dalaka, makoasaya todong ilalang ri anne linoa.

FILIPI 2:11

Lamangaku ngasemmi ke'nanga angkanaya Ia minjo Isa Almasi Batara; na lanri kammanamo anjo nanipakala'biriki Allata'ala Manggea.

IBRANI 8:5

Anjo jama-jamang imang nagaukanga ke'nanga, sikontutojenna poro pangngebaranji siagang bayang-bayanji bawang mae ri apa niaka ri suruga. Anjo le'ba'mi Napau Allata'ala mae ri Musa riolo, iamintu ri wattunna lappaenteng KemaNa Batara Musa. Kammami anne kananNa Allata'ala mae ri Musa, “U'rangi! Yangasenna anjo musti nupareki situru' panrala' le'baka nipaccinikangko rate ri monconga.”

IBRANI 9:23

Kammami anjo batena nipangngebarang antekamma paralluna apa-apa niaka ri suruga nitangkasi. Mingka anjo apa-apa niaka ri suruga niparalluangi koro'bang bellaya la'bi baji'na.

1 PETRUS 1:3

Maeko nakiappala' sukkuru' mae ri Allata'ala, ManggeNa Batarata Isa Almasi! Sanna' mangngamaseanNa mae ri katte; lanri kammanami anjo naNasare maki' katallassang beru. Carana iamintu, Napattallasa' poleangi ammotere' Isa Almasi battu ri kamateanga. Iaminne assareki' panrannuang attantua.