EFESUS 1:16 - KITTA' MATANGKASA'

¹⁶ tenamo tappu'-tappukku appala' sukkuru' mae ri Allata'ala lanri ikau ngaseng. Tuli kupauna arennu ri wattungku appala' doang.

EFESUS 1:16 ပူးပေါင်းရင်းမြစ်များ

PA'JARIANG 40:14

Mingka u'rangia' punna baji'-baji' mako. Tulunga' nanupabattu kara-karaku mae ri karaenga sollanna nalappassanga' battu ri anne tarungkua.

YESAYA 62:6

Lammolika' pangawala' ri tembo' kalli'na Yerusalem; allo bangngi ke'nanga takkulleai a'mereki, mingka musti tuli napakaingaki Allata'ala mae ri janjinNa le'baka Napare'.

KOLOSE 1:3

Nalangngere'mi ikambe angkanaya tappa' mako mae ri Isa Almasi; kammayatompa mangngamaseang mako mae ri sikamma Umma'Na Allata'ala. Iaminjo saba'na, na ri wattunnu kipappala' doangang, appala' sukkuru' maki' mae ri Allata'ala, ManggeNa Batarata Isa Almasi.

KOLOSE 1:9

Iaminjo saba'na nakituli ampappala' doangangko appakkaramula ri nilangngere'na kabara'nu. Kipalaki mae ri Allata'ala sollannu Nasare RohNa Allata'ala kacara'dekang siagang pangngassengang sollanna nupahang baji' apa Nakaerokia Allata'ala.

1 TESALONIKA 1:2

Tuli appala' sukkuruki ikambe mae ri Allata'ala passabakkang ikau ngaseng. Punna appala' doang ikambe mae ri Allata'ala Manggeta tuli mangngu'rangiki' ri kau ngaseng, siagang tuli kipappala' doangang ngaseng tongko. Kiu'rangi antekamma nupa'nyatanamo lalang ri panggaukannu, ma'nassanu tappa' mae ri Almasi; kammayatompa antekamma batenu mangngamaseang ri parannu tau, sa'genna nulayanimo ke'nanga; kammayatompa pole antekamma jarre'na panrannuannu mae ri Batarata Isa Almasi.

1 TESALONIKA 5:17

tuli appala' doangko mae ri Allata'ala.

2 TESALONIKA 1:3

Sikamma sari'battangku; tena tappu'na appala' sukkuru' ikambe mae ri Allata'ala lanri ikau ngaseng. Na memang, siratang memang tongi appala' sukkuru' ikambe, lanri pila' tappa' ngasengko mae ri Almasi, siagang pila' massing sikamaseangko.

1 SAMUEL 12:23

Na ri passala'na inakke, tapporo tena lalo kudoraka ri Batara lanri tenana kupappala' doangangko. Mingka tuli lakupangngajarrangi mae ri kau apa-apa bajika siagang tojenga.

1 SAMUEL 7:8

Nakanamo ke'nanga ri Samuel, “Teako ammari appala' doang mae ri Karaeng Allata'alata, sollanna Napasalamakki' battu ri tu Filistin.”