DANIEL 9:27 - KITTA' MATANGKASA'

²⁷ Anjo karaenga lappareki parjanjiang majarre' siagang tau jaia lalang tuju taung. Ri attangngana anjo jammanga lanasuro pamarimi nikanaya assare koro'bang siagang passare. Nampa nia' apa appakamalla' iamintu niarenga Kaja'dallang angngancuruka, laniboli' ri Balla'Na Batara siagang latuli nia'na anjoreng sa'genna anjo tau ambolikai anjoreng nitujumi kapanrakang le'baka Napattantu Allata'ala untu' anjo taua.”

DANIEL 9:27 ပူးပေါင်းရင်းမြစ်များ

YESAYA 28:15

Nukana kalennu le'ba' mako appare' panjanjiang siagang kamateanga, kammayatompa appare' passitujuang siagang lino tau matea. Nupattantui ri kalennu angkana anjo bala labattua sallang talanatujuako, lanri akkala' balle-ballenu.

YESAYA 28:22

Kulangngere'mi kaputusanNa Allata'ala Kaminang Tinggia siagang Kaminang Makoasaya, iamintu lanaancuruki sikontu pa'rasanganga. Teako callai anne kana-kana kupabattua, kana-kana pappakaingaka. Sallang la'bi sukkarrangngangi lanupata'lappasa' kalennu!

YESAYA 42:6

“INakke, Batara, angkiokko siagang assareko tugasa' untu' ampajappai kaadelanga. Kurenrengko siagang Kuparakaiko untu' a'jari parjanjiang mae ri umma' rupataua, untu' a'jari singara' mae ri sikontu bansaya.

YESAYA 53:11

Lanri kammana anjo Nakana Batara, “Punna le'baki sessa napakamma nipa'risi, lamate'nei siagang lasukku' baji'mi pakkasia'na. Anjo atangKu, napakasannangi atingKu, le'ba'mi natanggongi hukkunganna tau jaia; lanri ia naKupammopporang ke'nanga.

YESAYA 55:3

Pilangngeri, he bansaKu, battu mako mae ri Nakke, laKusareko katallassang sitojennaya. Lanri pangngamaseang siagang kajarrekang Kupa'janjianga ri Daud, appareKa' janji mannannungang siagang ikau ngaseng.

YEREMIA 7:30

Nagaukammi tu Yehuda kaja'dallanga. Anjo barhala-barhalana ke'nanga tenaya Kungai naboliki ke'nanga lalang ri BallakKu, sa'genna nara'massi BallakKu.

DANIEL 11:31

Nampa akkiring pasukang untu' anra'massi Balla'Na Batara. Lanapammari ke'nanga koro'bang allo-alloa siagang appaentengi ke'nanga apa appakamalla' sikalia, iamintu niarenga Kaja'dallang Angngancuruka.

DANIEL 11:36

Karaeng pa'rasangang waraka lappaero'-eroki appanggaukang. Tampoi ke'nanga nangkana angkanaya la'bi lompoangngangi kalenna namanna pole rewata battu kemae, ba'lalo la'bi lompoangngangi na Allata'ala Kaminang Tinggia. Lakkullei appanggaukang kamma anjo sa'genna kala'busang pangngalarroinNa Allata'ala. Nasaba' anjo apa le'baka Napattantu Allata'ala musti a'rupai la'bi riolo.

DANIEL 12:11

Appakkaramula battu ri allo nipammarina anjo koro'bang allo-alloa siagang sikamma appakamalla' niarenga Kaja'dallang Angngancuru' nipaenteng, nia' 1.290 allo.

DANIEL 7:25

Bicaranna langngewai ri Allata'ala Kaminang Tinggia siagang lanajallakkangi umma'Na Allata'ala. Eroki napinra sikamma hukkung-hukkung siagang allo lompona agamana umma'Na Allata'ala, siagang lanikoasai ke'nanga lalang tallu assitangnga taung.

DANIEL 8:13

Nampa kulangngere' sa'ra malaekaka akkana mae ri malaeka' maraengannaya, “Sa'ge kemae sallona anjo sikontu apa nicinika lalang paccinika lakajariang? Sa'ge siapa sallona anjo dosa lompoa ansambeangi koro'bang allo-alloa? Sa'ge siapa sallona tantara suruga siagang balla' ibadaya lanionjo'-onjokang?”

HOSEA 3:4

Kammami anjo passala'na bansa Israel; teai sipato' sallona tena karaenna yareka pamimpinna, tena koro'bang yareka tampa'-tampa' karama', tena barhala-barhala yareka jima'-jima' akkullea assungkeangi ke'nanga rahasiana allo labattua.

MATIUS 24:15

“Lanuciniki sallang ammenteng ri tampa' matangkasaka, ‘Kaja'dallang langngancuruka’, sangkamma le'baka napau Na'bi Daniel.

MATIUS 26:28

Nasaba' iaminne cerakKu, ampakajarrekai janjinNa Allata'ala – cera' nipasolonga, sollanna akkulle nipammopporang sikontu dosana tau jaia.

MATIUS 27:51

Anjo wattua sinre'mi gordenga lalang ri Balla'Na Batara, ta'bage rua battu rate sa'genna naung. Ta'ge'goso'mi buttaya, siagang ta'bage ruami bulu' batua.

MARKUS 13:14

“Nia' sallang lanucini' ammenteng ‘Kaja'dallang Lammanra'-manrakia’ ammenteng ri tampa' tasiratanga napammentengi. (Tau ammacaya parallui napahang apa battuanna anne!) Anjo wattua, tau niaka ri Yudea parallui lari nai' ri buluka.

LUKAS 21:20

“Punna nucini' sallang nitammulili kota Yerusalem ri surudadu, lanuassemmi angkanaya tasalloami nalaruntung anjo kotaya.

LUKAS 21:24

Nia' lanibuno siagang pa'dang, siagang nia' todong lanierang mange nipela' ri pa'rasangang maraenga. Siagang lanionjo'-onjokangi anne kota Yerusalem ri tu kapereka, tenaya namalla' ri Allata'ala, sa'genna la'busu'mo wattu le'baka Napattantu Batara mae ri ke'nanga.”

ROMA 11:26

lanipasalama' ngaseng tommi sikontu tu Yahudia. Nasaba' nia' tattulisi' lalang ri Kittaka angkanaya, “Laniaki Karaeng Mappasalamaka battu ri Sion; laNapakabella ngasengi sikontu kaja'dallanna battu ri sossoranna Yakub.

ROMA 5:15

Mingka tena nasangkamma anjo tau ruaya; nasaba' lompoangangi passareNa Allata'ala punna nipasiukkuruki siagang dosa nagaukanga Adam. Passabakkang se're tau sala najaimo tau mate. Mingka la'biangampa lompona pangngamaseanNa Allata'ala siagang hadia kasalamakkang Napassareanga mae ri sannaka jaina tau tete ri baji' pa'mai'na se'rea tau iamintu Isa Almasi.

ROMA 5:19

Kammayatompa sangkamma angkanaya passabakkang se're tau tamannuruki ri Allata'ala najaimo tau a'jari doraka, sangkamma tomminjo passabakkang se're tau anggaukangi ero'Na Allata'ala, nalajai tommo tau assibajiki ammotere' siagang Allata'ala.

IBRANI 9:28

Kammatommi anjo Almasi. Sikaliji bawang nipassareang a'jari koro'bang, najai tau Natangkasi dosana. Labattu poleangi makapinruanna. Mingka teaimi untu' antanggongi dosaya; passangalinna untu' ampasalamaki sikamma tau antayangai kabattuanNa.