DANIEL 9:23 - KITTA' MATANGKASA'

²³ Ri wattunnu appakkaramula appala' mae ri Allata'ala, appialimi. Battua' anne ampabattuangko lanri Nakamaseangko Allata'ala. Jari pilangngerimi baji'-baji' nakupakasingara' battuanna anjo apa nucinika.

DANIEL 9:23 ပူးပေါင်းရင်းမြစ်များ

2 KARAENG-KARAENG 19:20

Nampa akkiring pasang Na'bi Yesaya mae ri Karaeng Hizkia angkanaya salaku pappiali mae ri pappala' doanna karaenga,

PANGNGEBARANG 15:8

Natarimai Batara pappala' doanna tau bajika, mingka birisiki mae ri passarena tau ja'dalaka.

KELONG MALA'BIRI' 7:10

Inakke napatanga' tanringku, eroki ri nakke.

YEHEZKIEL 14:14

Manna pole nania' Nuh, Danel siagang Ayub ammantang anjoreng ri tampaka, anjo kabajikanna tau tallua poro nyawa kalenna tonji ke'nanga lasalama'. INakke, Batara Kaminang Tinggia anne akkana.

YEHEZKIEL 24:16

“He tau, ti'ring laKualle silalonnai tau kaminang nukamaseanga. Mingka takkulleako appiraung siagang angngarru', yareka nulappassang assolong je'ne' matannu.

YEHEZKIEL 26:12

Anjo musu-musunnu lanarampasaki sikontu kakalumanynyangngannu siagang barang-barang danggangngannu. Lanaruntungi tembo'-tembo'nu siagang lanarumbangi sikamma balla' ga'ganu. Lanaallei ke'nanga batu-batunna, papang-papanna, siagang buttana, nampa napasambila antama ri tamparanga.

DANIEL 10:1

Ri taung makatallu pamarentahanna Karaeng Koresy ri Persia, nia' se're pasang nipa'nyata mae ri Daniel niarenga todong Beltsazar. Kammatojengi anjo pasanga mingka sanna' sukkara'na nipahang. Ri wattunna naboya Daniel battuanna, anggappami kasingarang Daniel angkana apa battuanna anjo pasanga lalang se're paccini'.

DANIEL 10:19

Nakanamo, “Nakamaseangko Allata'ala; lanri kammana anjo tea' mako lussakki yareka tea' mako mallakki, gassingi kalennu!” Lalang napauna anjo kammaya, pila' gassimmi kusa'ring kalengku, nampa kukanamo, “A'bicara maki', karaeng. Kitambaimi kagassingangku kusa'ring.”

DANIEL 6:3

Daniel siagang rua tau maraengannaya niangkaki untu' angngawasi anjo sikamma guburnurka sollanna tena nanirugikangi karaenga.

MATIUS 24:15

“Lanuciniki sallang ammenteng ri tampa' matangkasaka, ‘Kaja'dallang langngancuruka’, sangkamma le'baka napau Na'bi Daniel.

LUKAS 1:28

Battumi anjo malaekaka mae ri Maria na nakana, “Salamakko, ikau tu nibarakkakia ri Batara! Poro nirurungangko ri Batara!”