DANIEL 8:17 - KITTA' MATANGKASA'

¹⁷ Jari Gabriel, anjo ammentenga ri dallekangku a'reppese'mi mae ri nakke. Sanna'mi malla'na kusa'ring, sa'gengku anra'ba. Nakanamo Gabriel ri nakke, “He tau, musti nuassengi battuanna anjo apa nucinika, angkanaya anjo passala'na kala'busang jammanga.”

DANIEL 8:17 ပူးပေါင်းရင်းမြစ်များ

PA'JARIANG 17:3

Su'ju'mi Abram, nampa Nakanamo Allata'ala,

YEHEZKIEL 1:28

a'rupa-rupa cura'na sangkamma tarawe. Iaminjo singara' accaya, ampa'nyatayai kahaderanNa Batara. Kucini'na anjo sikammaya, tu'guru'ma' attinompang, a'dalle' naung ri buttaya. Nampa nia'mo sa'ra kulangngere' angkana,

YEHEZKIEL 2:1

“He tau, ammentengko. ErokKa' a'bicara siagang ikau.”

YEHEZKIEL 44:4

Nampa anjo tu bura'nea naeranga' mange ri pakke'bu' lompo bageang wara', assidallekanga siagang Balla'Na Batara. Kuparhatikangi, siagang kucini'mi anjo Balla'Na Batara nitongko' ri caya accilla' tanra kahaderanNa Batara. Nampa anra'bama' naung nakusu'ju',

YEHEZKIEL 6:2

“He tau, ciniki moncong-moncong niaka ri Israel, siagang pabattui pasangku ri passala'na hukkungangKu mae ri ke'nanga.

DANIEL 10:11

Nakanamo anjo malaekaka ri nakke, “Daniel, Nikamaseangko ri Allata'ala. Ambangungko siagang ammentengko nai' nampa pilangngeri baji'-baji' anne kana-kanangku. Nisuroa' anne battu mae ri kau.” Ri wattunna napau anjo kammaya, ammentemma' nakuannekkere'.

DANIEL 10:16

Nampa anjo malaeka' a'rupataua napajonjoi limanna na nasero muncengku. Kukanamo ri ia, “O karaeng, anne paccinika nasessa sikalia' sa'genna tena sikalimo kagassingangku kusa'ring.

DANIEL 11:27

Nampa anjo ruaya karaeng lammempoi ri se'reang meja sipangnganreang, mingka ja'dalaki lalang nyawana ke'nanga, siagang massing lasiballe-ballei ke'nanga. Mingka lasalasai rancanana ke'nanga lanri tenapa narapiki wattunna.

DANIEL 11:40

Punna la'birimmo battu allo kala'busanna kakoasanna anjo karaeng pa'rasangang waraka, labattumi karaeng pa'rasangang timboroka untu' ambunduki. Nampa karaeng pa'rasangang waraka lanabalasaki anjo bunduka siagang kabaraniang lompo. Lanapagioki kareta bundu' jaia, jarang na kappalaka. Lamajui rapang je'ne' a'baya, nampa jaimo pa'rasangang naempoi.

DANIEL 12:13

Ikau Daniel, majarre' laloko sa'genna allo kala'busanga. Lamateko, mingka lambangung poleangko untu' antarimai pahalanu ri kala'busang jammanga.”

DANIEL 12:4

Nampa nakana pole anjo malaekaka ri nakke, “Daniel, tongkoki anjo kittaka kamma-kamma anne, siagang sarei segele' sollanna tuli tattongko' sa'genna ri kala'busang jammanga. Jai tau ansalidiki apa niaka kajariang. Mingka anjo usahana ke'nanga latena sikali matu-matunna.”

DANIEL 2:46

Nampa su'ju'mo Karaeng Nebukadnezar ri dallekanna Daniel siagang naparentakang sollanna nipakalompo Daniel siagang nisare koro'bang nitunu kammayatompa passare maraengannaya.

DANIEL 7:16

Nampa kureppesi kalase'renna tau niaka ammenteng anjoreng siagang appalakka' kasingarang ri passala'na yangasenna anjo kammaya. Jari napauamma'.

DANIEL 8:15

Ri wattunna kuboya battuanna anjo apa kucinika, ti'ring nia'mo battu ri dallekangku ammenteng sangkamma tau.

DANIEL 8:19

“Lakupauangko apa lakajarianga sallang lanri pangngalarroiNa Allata'ala. Nasaba' anjo paccini'nu napa'nyatami antekamma sallang kala'busang jammanga.

DANIEL 8:27

Nampa a'jari lammamo kusa'ring pakkasiakku, sa'gengku tu'guru' garring pirangallo are. Le'baki anjo ambangumma' nampa kugaukang ammotere' sikamma tugasakku untu' karaenga. Mingka lussakka' annawa-nawai anjo sikamma apa kucinika na tena nakkulle kupahang battuanna.

DANIEL 9:23

Ri wattunnu appakkaramula appala' mae ri Allata'ala, appialimi. Battua' anne ampabattuangko lanri Nakamaseangko Allata'ala. Jari pilangngerimi baji'-baji' nakupakasingara' battuanna anjo apa nucinika.

DANIEL 9:27

Anjo karaenga lappareki parjanjiang majarre' siagang tau jaia lalang tuju taung. Ri attangngana anjo jammanga lanasuro pamarimi nikanaya assare koro'bang siagang passare. Nampa nia' apa appakamalla' iamintu niarenga Kaja'dallang angngancuruka, laniboli' ri Balla'Na Batara siagang latuli nia'na anjoreng sa'genna anjo tau ambolikai anjoreng nitujumi kapanrakang le'baka Napattantu Allata'ala untu' anjo taua.”

HABAKUK 2:3

Cataki anjo, nasaba' kamma-kamma anne teaipi wattunna. Mingka tasalloai nabattu anjo wattua, siagang apa le'baka Kupa'nyata mae ri kau tena ta'rupana. Manna pole nasallo ijapa cinikanna, mingka tayang mami! Anjo wattua ma'nassa labattui siagang tena nalanipaunduru'.

MATIUS 17:8

Assailena ke'nanga, tenamo tau maraeng nacini' pantaranganna Isa.

PAPPICINI' 1:17

Ri wattunna kucini', su'ju'ma' naung ri dallekanNa sangkamma tau matea. Mingka Napadongko'mi lima kananNa ri kalengku nampa Nakana mae ri nakke, “Teako mallakki! INakkemi uru-urua siagang iNakkemi kala'busanga.

PAPPICINI' 22:8

Inakke, Yohanes, le'ba' ngasemmi kulangngere' siagang kucini' ngaseng sikammaya anjo. Le'ba'na kulangngere' siagang kucini', su'ju'ma' ri dallekanna anjo malaeka' ampicinikianga' sikammaya anjo, siagang ero'ma' anynyomba mae ri ia;