DANIEL 8:15 - KITTA' MATANGKASA'

¹⁵ Ri wattunna kuboya battuanna anjo apa kucinika, ti'ring nia'mo battu ri dallekangku ammenteng sangkamma tau.

DANIEL 8:15 ပူးပေါင်းရင်းမြစ်များ

YESAYA 9:6

Ammarentai salaku turunganna Daud, kakoasanNa tamaka lompona. Tuli laamangi na salewangang pa'rasanganNa; pamarentahanNa ta'dongkoki rate ri hukkung siagang kaadelang anne kamma siagang satunggu-tungguna. Batara Kaminang Makoasaya, mattantu laNarupaina.

DANIEL 10:16

Nampa anjo malaeka' a'rupataua napajonjoi limanna na nasero muncengku. Kukanamo ri ia, “O karaeng, anne paccinika nasessa sikalia' sa'genna tena sikalimo kagassingangku kusa'ring.

DANIEL 10:18

Jari sikalipi pole naseroa', sa'genna katambang ammotere' kagassingangku.

DANIEL 10:5

Acconga' nania' kucini' sitau ammake pakeang lenang siagang passikko' aya' bulaeng ti'no'.

DANIEL 12:8

Sikontu anjo apa napaua memang kulangngereki, mingka tena nakupahangi. Nampa akkuta'nanga' angkana, “O karaeng, antekamma batena lakala'busang yangasenna anne?”

DANIEL 7:13

Lalang paccinikku ri anjo bangngia, nia' kucini' sangkamma rupatau. Battui na nikulilingi ri rammang, nampa a'lampa mange ri Ia anjo mattallasaka satunggu-tungguna siagang nipappiassengang mae ri ia.

DANIEL 7:28

Sikammami anne carita kupabattua. Sanna' lussakku sa'genna pi'lasa' tanjakku, mingka tena manna sitau kupauang anne passalaka ngaseng.

DANIEL 8:1

Ri taung makatallu pamarentahanna Karaeng Belsyazar, anggappa' paccini' makarua.

DANIEL 8:19

“Lakupauangko apa lakajarianga sallang lanri pangngalarroiNa Allata'ala. Nasaba' anjo paccini'nu napa'nyatami antekamma sallang kala'busang jammanga.

ZAKHARIA 1:9

Akkuta'nanga' mae ri ia angkana, “Karaeng, apa battuanna ngaseng sikamma anne jaranga?” Appialimi angkana, “Lakusungkei battuanna mae ri kau.

MATIUS 13:36

Le'baki anjo, Nabokoimi Isa anjo tau jaia, nampa antama' ri balla'. Battumi ana'-ana' gurunNa akkuta'nang angkana, “Kipakasingara' sai ri kambe battuanna anjo pangngebarang rea attimboa ri alla'na asea.”

MATIUS 24:15

“Lanuciniki sallang ammenteng ri tampa' matangkasaka, ‘Kaja'dallang langngancuruka’, sangkamma le'baka napau Na'bi Daniel.

MATIUS 24:30

Le'baki anjo lammumbami rate ri langika pammatei kabattuanNa Ana' Ma'rupataua. Na anjo wattua langngarru' ngasemmi sikontu bansa-bansa niaka lalang lino. Lanacini'mi ke'nanga battu Ana' Ma'rupataua ri tompo'na rammanga, lalang koasaNa siagang kala'birang malompoNa.

MARKUS 13:14

“Nia' sallang lanucini' ammenteng ‘Kaja'dallang Lammanra'-manrakia’ ammenteng ri tampa' tasiratanga napammentengi. (Tau ammacaya parallui napahang apa battuanna anne!) Anjo wattua, tau niaka ri Yudea parallui lari nai' ri buluka.

MARKUS 4:12

sollanna ‘Lanaciniki tojemmi ke'nanga, mingka tanaassengai apa kajarianga, lanapilangngeri tojemmi ke'nanga, mingka tanapahangai, anne kajariangi sollanna tena naciniki siagang tena napahangi ke'nanga na tea battu mae ri Allata'ala, nampa nipammopporang ri Allata'ala ke'nanga.’ ”

YOSUA 5:14

Appialimi anjo taua angkana, “Teai agang, siagang teai todong bali. Inakke battua' mae anrinni salaku panglimana tantaraNa Batara.” Nalangngere'na Yosua pappialinna anjo taua, su'ju'mi anynyomba ri anjo taua. Angkanami Yosua, “Inakke anne atanta' karaeng. Apa akkulle kugaukang untu' ikatte?”

PAPPICINI' 1:13

Ri tangnga-tangngana anjo sikamma bangkeng-bangkeng lampua nia' sitau ammenteng a'rupa taua nicini' tanja'Na. Ammakei juba turunga sa'genna naung ri bangkenNa. Na barambanNa ammakei passikko' bulaeng.

PAPPICINI' 13:18

Anrinni parallui nia' pangngissengang. Inai-nai baji' pangngissenna, akkullei narekeng battuanna lomoro'na anjo olo'-oloka; nasaba' anjo lomoroka, iamintu areng se're tau. Lomoro'na iamintu 666.