DANIEL 8:13 - KITTA' MATANGKASA'

¹³ Nampa kulangngere' sa'ra malaekaka akkana mae ri malaeka' maraengannaya, “Sa'ge kemae sallona anjo sikontu apa nicinika lalang paccinika lakajariang? Sa'ge siapa sallona anjo dosa lompoa ansambeangi koro'bang allo-alloa? Sa'ge siapa sallona tantara suruga siagang balla' ibadaya lanionjo'-onjokang?”

DANIEL 8:13 ပူးပေါင်းရင်းမြစ်များ

PAMMUJI 74:10

Sa'genna siapa sallona, o, Allata'ala, musua lancau-cauKi'? Sa'ge tulusu'naka ke'nanga langhinai arenTa?

PAMMUJI 74:9

Tenamo nicini' na'bi-na'bi siagang tanra-tanra appakalannasa', manna sitau tania' angngassengi sa'genna siapa sallona tulusu' lakamma anne.

PAMMUJI 79:5

O, Batara, maka lasitulusutTa larro, siagang a'rinra kamma pepe' kimburuTa?

YESAYA 28:18

Parjanjiannu siagang kamateanga kammayatompa passitujuannu siagang lino tau matea lanipassala-salangi; sa'genna punna battu balaya, laancurukko nionjo'-onjokang.

YESAYA 6:11

Akkuta'namma' angkana, “Siapa sallona lakajariang anne kammaya, Batara?” Appialimi angkana, “Sa'genna a'jari rumbangngang anjo kota-kotaya natena taunna, tenamo nipammantangngi sikamma ballaka, siagang la'jari sino sikalimi na roso' buttaya.

YESAYA 63:18

Angngapa Kilappassangi musua angngonjo'-onjokangi BallatTa, siagang nara'massi taua bulu' matangkasatTa?

YESAYA 9:6

Ammarentai salaku turunganna Daud, kakoasanNa tamaka lompona. Tuli laamangi na salewangang pa'rasanganNa; pamarentahanNa ta'dongkoki rate ri hukkung siagang kaadelang anne kamma siagang satunggu-tungguna. Batara Kaminang Makoasaya, mattantu laNarupaina.

YEREMIA 12:10

Jai pamarenta bansa maraeng le'ba' ampanraki koko anggorokKu siagang angngonjo'-onjokangi sikamma kokongKu. Pa'rasangang ga'gaKu napinrai a'jari parang luara' sinoa.

DANIEL 11:31

Nampa akkiring pasukang untu' anra'massi Balla'Na Batara. Lanapammari ke'nanga koro'bang allo-alloa siagang appaentengi ke'nanga apa appakamalla' sikalia, iamintu niarenga Kaja'dallang Angngancuruka.

DANIEL 12:11

Appakkaramula battu ri allo nipammarina anjo koro'bang allo-alloa siagang sikamma appakamalla' niarenga Kaja'dallang Angngancuru' nipaenteng, nia' 1.290 allo.

DANIEL 12:8

Sikontu anjo apa napaua memang kulangngereki, mingka tena nakupahangi. Nampa akkuta'nanga' angkana, “O karaeng, antekamma batena lakala'busang yangasenna anne?”

DANIEL 4:10

Ri wattungku lalang tinro, nia' kucini' se're poko' kayu attimbo ri tangnga-tangngana buttaya.

DANIEL 4:13

Lalang kunawa-nawana anjo apa kucinika, nia'mo kucini' se're malaeka' naung battu ri suruga; tutui najaga-jaga kucini'.

DANIEL 4:23

Nia' kicini' karaeng se're malaeka' naung battu ri suruga na nakana, ‘Ta'bangi anne poko' kayua siagang panraki, mingka lappassangi tonasa'na ammantang lalang ri buttaya. Sikkoki siagang rante bassi na tambaga, nampa boliki ri parang rukuka. Lappassangi nibasai ri allung, siagang attallasa' siagang olo'-oloka lalang tuju taung.’

DANIEL 7:16

Nampa kureppesi kalase'renna tau niaka ammenteng anjoreng siagang appalakka' kasingarang ri passala'na yangasenna anjo kammaya. Jari napauamma'.

DANIEL 7:23

Iaminne kasingarang kugappaya, “Anjo olo'-olo' makaappaka iamintu kakaraengang makaappa' lania' ammenteng ri lino, siagang tena nasangkamma kakaraengang maraenganga. Anjo kakaraenganga lanaancuruki siagang lanaa'luki sikontu buttaya nampa naonjo'-onjokang sesanna.

DANIEL 9:27

Anjo karaenga lappareki parjanjiang majarre' siagang tau jaia lalang tuju taung. Ri attangngana anjo jammanga lanasuro pamarimi nikanaya assare koro'bang siagang passare. Nampa nia' apa appakamalla' iamintu niarenga Kaja'dallang angngancuruka, laniboli' ri Balla'Na Batara siagang latuli nia'na anjoreng sa'genna anjo tau ambolikai anjoreng nitujumi kapanrakang le'baka Napattantu Allata'ala untu' anjo taua.”

ZAKHARIA 1:19

Akkuta'nanga' mae ri anjo malaeka' le'baka a'bicara mae ri nakke, angkana, “Apa ngaseng battuanna anjo sikamma tanruka?” Appialimi angkana, “Anjo sikamma tanruka iamintu pangngebarranna sikamma kakaraengang makassaka ampatassimbung-simbungai pandudu'na Yehuda, Israel siagang Yerusalem.”

ZAKHARIA 14:5

Lalariko allalo ri anjo lappara' ka'bung ambage ruayai anjo buluka. Lalariko sangkamma boe-boenu ri wattunna ta'ge'goso' buttaya ri wattu ammarentana Uzia, iamintu karaenna Yehuda. Nampa battu Karaeng Allata'alaku, nirurungang ri sikontu malaekaka.

MATIUS 11:27

Nampa Nakana Isa, “Yangaseng-ngasenna le'ba'mi Kipassareang mae ri Nakke. Tenanniakka manna sitau angngassengi AnatTa, pantaranganna iKatte. Tenanniakka todong angngassengKi', pantaranganna AnatTa, siagang sikamma tau le'baka Kupauang.

MATIUS 24:15

“Lanuciniki sallang ammenteng ri tampa' matangkasaka, ‘Kaja'dallang langngancuruka’, sangkamma le'baka napau Na'bi Daniel.

MARKUS 13:14

“Nia' sallang lanucini' ammenteng ‘Kaja'dallang Lammanra'-manrakia’ ammenteng ri tampa' tasiratanga napammentengi. (Tau ammacaya parallui napahang apa battuanna anne!) Anjo wattua, tau niaka ri Yudea parallui lari nai' ri buluka.

LUKAS 10:22

Sikontu-kontuna le'ba'mi Kipassareang mae ri Nakke. Tena manna sitau angngassengi anne AnatTa, pantaranganna iKatte. Tena todong sitau angngassengKi', pantaranganna AnatTa, siagang sikamma tau le'baka Napauang AnatTa.”

LUKAS 21:20

“Punna nucini' sallang nitammulili kota Yerusalem ri surudadu, lanuassemmi angkanaya tasalloami nalaruntung anjo kotaya.

LUKAS 21:24

Nia' lanibuno siagang pa'dang, siagang nia' todong lanierang mange nipela' ri pa'rasangang maraenga. Siagang lanionjo'-onjokangi anne kota Yerusalem ri tu kapereka, tenaya namalla' ri Allata'ala, sa'genna la'busu'mo wattu le'baka Napattantu Batara mae ri ke'nanga.”

YOHANES 1:18

Tenanniakka le'ba' anciniki Allata'ala, pantaranganna Ana' sitau-tauNa Manggea, sangkammaya siagang Manggea, na majarreka ri KalenNa. Iami ampa'nyatai Manggea ri Katte.

PAOLE 33:2

“Niaki Batara battu ri Moncong Sinai; ammumba ri tompo'na Edom rapang allo. Battu ri Moncong Parangi ammumba untu' ansingari bansaNa. Nirurungang ri sampulo sa'bu malaeka'; a'rinra pepeka ri sa'ri kananNa kamma kila'.

1 TESALONIKA 3:13

Lanri kammana, akkullemi Napakajarre' Batara pa'mai'nu, sa'gennu matangkasa' siagang tena callannu ri dallekanNa Allata'ala Manggeta, punna battu poleang sallang Batara Isa a'rurung siagang sikontu taunNa ngaseng.

IBRANI 10:29

Teaimi sipato' la'bi battala'na musti hukkunganna tau angngonjo'-ngonjokangai Ana'Na Allata'ala. Napakatunai cera' passijanjianNa Allata'ala, iamintu kamateanNa Almasi antangkasiai dosana. Nahinai Roh assarea passare malammoro'.

1 PETRUS 1:12

Napaumi Allata'ala mae ri anjo na'bi-na'bia angkanaya anjo apa nagaukanga ke'nanga teai untu' kaparalluang kalenna ke'nanga, passangalinna untu' kaparalluannu; iamintu apa-apa singarakamo nulangngere'na kamma-kamma anne battu ri sikamma tau ambirittakangai anjo Kabara' Baji' ri passala'na Isa Almasi. Napabattumi ke'nanga anjo kabaraka mae ri kau ngaseng lalang koasaNa RohNa Allata'ala, nikiringa battu ri suruga. Ba'lalo manna sikamma malaekaka ero' tongi angngassengi anjo kabara' nabirittakanga ke'nanga.

YUDAS 1:14

Henokh, iamintu sossorang makatujua lapisi'na battu ri Adam, le'baki napau la'bi riolo pirangalloang ri passala'na ngaseng anne tau kammaya. Angkanai Henokh, “Ciniki sallang, labattui Batara siagang assa'bu-sa'bu malaeka' matangkasa'Na,

PAPPICINI' 11:2

Mingka teako ukkuruki paranglakkeng pantaranganna anjo Balla'Na Allata'ala, nasaba' anjo bageanga le'ba'mi nipassareang mae ri tau tenaya natappa' mae ri Batara. Lanaonjo'-onjokangi ke'nanga anjo kota matangkasaka patampulo anrua bulang sallona.

PAPPICINI' 6:10

Akkio' lompomi ke'nanga angkana, “O Batara Kaminang Koasaya, Ia matangkasaka na tojeng! Siapapi sallona nampa Kiadeli tuma'buttaya ri lino siagang Kihukkung ke'nanga lanri nabunona ikambe?”

HAKING-HAKING 13:18

Akkuta'nammi malaeka'Na Batara angkana, “Apa saba'na nuero' angngassengi arengku? Anjo arengku appakkalannasaki.”