DANIEL 6:27 - KITTA' MATANGKASA'

²⁷ Kuparentakangi mae ri sikontu tau niaka ri daera kakaraengangku sollanna malla' siagang napakalompo Allata'ala nasombaya Daniel! Iami Allata'ala mattallasaka satunggu-tungguna, sa'genna kala'busang jammang ammarenta. Tena olona lapanra' kakaraenganNa. Tena la'busu'na kakoasanNa.

DANIEL 6:27 ပူးပေါင်းရင်းမြစ်များ

AYUB 36:15

Naajaraki Allata'ala rupataua siagang kapa'risang, Napakei kasusaanga untu' ampasailei taua.

PAMMUJI 145:13

PamarentahanTa tulusuki sa'genna satunggu-tungguna, kakoasanTa attahangi sikontu turungang. Tamamminrayai Batara ri sikontu janjinNa, rassi pangngamaseang sikontu panggaukanNa.

PAMMUJI 18:48

Nasarea' pammetang mae ri musungku; Napadundui bansa-bansaya ri dallekangku,

PAMMUJI 18:50

Jari kupakalompo maKi' ri alla'na bansa-bansaya, siagang makkelomma' pammuji-muji mae ri Katte.

PAMMUJI 32:7

IKattemi tampa' paccokkoangku, Kilappassanga' battu ri kasukkaranga. Nakuakkio'mo napakamma rannu, saba' le'ba'ma' Kipasalama'.

PAMMUJI 35:17

Sa'genna kemae wattu, o, Batara, sa'genna kemae wattu, Kicini'-cinikija' bawang? Kipasalama' laloa' battu ri pa'bakkana ke'nanga, Kipasalamaki nyawaku battu ri anjo singa-singaya.

PAMMUJI 97:10

He, ikau ngaseng mangngaia ri Batara, kabirisi laloi kaja'dallanga! Saba' Najagai Batara tallasa'na umma'Na, Napakabebasaki ke'nanga battu ri koasana tu dorakaya.

YEREMIA 10:10

Mingka iKatte, Batara, Allata'ala tojenga, Allata'ala assarea katallassang, Karaeng mannannunganga. Punna larroKi', ta'ge'gosoki buttaya, Punna nassuKi' tattahangngai bansa-bansaya. (

DANIEL 2:44

Ri wattu ammarentana anjo sikamma karaenga, Allata'ala ri suruga lappaentengi se're kakaraengang lattahanga satunggu-tungguna siagang tenaya nakkulle lanibeta ri manna bansa battu kemae. Anjo kakaraenganga lanaancuru' tabasikali anjo sikamma kakaraengang maraenga.

DANIEL 4:31

Tenapa nakupuppusu' a'bicara nania'mo sa'ra kulangngere' battu ri langika, angkana, “He Karaeng Nebukadnezar, pilangngeri anne! Kakoasannu salaku karaeng niallemi battu ri kau.

DANIEL 4:34

Ri wattunna allalomo anjo wattu tuju taunga sallona, accongama' nai' ri langika, nampa ammotere'mo pangngu'rangingku. Jari kupujimi Allata'ala Kaminang Tinggia. Kupakalompoi siagang kupakala'biriki anjo Allata'ala mattallasaka mannannungang. “Allata'ala la'jari Karaeng untu' satunggu-tungguna. Ia makoasa ri sikontu jammanga.

DANIEL 4:35

Bansa-bansaya ri lino tena anggaranna. Allata'ala makoasa mae ri malaekaka ri suruga siagang pandudu'na buttaya. Tena manna sitau akkulle ambaliangi ero'Na, tena barani ampakuta'nangngangi apa Nagaukanga.”

DANIEL 6:20

Ri wattu subua ambangummi nai' karaenga nampa karo-karo a'lampa mange ri leang singaya.

YOHANES 4:48

Nakanamo Isa ri anjo pagawena karaenga, “Ka'de' tanucinika anjo gau'-gau' appakalannasa' le'baka Kugaukang, tena ngaseng nulatappa'.”

LAMPA-LAMPANA 4:30

Kipa'nyatai pannulunTa sollanna akkulle niballei tau garringa, siagang nakajariang gau'-gau' appakalannasaka, lanri koasana siagang kagassingang battua ri arenNa Isa, Ana' MatangkasatTa.”

IBRANI 2:4

Kammayatompa, KalenNa Allata'ala ampakajarreki kasa'bianna anjo taua ngaseng, iamintu lalang Nagaukanna a'rupa-rupaya gau' appakalannasaka siagang gau'-gau' sannaka heba'na; siagang lalang Napa'bage-bageanna sikamma passare malammoro' battua ri RohNa Allata'ala situru' kaerokang KalenNa.

1 SAMUEL 17:26

Nakanamo Daud, “Barani tojengi anjo tu Filistin kapereka ampa'ngarai tantaraNa Allata'ala attallasaka!” Nampa akkuta'nang mae ri kalase'renna tantaraya angkana, “Apa lanisareangi tau akkullea ambunoi anjo tu Filistin siagang antongkokai siri'na tu Israel?”