DANIEL 5:28 - KITTA' MATANGKASA'

²⁸ nibage, iamintu angkanaya nibagei kakaraenganta nampa nipassareang mae ri tu Media siagang Persia.”

DANIEL 5:28 ပူးပေါင်းရင်းမြစ်များ

2 PATTOTTORANG 36:23

“Anne parentana Kores, karaeng Persia. Batara, Allata'ala makoasaya ri suruga ampa'jari karaenga' ri sikontu linoa, siagang Nasuroa' ambangungi Balla'Na ri Yerusalem ri daera Yehuda. Jari ikau ngaseng Umma'Na Allata'ala musti ammoterekko mange anjoreng! Dasi-dasi naNajagaiko Karaeng Allata'alanu.”

YESAYA 13:17

Nakana Batara, “LaKupagioki bansa Madai untu' ambunduki Babel. Takkulleai ke'nanga nibuccu' siagang pera' yareka bulaeng.

YESAYA 21:2

Anggappa' pangngunju', nakucini' sikamma passala' lakajarianga, sannaka appakamalla'na; iamintu nikanaya sipa' a'bali' ballang siagang pammanrakia. Maju mako, pasukanna Elam, a'bakka mako! He, pasukanna Madai, kurummi! LaNapa'le'ba'mi Allata'ala sikontu kapa'risang passabakkang nagaukanga Babel.

YESAYA 47:11

Mingka lanatujuko bala, takkulleai baca-bacanu ampalili. Lanibattuiko ri bahaya, takkulleako ampasalai. Ti'ring labattui kapanrakanga, tanusanna-sannayai la'bi riolo.

YEREMIA 25:13

LaKuhukkungi Babel siagang sikontu bala le'baka Kurancanakang mae ri bansa-bansaya siagang le'baka Kupabattu mae ri Yeremia – iamintu sikontu bala niaka nitulisi' ilalang ri anne kittaka.

YEREMIA 51:28

Pasadiai bansa-bansaya untu' a'bundu' angngewai Babel. Kioki karaeng-karaeng Media siagang pamarenta-pamarentana kammayatompa pamimping-pamimpinna siagang tantarana battu ri sikontu pa'rasangang naparentaya ke'nanga.

DANIEL 2:32

Ulunna iamintu bulaeng ti'no' nipare', barambanna siagang paling-palinna battu ri pera', aya'na siagang pungku'na battu ri tambaga,

DANIEL 2:39

Mingka punna le'ba'mo kakaraenganta, nia'mo lammumba kakaraengang maraeng, tenaya nasallompo kakaraenganta. Nampa ammumba pole kakaraengang makatallua, nipangngebarranga lalang ri anjo tambagaya ri patunga, lakoasaya mae ri sikontu linoa.

DANIEL 6:28

Ia mappasalama' siagang appakabebasa', anggaukangi gau' malompoa siagang appakalannasaka ri langika kammayatompa ri buttaya. Le'baki Napasalama' Daniel, battu ri bawa angngokko'na singa-singaya.”

DANIEL 6:8

Ikambe ngaseng anne angngurusukai kakaraenganta, baji' sikamma pangawasa', sikamma guburnur, wakkele'-wakkele' guburnur kammayatompa pagawe-pagawe maraengannaya, assituju kabusu' maki' untu' angngussuluki mae ri katte karaeng, sollanta appasulu' sura' parenta, mustia nituruki tojeng-tojeng. Kiparentakang laloi sollanna lalang tallumpulo allo tena manna sitau nipa'biang appala' doang mae ri kalase'renna rewataya yareka rupataua, pantaranganna mae ri kalenta bawang. Inai-nai andakkai anjo parentaya lanipasambilai antama' ri leang singaya.

DANIEL 8:20

Anjo gimbala' laki nucinika, ruaya tanru'na, iami pangngebaranna kakaraengang Media siagang Persia.

DANIEL 9:1

Ri taung makase're pamarentahanna Darius tu Media, ana' bura'nena Ahasyweros, mae ri kakaraengang Babel, inakke Daniel, ammaca-maca' kitta'-kitta' agama. Kunawa-nawai angkanaya turu' kananNa Batara mae ri Na'bi Yeremia, kota Yerusalem tuli runtunna lalang tujupulo taung sallona.

LAMPA-LAMPANA 2:9

Ikatte tu battua ri pa'rasangang Partia, Media, Elam; Mesopotamia, Yudea, Kapadokia, Pontus, Asia,