DANIEL 5:14 - KITTA' MATANGKASA'

¹⁴ Kulangngereki angkanaya nikoasaiko ri roh-roh matangkasa'na rewata-rewataya, siagang angkanaya nia' kacara'dekannu, pammahannu, siagang pangngassengang lomponu.

DANIEL 5:14 ပူးပေါင်းရင်းမြစ်များ

PA'JARIANG 41:15

Nakanamo karaenga mae ri ia, “Le'bakka' asso'na, namanna sitau tena akkulle ampakasingaraki apa battuanna. Nia' angkabarrangi ri nakke angkanaya akkulleko ampakasingaraki battuanna so'naya.”

PA'JARIANG 41:38

Nampa nakanamo karaenga ri ke'nanga, “Tena olota lakkulle anggappa tau maraeng la'bi cocokangngang naanne Yusuf, lanri ia nipimpingi ri RohNa Allata'ala.”

DANIEL 2:22

Ia assungkei rahasia kaminang lantanga. Naassengi sikontu apa kajarianga lalang ri sassanga. Nikalimbuki ri caya singaraka.

DANIEL 4:8

Kala'busanna battumi Daniel ia niarenga todong Beltsazar, sangkamma arenna rewatangku. Anjo Daniel nikoasai ri roh rewata-rewata matangkasa'. Kucarita tongi so'naku mae ri ia, kukana,

DANIEL 5:13

Nierammi linta' Daniel mange andallekang ri karaenga. Nampa akkuta'nammo karaenga ri ia angkana, “Ikauka Daniel, tu Yahudi nipelaka, iamintu le'baka niengka' ri manggeku battu ri butta Yehuda?

DANIEL 5:15

Sikamma tau cara'deka siagang pacinika le'ba'mi nacoba ambacai anne tulisanga siagang ampauanga' battuanna. Mingka takkulleai ke'nanga.

DANIEL 6:3

Daniel siagang rua tau maraengannaya niangkaki untu' angngawasi anjo sikamma guburnurka sollanna tena nanirugikangi karaenga.