DANIEL 2:22 - KITTA' MATANGKASA'

²² Ia assungkei rahasia kaminang lantanga. Naassengi sikontu apa kajarianga lalang ri sassanga. Nikalimbuki ri caya singaraka.

DANIEL 2:22 ပူးပေါင်းရင်းမြစ်များ

PA'JARIANG 41:16

Appialimi Yusuf angkana, “Teai anne atanta karaeng, mingka Allata'ala lampakasingara' bajiki.”

AYUB 12:22

Nasingari tampa'-tampa' anremenga; Nasiori bayang-bayang le'leng pakkaka.

AYUB 26:6

Ri dallekanNa Allata'ala, tassungkei linona tau matea, tena tattongko' sa'genna Nacini'.

PAMMUJI 104:2

akkalimbukKi' cahaya. IKatte ampaka'rangi langika sanrapang kema,

PAMMUJI 25:14

Batara belana tu mappilangngeria, Napappiassengangi ri ke'nanga apa Nakaerokia.

PAMMUJI 36:9

Sukkuki ke'nanga ri kanre alla'bi-la'bia ri BallatTa, siagang inungang battua ri binangaTa appakanyamangi.

KATO'BA 8:1

Tamaka sannanna tau cara'deka. Naassengi pialinna sikamma parkaraya. Kacara'dekanga ampa'jari rannui siagang ta'muri, sa'genna tuli accaya rupanna.

YESAYA 41:22

Battu mako mae, siagang tappu riolomi apa lakajarianga, sollanna naasseng ikambe antekamma sallang kale'bakkanna. Paumi sikamma kajariang-kajariang rioloa, pakasingara'mi battuanna sollanna naparhatikangi ikambe.

YESAYA 41:26

Inai ri kau akkulle antappu rioloi sa'genna akkulle ikambe ampattojengi? Mingka tena ri kau akkulle ampaui, tena tau allangngerekko le'ba' a'bicara.

YESAYA 42:9

Kamma-kamma anne apa le'baka Kutappu riolo kajariammi; erokKa' pole ampabattui passala' berua; ri tenanapa nakajariang anjo, Kupau riolomi mae ri kau.”

YESAYA 45:7

INakke ampa'jari singaraka siagang sassanga, iNakke ampabattui barakkaka siagang balaya. INakkemi Batara anggaukang ngasengi anjo sikammaya.

YEREMIA 23:24

Tena manna sitau akkulle ancokkoi kalenna battu ri paccinikKu, nasaba' niakKa' ri kere-keremae, ri suruga siagang ri lino.

YEREMIA 33:3

“Akkiokko mae ri Nakke, na Kulappiali; laKupauangko apa-apa ga'gaya siagang appakalannasaka, ia tenayapa nanuassengi.

DANIEL 2:11

Sukkara' dudui apa kikaerokia karaeng. Tena manna sitau akkulle anggaukangi pantaranganna sikamma rewataya, mingka tenai ke'nanga ammantang ri alla'na rupataua.”

DANIEL 2:19

Anjo memang bangngia Napaumi Allata'ala rahasiana anjo so'naya mae ri Daniel lalang se're paccini'. Jari mammujimi Daniel mae ri Allata'ala niaka ri suruga,

DANIEL 2:47

Nakana karaenga ri ia, “Tojeng, Daniel, anjo Allata'alanu kaminang malompo ri alla'na sikontu rewataya. Iami makoasa mae ri sikontu karaenga, siagang assungkeai sikontu rahasiaya. Kuassengi anjo passalaka nasaba' ikau akkulleko ampakasingaraki anne rahasiaya.”

DANIEL 5:11

Nasaba' lalang ri kakaraenganna karaengku nia' sitau bura'ne nikoasai ri roh rewata-rewata matangkasaka. Ri wattu pamarentahanna manggena karaengku, anjo taua a'buttimi angkanaya nia' kacara'dekanna, pammahanna siagang pangngassenganna, sangkamma pangngassenganna sikamma rewataya. Manggena karaengku, iamintu Karaeng Nebukadnezar, le'baki naangka' anjo taua a'jari pamimping mae ri pacinika siagang tau cara'deka accini' bintoeng.

DANIEL 5:14

Kulangngereki angkanaya nikoasaiko ri roh-roh matangkasa'na rewata-rewataya, siagang angkanaya nia' kacara'dekannu, pammahannu, siagang pangngassengang lomponu.

MATIUS 13:13

Iaminjo saba'na naKummake pangngebarang punna Kuajara' anjo tau jaia. Nasaba' accini'ji ke'nanga, mingka sanrapangi tau tenaya naccini'. Allangngere'ji ke'nanga, mingka sanrapangi tau tenaya nallangngere' siagang tau tenaya nammahang.

YOHANES 1:9

Singara' sitojennaya, assingariai sikontu rupataua, nia'mi battu ri lino.

YOHANES 21:17

Akkuta'nammi pole Isa makapintallunna ri ia, Nakana, “Simon, ana'na Yona, maka nukamaseangA'?” A'jari si'nami atinna Petrus, lanri pintallummi akkuta'nang Isa ri ia. Jari appialimi pole Petrus nakana, “O Batara, sikamma apa-apaya Kiasseng ngasengi Batara. Kiassengi angkanaya kukamaseangKi' Batara!” Nakanamo pole Isa ri ia, “Parakaimi gimbalakKu ngaseng.

YOHANES 8:12

A'bicarami pole Isa mae ri tau jaia, Nakana, “INakke minne sanrapang singara'na linoa. Inai-nai amminawang ri Nakke, tena nala'jappa lalang ri sassanga, mingka nagappami singara'na katallassanga.”

1 KORINTUS 4:5

Lanri kammana, nasaba' tenapa narapiki wattunna, teako akkaro-karo dudui ampattantui angkanaya salai yareka tena nasala se'rea tau. Tayangi sa'genna battu sallang Batara. Iami lassungke ngasengi sikontu rahasia taccokkoa lalang ri sassanga. Iami lampakacinikang ngasengi sikontu apa le'baka narancana lalang ri massing atinna taua. Iapi anjo wattua nampa massing lannarima taua pujiang siratannaya battu ri Allata'ala.

EFESUS 3:5

Riolo tena le'bakai nipau anjo rahasiaya mae ri rupataua; mingka kamma-kamma anne Nasungkemi RohNa Allata'ala mae ri tunisuroNa siagang na'bi-na'biNa.

PAOLE 29:28

A'lappo' hebaki larroNa Batara, siagang lalang larro lompoNa anjo Nabi'bu'mi bansa Israel battu ri buttana ke'nanga nampa Napasambila ke'nanga mange ri pa'rasanganna bansa maraenga. Iaminjo saba'na nania' ke'nanga anjoreng.’

1 TIMOTIUS 6:16

Iaji bawang takkullea nikoasai ri kamateanga; Iami ammantang lalang ri singara' tenaya nakkulle nireppesi ri manna pole inai. Tena manna sitau le'ba' anciniki, yareka akkulle anciniki. Untu' Iami kala'biranga siagang kakoasanga sa'genna satunggu-tungguna! Aming!

IBRANI 4:13

Tenanniakka manna sirupa apa-apa attallasa' lakacokkoang ri paccini'Na Allata'ala. Sikontu-kontuna lakacinikang ngasengi siagang latassungke ngasengi ri dallekanNa. Siagang musti latanggong-jawa' ngaseng maki' mae ri Ia.

YAKOBUS 1:17

Sikontu passare bajika siagang hadia sukkuka, sangnging battu ngaseng ri suruga, nipaturunga ri Allata'ala, ampa'jariai sikontu apa-apa singaraka ri langika. Iami Allata'ala tamamminraya, tenaya Nammoli' bayang-bayang lanri pamminroanna apa-apaya.

1 YOHANES 1:5

Iaminne biritta le'baka nalangngere' ikambe battu ri Ana'Na siagang eroka napabattu ikambe mae ri kau ngaseng: Iaminjo Allata'ala singaraka, siagang tena sikali apa-apa sassang ri Ia.