DANIEL 2:17 - KITTA' MATANGKASA'

¹⁷ Niturukiammi pappala'na; nampa ammotere'mo Daniel ri balla' siagang napau ngasemmi anjo passalaka mae ri Hananya, Misael siagang pole Azarya.

DANIEL 2:17 ပူးပေါင်းရင်းမြစ်များ

DANIEL 1:11

Nampa natangara' baji'mo Daniel anjo passalaka siagang pangawala' nisarea tugasa' ri Aspenas untu' angngurusuki Daniel siagang tallua aganna. Nakana Daniel,

DANIEL 2:16

Mangemi linta' Daniel andallekang ri karaenga siagang appala' wattu untu' ampakasingaraki battuanna anjo so'naya.

DANIEL 3:12

Mingka nia' siapa are tu Yahudi le'baka kisare pamarentahang ri propinsi Babel ambawang-bawangngangi anjo parentata karaeng. Anjo ke'nanga iamintu Sadrakh, Mesakh siagang Abednego. Anjo ke'nanga taerokai anynyomba ri rewata-rewatanta karaeng, siagang tena todong naero' anynyomba ri anjo patung bulaeng le'baka kipaenteng karaeng.”

DANIEL 3:29

Lanri kammana anjo kuparentakangi angkanaya sikamma tau battua ri bansa-bansaya, ri suku bansaya yareka bahasaya, ia le'baka appasulu' kana-kana anghinai Allata'ala nasombaya Sadrakh, Mesakh siagang Abednego, lanikere'-kereki siagang lanirumbangi balla'na a'jari tambungang loro. Nasaba' tena rewata akkulle anggaukangi anjo apa le'baka Nagaukang Allata'ala.”