DANIEL 11:37 - KITTA' MATANGKASA'

³⁷ Anjo karaenga tena najampangi manna pole rewata battu kemae, ia nasombaya boe-boena, kammayami rewata napakalompoa tubainea. Tena najampangi anjo rewata-rewataya lanri nakanai kalenna la'bi lompoangngangi naanjo rewata-rewataya.

DANIEL 11:37 ပူးပေါင်းရင်းမြစ်များ

PA'JARIANG 3:16

Nampa Nakana Batara mae ri anjo bainea, “LaKutambai pa'risi'nu ilalang attianannu siagang ri wattunnu ammana'. Mingka manna nakamma, latuli lompo cinnako mae ri bura'nennu, siagang latuli amminawang turukko ri ia.”

PA'JARIANG 3:5

Nakkana kamma anjo Allata'ala lanri Naassenna angkanaya punna nukanre anjo rappo kayua, latassungkei akkala'nu; la'jariko sangkamma Allata'ala siagang lanuassengi apa kodia siagang bajika.”

KELONG MALA'BIRI' 7:10

Inakke napatanga' tanringku, eroki ri nakke.

YESAYA 14:13

Appattujuangko nai' ri langika siagang nupadongko' empoang kala'birannu irate ri bintoeng kaminang tinggia! Nupikkiriki angkana akkulleko ammempo salaku karaeng irate ri moncong bageang wara', tampa'na sikamma rewataya a'rappungang.

YESAYA 14:14

Nukana, angkana ikau lanaikko ri rammang tinggia nu'jari sangkamma Kaminang Tinggia.

YEHEZKIEL 24:16

“He tau, ti'ring laKualle silalonnai tau kaminang nukamaseanga. Mingka takkulleako appiraung siagang angngarru', yareka nulappassang assolong je'ne' matannu.

YEHEZKIEL 28:2

“He tau, pabattui mae ri karaeng Tirus apa Kupaua, iNakke, Batara Kaminang Tinggia, mae ri ia, angkana, ‘Tampoko ampaui kalennu angkana rewatako ammarentaya ri tangnga-tangngana tamparanga. Akkulleko nukana kalennu rewata, mingka u'rangi, angkanaya ikau poro tau biasajako bawang.

DANIEL 11:36

Karaeng pa'rasangang waraka lappaero'-eroki appanggaukang. Tampoi ke'nanga nangkana angkanaya la'bi lompoangngangi kalenna namanna pole rewata battu kemae, ba'lalo la'bi lompoangngangi na Allata'ala Kaminang Tinggia. Lakkullei appanggaukang kamma anjo sa'genna kala'busang pangngalarroinNa Allata'ala. Nasaba' anjo apa le'baka Napattantu Allata'ala musti a'rupai la'bi riolo.

DANIEL 11:38

Kabalekanna, lanapakalompoi rewata tenaya nale'ba' nasomba boe-boena, iamintu rewata pajaga pattahanganna. Lanasarei bulaeng, pera', paramata, siagang passare maraeng tinggia anggaranna, anjo rewata tenaya nale'ba' nasomba boe-boena.

DANIEL 8:11

Ba'lalo napa'ngarai panglimana tantara suruga, napammari koro'bang passare allo-alloa mae ri anjo panglimaya, siagang narumbangi balla' ibadaya mae ri ia.

PAOLE 21:11

nakulle kapang nia' ri anjo ke'nanga baine ga'ga na nungai siagang erokko ambaineangi.

PAOLE 5:21

Teako kacinnai barang-baranna parannu tau: kammaya balla'na, buttana, bainenna, ata-atanna, olo'-olo'na, keledaina yareka manna apa-apa mamo napatanga parannu tau.’

2 TESALONIKA 2:4

Lalang katampoanna nalanaewa siagang lanapakatinggi kalenna irateanganna sikamma nasombaya rupataua, yareka sikamma apa nakanaya rewata rupataua. Ba'lalo lammempoi lalang ri Balla'Na Allata'ala, nampa nakana kalenna iami Allata'ala.

1 TIMOTIUS 4:3

Napangngajarrangi sollanna ta'buntinga taua; siagang jai apa-apa tanapa'bianga nikanre. Na sikontutojenna anjo kanre-kanreanga Allata'ala ampa'niaki. Yangasenna anjo Nakellai Allata'ala sollanna nikanre siagang sukkuru' ri sikamma tau tappakamo mae ri Almasi siagang tau naassengamo pangajarang katojengang battua ri Allata'ala.