DANIEL 11:29 - KITTA' MATANGKASA'

²⁹ Siapa are wattu ribokoanganna lanabundukimi pole pa'rasangang timboroka, mingka kale'bakkanna tena nasangkamma rioloa.

DANIEL 11:29 ပူးပေါင်းရင်းမြစ်များ

YESAYA 14:31

Appiraung mako, siagang ammarrang mako appala' tulung, he kota-kota Filistin! Siratangko gegere' ngaseng napakamma malla'! Rammang limbu'buka naiki battu wara' a'jari pammatei ri kabattuanna musua; tena tau ballorang ri ke'nanga.

DANIEL 10:1

Ri taung makatallu pamarentahanna Karaeng Koresy ri Persia, nia' se're pasang nipa'nyata mae ri Daniel niarenga todong Beltsazar. Kammatojengi anjo pasanga mingka sanna' sukkara'na nipahang. Ri wattunna naboya Daniel battuanna, anggappami kasingarang Daniel angkana apa battuanna anjo pasanga lalang se're paccini'.

DANIEL 11:23

Nadakkai sikamma parjanjiang beru napareka siagang bansa-bansa maraenga. Siagang lapila' katambangi kassa'na, manna pole napa'rasangang ca'diji naparenta.

DANIEL 11:25

Nampa labaranimo appasadia pasukang lompo untu' ambunduki karaeng pa'rasangang timboroka, ia sadiaya tommo untu' angngewai siagang tantara kassa' na sanna' jaina. Mingka tena nalattahang karaeng pa'rasangang timboroka lanri lanitipui.

DANIEL 11:28

Nampa anjo karaeng pa'rasangang waraka lammotereki mange ri pa'rasanganna angngerang barang-barang nirampasa' nagappaya. Napattantumi ri nyawana ero' angngancuruki agama napinawanga umma'Na Allata'ala. Lappaero'-eroki appanggaukang nampa ammotere' mange ri pa'rasanganna.

DANIEL 11:30

Nasaba' tu Roma siagang kappala'-kappala'na laniaki battu ri Siprus; lanibunduki ri ke'nanga sa'genna a'jari sanna'mi malla'na. Nampa lammotere'mo larro sikali siagang ero'mi naancuru' agamana umma'Na Allata'ala. Lanapilangngeri pappitangara'na tau a'bokoamo battu ri anjo agamaya.

DANIEL 8:19

“Lakupauangko apa lakajarianga sallang lanri pangngalarroiNa Allata'ala. Nasaba' anjo paccini'nu napa'nyatami antekamma sallang kala'busang jammanga.

LAMPA-LAMPANA 17:26

Battu ri se'rea tau Nanapa'jari sikontu bansaya, nampa Nasuro ke'nanga ampammantangi sikontu buttaya. Iatommi ampattantui battu ri uru-uruna angkana kemae sa'genna siagang kemaei akkulle ammantang rupataua.