AYUB 9:32 - KITTA' MATANGKASA'

³² Ebara' angkana rupatau anjo Allata'ala, akkullei kupiali; nampa a'lampa ikambe mange andallekang ri pangadelang untu' ampa'le'baki sikamma pa'beserangku siagang Ia.

AYUB 9:32 ပူးပေါင်းရင်းမြစ်များ

AYUB 33:12

He Ayub, sala sikali antu panggappanu! Saba' lompoangangi Allata'ala na rupataua.

AYUB 33:7

Jari, tea' mako mallaki ri nakke; tena ri atingku ero' ambetako.

AYUB 9:14

Jari antekamma lakkulle kugeakki? Kana-kana apa lakupialiangi?

AYUB 9:19

Jari apaka musti kuewai a'gassingang? Mingka ciniki, antekamma heba'na kagassinganNa! Ebara' angkana kupaui ri Ia angkana kukabattallangi, inai barani langkioki mange ri pangadelang?

AYUB 9:3

Punna nia' sisa'bu pakkuta'nanNa Allata'ala, manna se're takkulle napiali rupataua.

AYUB 9:31

Natallangnganga' Allata'ala lalang ri ra'masaka, sa'genna manna pakeangku nakana ngaseng appakaringi'-ringika'.

PAMMUJI 143:2

Inakke anne atanTa, teaKi' adelia', saba' taniakka tau tania' salana ri dallekanTa.

KATO'BA 6:10

Yangasenna apa niaka, sallo memammi nia'na. Niassengi angkanaya takkulleai taua anggeakki tau la'bi gassinga na kalenna.

YESAYA 45:9

Cilakai tau eroka a'gea' siagang Mappa'jarina; rapangi uring butta angngewayai tumappare'na. Maka akkuta'nangi butta pika mae ri papare' uring buttaya, angkana, “Apa antu nupare'?” Maka akkunrarengi anjo uringa angkanaya tena kacara'dekanna anjo tumappare'na?

YEREMIA 49:19

Rapang singa ammumbaya battu lalang ri romang lompoa ri ampi'na Binanga Yordan nampa battu mange ri parang tampa'na gimbalaka a'ruku', kammatommi anjo bateKu labattu siagang lampalari tu Edom silalonna battu ri pa'rasanganna ke'nanga. Nampa langngangkaKa' sitau pamimping untu' amparentai anjo bansaya. Inai akkulle nipasangkamma siagang iNakke? Inai barani appare' parkara siagang iNakke? Apaka nia' pamimping akkulle angngewA'?

PAMMILANGNGANG 23:19

Anjo Allata'ala tena nasangkamma rupataua gampanga assesse' lalang siagang nangaia a'balle-balle. Punna a'janji Allata'ala, mattantu laNarupai! Punna a'bicarai, tena taNagaukanNa!

ROMA 9:20

Mingka ikau sari'battang, tau biasajako bawang! Takkulleako barani appiali mae ri Allata'ala! Maka akkullei se'rea pammantangang bunga mae ri tau amparekai, angkana, “Apa saba'na nanupare' kamma' anne?”

1 YOHANES 3:20

Punna nibilang salaki' ri ati mailalanta, niassengi angkanaya lompoangangi pangngassenNa Allata'ala na pangngassengang niaka ri atinta siagang Naasseng ngasengi sikontu apa-apaya.

1 SAMUEL 16:7

Mingka Nakana Batara ri Samuel, “Teako lanri ga'gana tanja'na siagang tinggina pakkaleanna nupacciniki. Teai anjo Kukaerokia. Tena Kusangkamma rupataua angnganggara'. Rupataua accini' tanjaki, mingka iNakke atinna Kuciniki.”