AYUB 9:24 - KITTA' MATANGKASA'

²⁴ Napassareangi Allata'ala buttaya mae ri tu dorakaya, siagang Napa'jari buta ngasemmi sikamma hakinga. Kammaminjo Nagaukang ngaseng Allata'ala, punna tena naIa, inai pole anggaukangi kammaya?

AYUB 9:24 ပူးပေါင်းရင်းမြစ်များ

2 SAMUEL 15:30

Le'baki anjo nasungkemi sapatuna Daud. Angngambi'mi nai' ri Bonto Zaitun siagang sikontu tumminawanna, angngarru' nabongong ulunna pammatei kasusaanna.

2 SAMUEL 19:4

Natongkoki karaenga rupanna siagang angngarru' lompomi, angkana, “O, anakku! Anakku Absalom! Absalom anakku!”

ESTER 6:12

Le'baki anjo ammotere'mi Mordekhai mange ri pakke'bu' lompona balla' karaenga. Mingka anjo Haman, akkaro-karomi ammotere'. Taerokai nicini' ri tau jaia lanri sanna' siri'-siri'na. Jari nabombo'mi rupanna.

ESTER 7:8

Tappu' minasami Haman, nampa nabuang kalenna ri katinroanna Ester, untu' appala' popporo'. Mingka sitabang le'baki anjo wattua ammotere'mi karaenga battu ri koko balla' karaenga. Nacini'na Haman appakamma anjo, ammarammi karaenga nakana, “Apa? Barani ijako pole anggau' salai bainengku anrinni, ri dallekangku siagang balla' kakaraengang kalengku?” Tasalloai le'ba'na akkana kamma karaenga, battumi sikamma palayang balla' karaenga ambomboki ulunna Haman.

AYUB 10:3

Apa Kisawala' punna Kijallakkanga' kamma anne, siagang Kipela' bate pa'jari kalenTa? Apa Kisawala' punna Kiiyoang panggappana siagang rancanana tau ja'dalaka?

AYUB 12:17

Nabi'buki kacara'dekanga battu ri sikamma koasaya ri pamarentahang, na sikamma pamimpinga Napa'jari tunikakkali.

AYUB 16:11

Napassareanga' Allata'ala mae ri tau dorakaya; Natu'guranga' antama' ri limanna tau kodi sipaka.

AYUB 19:7

A'jalloka' lanri anjo kapallakkang kammaya, mingka tena manna sitau amparhatikanga'. Akkioka' angkana, ‘Kemae kaadelanga’, mingka tena tau allangngereki sa'rangku.

AYUB 22:8

Nupakei jabatannu siagang koasanu untu' angngallei sikamma buttaya.

AYUB 24:12

Ri kota-kotaya kalangngerang sa'ra kunrarenna tau lamate duduamo, tau lokoka akkio' appala' niballei, mingka taNapilangngeriai pappala' doanna ke'nanga; taerokai anjampangi.

AYUB 24:25

Inai akkulle ansassali anjo apa a'nyata kammaya, yareka anggeakki kamma tojenna kana-kanangku?”

AYUB 32:2

Mingka anjoreng nia' sitau niareng Elihu, ana'na Barakheel, turungang Bus battu ri golongang Ram. Tanakulleai natahang larrona, lanri Ayub nasalakangi Allata'ala nampa napattojeng kalenna.

PAMMUJI 17:14

Kilappassanga' battu ri sikamma tau eroka appatambung pa'barang-barangngang ri lino. Kihukkungi ke'nanga siagang bala lompo ia le'baka Kipasadia untu' ke'nanga Lappassammi nihukkung todong ana' cucunna ke'nanga.

KATO'BA 4:1

Nampa kuparhatikang pole sikamma apa tenaya naadele', ia kajarianga ri anne linoa. Angngarruki tau nijallakkanga, natena tau ero' antulungi ke'nanga. Tena manna sitau ero' ambantui, lanri lompona koasana anjo sikamma tau anjallakkangai ke'nanga.

YEREMIA 14:4

Taturungai bosia siagang kalotoro' sikali buttaya; natongkoki rupanna pamarria lanri la'bana nyawana.

DANIEL 4:17

Iaminjo kaputusanna ikambe malaeka'-malaeka' tutua siagang jaga-jagaya. Ero'na ikambe iamintu sollanna sikontu taua ri kere-keremae naani angkanaya Allata'ala Kaminang Tinggia makoasa mae ri kakaraengang rupataua siagang anjo kakaraenganga Napassareangi manna pole ri nai Napilea, ba'lalo tau kaminang tenaya pole anggaranna!’

MALEAKHI 2:17

Nupakalanrei Allata'ala lanri bicarannu. Mingka akkuta'nangko angkana, “Antekamma batena ikambe ampakalanrei Batara?” Iamintu lalang nukanana, “Sikontu tau a'gau' kodia nibilang bajiki ri Batara, siagang mangngellai mae ri ke'nanga.” Yareka akkuta'nangko angkana, “Kemae anjo Allata'ala nikanaya adele'?”