AYUB 9:20 - KITTA' MATANGKASA'

²⁰ Jarreki tappakku ri Ia siagang tena ku'gau' dosa, mingka bawaku kamma kusa'ring kabalekanna napau; kana-kana assuluka ri muncengku, kamma kusa'ring nasalakanga'.

AYUB 9:20 ပူးပေါင်းရင်းမြစ်များ

AYUB 1:1

Ri butta Us, nia' sitau bura'ne ammantang, niareng Ayub. Anynyombai siagang majarreki tappa'na mae ri Allata'ala. Baji' akkalaki siagang tena na'gau' kodi manna sike'de'.

AYUB 10:15

Punna a'gau' doraka', a'jari cilakami sarengku! Mingka punna tena callana panggaukangku, tuli nikana tonja' tau a'gau' dosa! Tena kubarani angngangkaki ulungku, lanri si'nai pa'maikku siagang tunai kusa'ring.

AYUB 14:17

LaKipammopporangi dosaku siagang Kipakabellai; sala rioloku Kilu'luki.

AYUB 34:35

angkana a'bicara tenai pikkiranna anjo Ayub, siagang angkana tena anggaranna anjo kana-kananna.

AYUB 35:16

Sia-siaji nupannarrusu' bicarannu; Singara'mi angkana tena nupahangi apa nupaua.”

AYUB 4:17

‘Maka akkullei taua tena salana ri dallekanNa Allata'ala? Maka akkullei tena callana ri dallekang matanNa Mappa'jarina?

AYUB 9:15

Manna tena nakusala, apa kulleku, pantaranganna appalaka pangngamaseang battu ri Allata'ala Hakingku?

AYUB 9:29

Jari punna kamma, apa kujampangi?

PAMMUJI 130:3

Punna tulusu' Kiu'rangi dosana ikambe, o, Batara, inai lakkulle attahang?

PAMMUJI 143:2

Inakke anne atanTa, teaKi' adelia', saba' taniakka tau tania' salana ri dallekanTa.

PANGNGEBARANG 10:19

Pila' jai bicara, pila' a'reppeseki dosaya; tau akkullea ampakalewai lilana, iami tau cara'de'.

PANGNGEBARANG 17:20

Sitaua patipu tena nalamate'ne, tau appengkaya lilana langgappai bala.

YESAYA 6:5

Nampa kukanamo, “Bala! Tenamo panrannuangku inakke, lanri ra'masa'na bawaku napakamma dosa, na kuammantang ri tangngana bansa kammaya todong cilakana. Mingka manna nakamma, mata kalengku anciniki Karaenga, iamintu Batara Kaminang Makoasaya!”

LUKAS 10:29

Mingka ero'mi napattojeng kalenna anjo guru agamaya. Jari akkuta'nammi pole nakana, “Inai anjo parangku tau?”

LUKAS 16:15

Mingka Nakanamo Isa ri ke'nanga, “Ikau ngaseng mintu bajika ngaseng nicini' ri dallekanna tau maraenga, mingka Naassengi Allata'ala bonena atinnu. Nasaba' apa nacini' tinggia rupataua iami Nacini' tuna Allata'ala.

1 TIMOTIUS 6:5

siagang passisala-salang tenaya le'ba'-le'ba'na. Lingumi siagang tannabayami batena appikkiri' anjo tau kammaya. Napikkiriki angkana akkullei ke'nanga anggappa passawallang battu ri agamaya.

YAKOBUS 3:2

Ikatte a'mole-mole ngasengki' appare' kasalang. Mingka inai-nai tena le'baka appare' kasalang lalang ri bicaranna, iami tau sukku', akkullea angkoasai sikontu batangkalenna.