AYUB 8:22 - KITTA' MATANGKASA'

²² Lasiri'-siriki siagang latunai nasa'ring tau birisika ri kau, na balla' tau ja'dalaka lanipanraki sa'genna ancuru'.”

AYUB 8:22 ပူးပေါင်းရင်းမြစ်များ

AYUB 15:34

Tau ja'dalaka latena turunganna; la'busu' akkanre balla' nabangunga battu ri wassele' doe' pammuccu'.

AYUB 18:14

Nibesoki assulu' battu ri kemana, tampa' amanna, nampa nire'resang untu' mange andallekang ri kamateang.

AYUB 21:28

Akkuta'nangko angkana, ‘Kemae balla'na makoasaya anggaukangai panggaukang dorakaya?’

AYUB 36:6

Tau dorakaya tena Nalappassangi sallo attallasa', Nasarei kaadelang tau pa'risika.

AYUB 4:21

Na tappela' ngasemmo apa napatanga; matemi natanggappaya akkala' baji'.’

AYUB 7:21

Tenaka naKikkulle ampamopporangi dosaku? Tenaka oloTa ampamopporangi salangku? Sinampe' mami nakunra'bamo lalang ri kuburanga, na punna Kiboya' sallang, tenamo naKigappa'.”

AYUB 8:15

Maka gassingkai anjo ru'mung kammaya punna nipareki pammanjengang? Maka attahangi anjo bannang kammaya punna nipareki panna'gallang?’

AYUB 8:18

Mingka, cobasai bi'bu' kamma-kamma anne anjo reaya, kamma le'ba' tenale'bakai nia' anjoreng.

AYUB 9:1

Mingka appialimi Ayub angkana, “Memang, kuassengi, angkana tena nasala kana-kanannu. Mingka, antekamma lakkulle taua akkara-kara siagang Allata'ala siagang lanibeta?

PAMMUJI 109:29

Boli'mi kamma tau antudua' nikalimbuki ri kahinaang, siagang siri'-siri' angkalimbuki ke'nanga sanrapang juba.

PAMMUJI 132:18

Tuli lasalewangangi kakaraenganna, mingka musu-musunna lanipakasiriki.”

PAMMUJI 35:26

Boli'mi kamma tau sannanga anciniki pa'risikku a'jari lingu siagang a'jari siri'-siri'. Boli'mi kamma tau napattampoanga kalenna mae ri nakke nihina siagang nipakasiri'.

PANGNGEBARANG 14:11

Balla' tau bajika tuli jarreki; balla' tau ja'dalaka larumbangi.

YEHEZKIEL 26:16

Nacini'na sarennu kammaya, sikamma karaeng battu ri bansa-bansa niaka ri biring tamparanga, nala'gasi juba kalompoanna siagang baju sulanna ke'nanga, nampa ammenteng battu ri empoang kakaraenganna, namange ammempo ri buttaya annekkere'. Teai sipato' malla'na ke'nanga sa'genna takkulleami sannang nyawana.

YEHEZKIEL 7:27

Lappiraungi karaenga, tappu' panrannuangi ana' bura'nena karaenga siagang lannekkereki napakamma malla' ra'yaka. LaKuhukkungko situru' sikontu panggaukannu, kammayatompa Kuadeliko sangkamma batenu angngadeli parannu tau. Jari lanuassemmi angkanaya iNakke Batara.”

ZAKHARIA 5:4

Nakana Batara Kaminang Koasaya angkanaya anjo kana-kana pattunraya lanapattujui mae ri sikamma balla'na palukkaka siagang ri balla'na sikamma tau assumpa balle-ballea. Tuli lanitujuna anjo ballaka ri anjo kana-kana pattunraya sa'genna a'jari lica'.”

1 PETRUS 5:5

Kammayatompa ikau sikamma tau rungkaya. Mappilangngeriko mae ri tau toaya. Musti nupakatunai kalennu; siagang musti silayaniko siagang tuna pa'mai'nu. Nasaba' nia' tattulisi' lalang ri Kittaka angkanaya, “Nabaliangi Allata'ala tau tampoa, mingka Nakamaseangi tau tunaya pa'mai'na.”