AYUB 7:15 - KITTA' MATANGKASA'

¹⁵ Sa'genna kungaiangngang niaccekanga kunampa mate kala attallasaka lalang anne kapa'risanga ri kalengku.

AYUB 7:15 ပူးပေါင်းရင်းမြစ်များ

2 SAMUEL 17:23

Ri wattunna napahang Ahitofel angkanaya tena nituruki pangngunju'na, napatabami pa'lapa' keledaina nampa ammotere' mange ri kota kalenna. Le'ba'na napasilolongang kabusu' sikontu urusanna nagentummi kalenna, nampa nitarawang ri jera' kaluargana.

AYUB 3:21

Nangaiangngangi ke'nanga kuburuka kala barang-baranga, attayang mate, mingka tena battuna.

AYUB 3:22

Nampami akkulle nikasia' mate'nea punna matemo ke'nanga na nitarawang.

AYUB 7:14

Mingka Kipakamallaka' lalang so'na; appabattuKi' so'na kodi siagang pikkirang takamma-kamma.

AYUB 7:16

Mangngamma' siagang lanrema' attallasa'; erokka' mate! Lappassamma' mange, saba' tenamo anggarangku attallasa'.

AYUB 9:21

Tena kusala, mingka tena kujampangi. Lanrema' attallasa'. Untu' inakke tenamo parallu; tau salaya siagang tau annabaya, sangkammaji sarenna: rua-rua laNapanraki ngasengi Allata'ala.

KATO'BA 2:17

Lanri kammana, anjo tallasaka tena anggaranna mae ri nakke, tena maraeng. Yangasenna sia-siaji bawang; poro angngondangkuji bawang anging.

YEREMIA 8:3

Na sikamma tau attallasaka ija battu ri anne bansa ja'dalaka, le'baka Kupasiara' mange-mange, lala'bi erokangngangi matea kala attallasaka. INakke, Batara Kaminang Koasaya, anne akkana.”

YUNUS 4:3

Kamma-kamma anne, o Batara, boli'ma' kamma mate, nasaba' bajikangnganga' matea naia attallasaka.”

YUNUS 4:8

Ri wattunna ammumbamo alloa, appabattumi Allata'ala anging bambang ammirika battu iraya. Sike'de' mami natenamo nangngu'rangi Yunus lanri nitujuna ri singara'na alloa, sangkammai angkanaya natunui ulunna. Tappu' panrannuammi siagang ero'mi mate. Nakana, “Bajikangngangi matea nattallasaka!”

MATIUS 27:5

Napasambilami Yudas anjo doeka antama' ri Balla'Na Batara, nampa a'lampa anggentungi kalenna.

PAPPICINI' 9:6

Limambulangi sallona nausahai ke'nanga ero' mate, mingka takkulleai mate ke'nanga; eroki ke'nanga mate, mingka bellai kamateanga battu ri ke'nanga.