AYUB 6:14 - KITTA' MATANGKASA'

¹⁴ Lalang ri pa'risi' kammaya anne, kuminasai sahaba' sitojennaya. Apaka tuli jarre' iji tappakku yareka kubawang-bawangngammi Kaminang Koasaya.

AYUB 6:14 ပူးပေါင်းရင်းမြစ်များ

PA'JARIANG 20:11

Appialimi Abraham angkana, “Kupikkiriki angkanaya tena sikali tau malla' ri Allata'ala anrinni, sa'genna akkullea' nabuno taua ia eroka mae ri bainengku.

AYUB 1:5

Punna le'ba' anjo massing pa'gaukanga, tuli ambangung bari'basaki Ayub nampa assare koro'bang untu' tungga'-tunggala' ana'na sollanna nipammopporang ke'nanga ri Batara. Saba' nakana pikkiranna Ayub, gassingka dorakami anjo ana'-ana'na siagang nahinai Allata'ala natanaassenga kalenna.

AYUB 15:4

Ebara' nituruki anjo bicarannu, manna sitau tenamo lamalla' yareka appala' doang ri Allata'ala.

AYUB 16:5

Lakupakajarreki pa'mai'nu siagang siapa are pappitangara'; kana-kanangku lassareko panynyaleori.

AYUB 19:21

He agang-agangku, kamaseang laloa', saba' nitunrunga' ri limanNa Allata'ala.

PANGNGEBARANG 17:17

Se'rea sahaba' tuli tamamminrana mae ri aganna, se'rea sari'battang amminawang tongi antanggongi kasusaanga.

PANGNGEBARANG 25:19

Tappa' ri tau a'bali' ballang ri wattu kasusaang sanrapangi akka'lero ammake gigi a'gio' yareka a'jappa siagang bangkeng akkeppang.

ZAKHARIA 7:9

angkana, “Attaung-taung allaloa Kupassareangi anne parenta-parentaya mae ri ummakKu, ‘Musti a'gau' adelekko, mangngamaseang siagang baji' pa'mai' mae ri parannu tau.

LUKAS 23:40

Mingka nipauammi ri anjo tu ja'dala' se'reanga angkana, “Tena numalla' ri Allata'ala? Ikau nihukkung mate tongko sangkamma Ia.

ROMA 12:15

Amminawangko rannu siagang tau rannua; siagang amminawang tongko angngarru' siagang tau angngarruka.

1 KORINTUS 12:26

Punna nia' kalase'renna anjo anggotaya pa'risi', anjo anggota maraenganga nakasia' tommi anjo pa'risika; punna nia' kalase'renna anjo anggotaya nipuji, anjo anggota maraenganga amminawang tommi nakasia' rannua.

2 KORINTUS 11:29

Punna nia' tau lamma, amminawang tonga' lamma kusa'ring. Punna nia' tau tu'guru' naung ri dosaya, posso' tongi nyawaku kusa'ring.

GALATIA 6:2

Paralluko situlung-tulung antanggongi susana parannu tau, nasaba' lanri kammanami anjo nanugaukammo apa Napassuroanga Almasi.

IBRANI 13:3

U'rangi tau niaka lalang ri tarungkua, sanrapang angkana nia' tongko lalang ri tarungkua siagang ke'nanga. Kammayatompa u'rangi tongi tau nigau' takamma-kammaya, sanrapang angkana ikau nipakamma tongko anjo.