AYUB 42:15 - KITTA' MATANGKASA'

¹⁵ Ri sikontu anjo pa'rasanganga tenamo sangkammanna ga'gana anjo tallua ana' bainena Ayub. Nisaremi ke'nanga pambageang battu ri warisi'na manggena, sangkamma sari'battang bura'nena ke'nanga.

AYUB 42:15 ပူးပေါင်းရင်းမြစ်များ

AYUB 42:14

Ana' baine toana niarengi Yemima, makaruaya niarengi Kezia, siagang bungkoa niarengi Kerenhapukh.

AYUB 42:16

Le'baki anjo attallasa' iji Ayub sibilangngang patampulo taung sallona, sa'genna narapi' iji nacini' sikamma cucu-cucunna siagang massing ana'-ana'na anjo cucu-cucunna.

PAMMUJI 144:12

Tapporo ana'-ana' bura'neta ri wattu rungkana sanrapangi lamung-lamung a'bakka' lompo. Tapporo ana'-ana' baineta sanrapang benteng ga'ga, ambelo-beloi sikontu benteng balla' lompoa.

PAMMILANGNGANG 27:7

“Anjo kananna ana'na Zelafehad siratang memang tongi. Jari sare tongi ke'nanga butta pisaka sangkamma siagang bija pammanakanna manggena ke'nanga. Anjo warisi'na Zelafehad musti nipassareangi mae ri ana'-ana'na bainea.

LAMPA-LAMPANA 7:20

Iaminjo wattua nanilassukangi Musa; sanna' ga'gana ri wattunna ana' lolo. Tallum bulangi sallona niparakai cokko-cokko ri balla'na tau toana;

YOSUA 18:4

Pileimi tallu tau massing sukua. Lakusuroi ke'nanga mange anciniki sikontu anne pa'rasanganga na nacata' pa'baeng-baeng daera nakaerokia ke'nanga untu' napisakai. Le'baki anjo, musti ammotereki ke'nanga mae ri nakke.