AYUB 41:34 - KITTA' MATANGKASA'

³⁴ Olo'-olo' kaminang gammaraka nacini' rawa ngaseng; iami karaeng ri sikontu olo'-olo' sekkeka.”

AYUB 41:34 ပူးပေါင်းရင်းမြစ်များ

AYUB 26:12

Napadundui tamparang lompoa lanri koasaNa siagang Naballassi Rahab lanri kaporeanNa.

AYUB 28:8

Tale'bakapi singaya siagang olo'-olo' sekke' maraengannaya allalo ri agang sino mangea anjoreng.

AYUB 42:1

Appialimi Ayub ri Batara, angkana “Kuassengi o, Batara, angkana iKattemi Kaminang Koasa; manna apa akkulleji Kigaukang.

PAMMUJI 73:10

sa'genna manna umma'Na Allata'ala ta'giling todong mae ri ke'nanga, na tappa' mae ri bicaranna ke'nanga.

PAMMUJI 73:6

Lanri kammana minjo na'jari borromo ke'nanga, siagang tuli ero' a'gau' katerassang.

KALAPPASSANG 5:2

Akkuta'nammi karaenga angkana, “Inaika anjo Batara? Angngapa naIa musti kujampangi na kusare ising bansa Israel a'lampa? Tena nakuassengi anjo Batara, siagang tena nakupassareang a'lampa tu Israel.”

YESAYA 28:1

Cilakai kota nakalompoang pa'maika sikamma painunna Israel! La'jari toami kaga'ganna, rapang bunga kalumeng niaka ri simbolenna ke'nanga. Cilakai kota tinggia nai' battu ri tangngana ka'bung copponga, nakalompoanga pa'mai' sikamma tau sitangnga matea nasa'ring.

YEHEZKIEL 29:3

Nasuroa' Batara Kaminang Tinggia ampabattui mae ri karaeng Mesir anne pasanga, angkana, “INakke anne musunnu, he buaya lompo niaka attinro ri tangngana binangaya. Lompoi bawanu accarita angkanaya anjo Binanga Nil ikau pata siagang angkanaya ikau ampareki.

PAPPICINI' 13:2

Anjo olo'-oloka sangkammai kucini' macang burika, na bangkenna sangkammai bangkeng beruang, kammayatompa muncenna sangkammai munceng singa. Nampa napassareang anjo nagaya kagassingang kalenna mae ri anjo olo'-oloka; kammayatompa empoang kala'biranna siagang kakoasang lompona nasareang tommi.