AYUB 4:14 - KITTA' MATANGKASA'

¹⁴ Ta'bangka' na kuannekkere'; ta'ge'goso' sikontu tubuku, annekkere'.

AYUB 4:14 ပူးပေါင်းရင်းမြစ်များ

AYUB 33:19

Napasailei Allata'ala taua nappabattu garring sa'genna pa'risi' sibatu kalenna.

AYUB 4:13

Naricui tinroku na kunaganggu, sanrapang asso'na kodi ri lantang bangngia.

AYUB 4:15

Battui anging ca'dia anseroi rupangku, nammenteng bulu-bulungku.

AYUB 7:14

Mingka Kipakamallaka' lalang so'na; appabattuKi' so'na kodi siagang pikkirang takamma-kamma.

PAMMUJI 119:120

Annekkerekka' lanri malla' ri Katte, annekkereki pa'maikku ri kaputusanTa.

YESAYA 6:5

Nampa kukanamo, “Bala! Tenamo panrannuangku inakke, lanri ra'masa'na bawaku napakamma dosa, na kuammantang ri tangngana bansa kammaya todong cilakana. Mingka manna nakamma, mata kalengku anciniki Karaenga, iamintu Batara Kaminang Makoasaya!”

DANIEL 10:11

Nakanamo anjo malaekaka ri nakke, “Daniel, Nikamaseangko ri Allata'ala. Ambangungko siagang ammentengko nai' nampa pilangngeri baji'-baji' anne kana-kanangku. Nisuroa' anne battu mae ri kau.” Ri wattunna napau anjo kammaya, ammentemma' nakuannekkere'.

HABAKUK 3:16

Kulangngere'na anjo kammaya, annekkere'mi atingku siagang amme'bere'mi muncengku. A'jari lammama' tena kagassingangku, kemae-kemae jappaku tatto'roi bangkengku. Sannanga' lattayang kabattuanna hukkunganNa Allata'ala mae ri tau battua a'bakka.

LUKAS 1:12

Nacini'na Zakharia anjo malaekaka, a'jari lingu-lingumi napakamma malla'.

LUKAS 1:29

Nalangngere'na Maria kananna anjo malaekaka, ta'bangka sikalimi. Akkuta'nammi lalang ri pa'mai'na angkana apa battuanna anjo sallanna malaekaka.

PAPPICINI' 1:17

Ri wattunna kucini', su'ju'ma' naung ri dallekanNa sangkamma tau matea. Mingka Napadongko'mi lima kananNa ri kalengku nampa Nakana mae ri nakke, “Teako mallakki! INakkemi uru-urua siagang iNakkemi kala'busanga.