AYUB 39:27 - KITTA' MATANGKASA'

²⁷ Parentanuka naturuki jangang-jangang rajawalia ri tenanapa napareki ru'munna ri moncong tinggia?

AYUB 39:27 ပူးပေါင်းရင်းမြစ်များ

AYUB 39:26

Apaka nuajaraki balangkoaka anri'ba' punna takka'rang ka'nyi'na anri'ba' a'lampa timboro'?

AYUB 39:28

Ri coppo'na moncong batua napare' balla'na; cappa'-cappa' batu ciduka a'jari pattahanganna.

PAMMUJI 103:5

Ia ampassukkuki katallassannu siagang kabajikang, sa'gennu tanaallea toa sanrapang jangang-jangang rajawali.

KALAPPASSANG 19:4

“Le'ba' ngasemmi nucini' apa Kugaukanga mae ri tu Mesir, siagang antekamma bateKu angngerangko mae ri KalengKu ri anne tampaka lalang kakoasang lompoKu, rapang jangang-jangang rajawali angngerangi ana'na lalang ri ka'nyi'na.

PANGNGEBARANG 23:5

Saba', lalang sipakkida mataji nakkulle lanynya' barang-barannu, sanrapang akka'nyiki nanri'ba' nai' ri allaka sangkamma jangang-jangang rajawali.

PANGNGEBARANG 30:19

balangkoa' anri'baka ri allaka, ulara' a'loloka ri batu karanga, kappala' assombalaka ri tangnga tamparanga, na sipasang ana' rungka a'bayu'-bayuanga.

YESAYA 40:31

Mingka tau manrannuanga ri Batara, langgappai kagassingang beru. Rapangi ke'nanga jangang-jangang rajawali anri'ba' tinggia siagang kagassingang ka'nyi'na. Lari ke'nanga na tena naposo, a'jappai ke'nanga natena na'jari mangngang.

YEREMIA 49:16

Lanitipuko ri katampoannu. Tena lamalla' ri kau kamma nukapanga. Ammantangko ri alla'-alla'na batua, bella ri coppo'na monconga. Mingka, manna pole nupare' balla'nu ri tampa' tinggi dudua, sangkamma tinggina ru'munna jangang-jangang rajawalia, mingka laNapanaungko Batara battu anjoreng. Batara ampaui yangasenna anjo.”

HOSEA 8:1

Nakana Batara, “Pasa'rai tanra bahayaya! Niaki musua ambunduki pa'rasangangKu rapang balangkoa' antamberoai apa lanakanrea! UmmakKu nadakkai parjanjiangKu siagang ke'nanga, siagang nabaliangi ajarang-ajarangKu.

KAIMANGNGANG 11:13

Ri sikontu jangang-janganga, anne kammaya takkulleai nukanre lanri harangi: jangang-jangang rajawali, kokoci', sikamma balangkoaka, jangang-jangang nasara', kalaa', jangang-jangang unta, camara', beleko' siagang sikamma jangang-jangang kondoa, kiti' balanga, jangang-jangang kasa siagang pa'nyikia.

OBAJA 1:4

Manna pole nupare' balla'nu santinggi ru'munna jangang-jangang rajawali, siagang santinggi bintoenga ri langi', mingka ma'nassa laKutu'gurangko.