AYUB 38:5 - KITTA' MATANGKASA'

⁵ Inaika ampattantui luara'na linoa? Inaika angngukkuruki siagang otere'? Maka nuassengi pappialinna?

AYUB 38:5 ပူးပေါင်းရင်းမြစ်များ

AYUB 11:9

KoasaNa Allata'ala la'bi luaraki na linoa, la'bi la'baki na tamparang lompoa.

AYUB 28:25

Ri wattunna Nasare kagassingang anginga, siagang Napattantu pa'baeng-baenna tamparanga;

AYUB 34:13

Battu kemae Allata'ala Nagappa kakoasanNa? Inai ampappirannuangi linoa mae ri Ia?

PAMMUJI 19:4

Tena a'bicara yareka akkana-kana, tena sa'ra kalangngerang.

PAMMUJI 78:55

Ri dallekanna umma'Na na Nabongka panduduka anjoreng nampa Nabage-bage anjo pa'rasanganga mae ri sikontu suku bansa Israel, umma'Na, sa'genna akkulle napammantangi ke'nanga kema-kemana musunna.

PANGNGEBARANG 8:27

Kusa'bi ri wattunna Napaka'rang langika, siagang ri wattunna Napabantang passimbanga rateanna tamparanga,

PANGNGEBARANG 8:29

ri wattunna Naparenta je'ne' tamparanga sollanna tena nalaloi pa'baeng-baenna. Inakke nia' tonga' hadere' anjoreng ri wattunna Napadongko' pa'lapa'na buttaya.

YESAYA 34:11

Kiti'balang siagang landa' lammantang anjoreng, kammayatompa kokocika siagang kalaa'. LaNapa'jari ricui siagang kosongi Batara anjo buttaya sangkamma tenanapa apa-apa nipa'jari.

YESAYA 40:12

Inai ambakuki tamparanga siagang pala' limanna, yareka angngukkuruki allaka siagang pa'lama'na? Inai ambakuki buttaya siagang pa'baku' yareka antimbangi monconga siagang buluka ammake dacing?

YESAYA 40:22

Mappa'jarina ammempoi ri empoang kala'biranNa irate ri bundala'na linoa, pandudu'na buttaya ca'di nicini' rapang katimbang. Naka'rangi langika rapang kaeng, nampa Napasang rapang kema untu' nipammantangngi.

2 KORINTUS 10:16

Jari, akkulle maki' pole ambirittakangi anjo Kabara' Bajika ri sikamma butta maraenga, mingka tena nanipalecei kalenta passabakkang wassele' jama-jamang le'baka nagaukang tau maraenga ri anjo daeraya.

1 SAMUEL 2:8

Battu ri pa'risi' Naangka' tu tenaya apa-apanna, battu ri sessa Nalappassang tu tunaya. Nipa'jari ke'nanga aganna tu mala'birika, na Nasare empoang kalompoang. Pa'lapara'na buttaya Batara pata, irateanganna Nabangung linoa.