AYUB 38:28 - KITTA' MATANGKASA'

²⁸ Apaka nia' mangge tangka'na bosia? Inai bapa'na atti'-atti'na je'ne' saliuka?

AYUB 38:28 ပူးပေါင်းရင်းမြစ်များ

PA'JARIANG 27:28

Poro Nasareko Allata'ala saliu' battu ri langi', nampa napa'jari coppong sikamma kokonnu! Poro Nasareko gandung siagang anggoro' alla'bi-la'bi!

PA'JARIANG 27:39

Nampa nakanamo Ishak ri ia, “Talaniakka saliu' battu ri langi' untu' ikau, tena niakka koko lacoppong untu' ikau.

2 SAMUEL 1:21

He, bulu'-bulu'na Gilboa, pilangngeri pakkiokku: Gassingka nabasaiko saliuka siagang bosia! Lappassangi kalotoro' naroso' kokonnu siagang parannu. Nasaba' anjorengi tassambila pa'lapa' pa'bundukanna tu baranaia. Na taiang tommo pa'lapa' pa'bundukanna Saul, tenamo naniminyaki pole.

1 KARAENG-KARAENG 17:1

Nia' sitau na'bi niareng Elia. Assala'na tubattu ri Tisbe, iamintu se'reang kota ri daera Gilead. Ri se'reang allo battui mae ri Karaeng Ahab na nakana, “Lanri Batara, Allata'ala mattallasaka, Ia nasombaya tu Israel siagang Ia kulayania, kupabattuangki' angkanaya lalang ruampulo yareka tallumpulo taung labattua anne latena saliu' yareka bosi manna sike'de', pantaranganna punna kukanangi.”

AYUB 29:19

Sanrapanga' poko' kayu copponga timbona, gannaki ri je'ne' aka'na, nibasai ri saliu' tangke ca'dina.

AYUB 36:27

Nabesoki Allata'ala je'neka battu ri butta Napa'jari rammang nampa Napinra a'jari je'ne' bosi ammatti'.

AYUB 36:28

Napaturungi bosia battu ri rammanga; Napasirangi irateanna rupataua.

AYUB 38:8

Inaika antongkoki pakke'bu'na untu' antahangi je'ne' tamparanga, ri wattunna assulu' je'neka battu lalang ri battanna buttaya?

PAMMUJI 147:8

Iami ampaka'rangi rammanga' ri langi'; Ia ampasadiai bosia mae ri buttaya, siagang ampatimboi rukuka ri buluka.

PANGNGEBARANG 3:20

Lanri pangngassenganNa naNapare' sikamma kabattuanna je'neka irawa ri reppe'na buttaya nampa napalo'loro' je'ne'na kammayatompa rammanga ri langi' appatiri' je'ne' ri buttaya.

YEREMIA 10:13

Poro assareji bawang parenta, nammarummo je'neka battu ri passimbanga. Battu ri cappa'-cappa'na buttaya Napabattu rammanga, na Napare' kila' tassioroka lalang ri bosia, kammayatompa Nakiring anginga battu ri pammolikanNa.

YEREMIA 14:22

Rewata-rewatana bansa-bansaya takkulleai appaturung bosi ri lino. Manna langika takkulle todong ampaturungi bosia siagang koasa kalenna. IKatteji bawang panrannuanna ikambe. IKatte ampa'jari ngasengi anjo sikammaya.

YEREMIA 5:24

Tena le'bakako angngu'rangi untu' ampakalompoA', padahala' iNakke appabattu bosi, baji' naripakaramulanna kammayatompa narikala'busanna baraka. INakke todong assareko wattu pakkattoang tunggala' taung.

HOSEA 14:5

Nakana Batara, “UmmakKu ammengka salaya, Kuallei ammotere' naKukamaseang sikontu pa'mai'; talaKukalarroiami pole ke'nanga.

YO"EL 2:23

He ra'ya' Sion, rannu mako! Ma'reja-rejako nu ma'rannu-rannu! Lanri sikontu kabajikang battua ri Karaeng Allata'alanu. Ri wattu timoroka Napaturungangko bosi siganna'na. Ri wattu baraka Napaturungi bosia, kammayatompa ri wattu a'rappona rappo-rappoanga kamma riolo.

AMOS 4:7

INakke ampisangkai turung bosia ri wattu paralluna ri je'ne' lamung-lamunnu. INakke appaturung bosi mae ri kota se'rea siagang tena ri kota maraenga. Koko se'rea anggappai bosi, nampa koko maraenga kalotoroki.

MATIUS 5:45

sollannu a'jari ana'-ana'Na Allata'ala Manggenu ri suruga. Nasaba' Napammumbai alloNa Allata'ala sollanna nasiori ngaseng rupataua, baji' natau a'gau' bajika kammayatompa tau a'gau' kodia. Kammayatompa Napaturungi bosiNa Allata'ala sollanna natuju ngaseng rupataua, baji' natau a'gau' bajika kammayatompa tau a'gau' kodia.

PAOLE 33:13

Ri sesena suku Yusuf nakana: “Dasi-dasi nanibarakkaki buttana ke'nanga ri Batara ri je'ne' battu rawa ri butta siagang bosi.

PAOLE 33:28

Jari-jarina Yakub laamangi tallasa'na, salewangang ri pa'rasangang ga'gaya alla'bi gandunga siagang je'ne' anggoroka allung battu ri langi' ambasai buttaya.