AYUB 38:19 - KITTA' MATANGKASA'

¹⁹ Maka nuassengi battu kemae anjo singaraka? Siagang kemae sitojenna kabattuanna sassanga?

AYUB 38:19 ပူးပေါင်းရင်းမြစ်များ

AYUB 26:10

Nagambaraki bo'donga ri tompo'na tamparanga untu' ansa'laki singaraka siagang sassanga.

AYUB 38:18

Maka akkulleko angkira-kirai luara'na linoa? Appiali mako punna nuassengi.

AYUB 38:20

Maka akkulleko ampattantui pa'baeng-baenna sassanga siagang singaraka? Yareka ansuroi ke'nanga ammotere' punna niaki battu?

PAMMUJI 104:20

Punna Kipaturung sassanga, alloa a'jarimi bangngi, na sikontu olo'-olo' romanga a'lemere'mi.

PAMMUJI 105:28

na mannuruki ke'nanga ri parentaNa. Nampa Napa'jari sassang makkappu' Batara anjo pa'rasanganga.

PAMMUJI 18:11

Anri'baki a'dongko' malaeka' akka'nyi'; allayang irate ri ka'nyi'na anginga.

YESAYA 45:7

INakke ampa'jari singaraka siagang sassanga, iNakke ampabattui barakkaka siagang balaya. INakkemi Batara anggaukang ngasengi anjo sikammaya.

YEREMIA 13:16

Musti nupakalompoi Karaeng Allata'alanu lalang tenanapa Napabattui sassanga, siagang tatto'ro bangkennu ri pa'monconganga, lalang anjo singara' numinasaia taNapinrayapi a'jari sassang.

YEHEZKIEL 32:8

Tojeng, sikontu apa singaraka ri langika laKubunoi, siagang linoa laKupa'jari sassang makkapuki. INakke, Batara Kaminang Tinggia, anne akkana.

AMOS 4:13

Moncong siagang anging, Batara ampareki; rancanaNa Napa'nyatai mae ri rupataua. Napareki alloa siagang bangngia; iratei ri coppo'-coppo' buttaya a'jappa. Karaeng Allata'ala Kaminang Koasaya, iaminjo arenNa.

MATIUS 27:45

Ri tangngana alloa, kira-kira tallung tette', a'jari sassammi sikontu pa'rasanganga.

YOHANES 1:9

Singara' sitojennaya, assingariai sikontu rupataua, nia'mi battu ri lino.

YOHANES 8:12

A'bicarami pole Isa mae ri tau jaia, Nakana, “INakke minne sanrapang singara'na linoa. Inai-nai amminawang ri Nakke, tena nala'jappa lalang ri sassanga, mingka nagappami singara'na katallassanga.”

PAOLE 4:19

Teako dorakai lanri anynyombanu yareka nupa'matu-matuna kalennu mae ri apa niaka nucini' ri langika, kammaya: mataallo, bulang siagang bintoenga. Bansa maraenga Nabalang parekangi Karaeng Allata'alanu ansombai anjo barang-barang kammaya.