AYUB 37:19 - KITTA' MATANGKASA'

¹⁹ Ajaraki bedeng ikambe apa musti nakana ikambe mae ri Allata'ala; tena akkulle napakasingara' ikambe, tena bonena pikkiranna ikambe.

AYUB 37:19 ပူးပေါင်းရင်းမြစ်များ

AYUB 12:3

Inakke tau nia' tonja akkala' bajikku; sikontu nupaua ngaseng anjo kupahang tommi. Nampa pole, inai tau angngasseng ngasengi anjo sikammaya? Jari, teako nanukana ngaseng la'biangngang mako na inakke!

AYUB 13:3

Mingka erokka' a'bicara siagang Kaminang Koasaya; erokka' ampattojengi parkaraku ri dallekanNa Allata'ala.

AYUB 13:6

Jari pilangngerimi pappialingku; parhatikangi kana mappatojengku.

AYUB 26:14

Mingka yangasenna anjo kammaya poro pammateiji ri kakoasanNa poro pa'bici'naji battua mae ri tolinta. Tamaka sike'de'na pammahanta ri passala' kahebakkanna koasaNa Allata'ala!”

AYUB 37:20

Taeroka' a'bicara appala' doang mae ri Allata'ala gassingka anggappai passabakkang nakupa'jari cilaka.

AYUB 38:2

“Inaiko antu, nubarani kamma ranggasela ri kacara'dekangKu lalang ri anjo bicara dongo'nu siagang tenaya bonena?

AYUB 42:3

Kikuta'nanga' angkana angngapa kubarani ranggasela ri kacara'dekanTa nampa inakke kalengku tena apa-apa kuasseng. Kupaui apa-apa tenaya nakupahangi, apa-apa sannaka appakalannasa'na ri kalengku anne.

AYUB 9:14

Jari antekamma lakkulle kugeakki? Kana-kana apa lakupialiangi?

PAMMUJI 139:6

Tamaka lantanna mae ri nakke anjo pangngassenganTa, tanirapikai ri pikkirangku.

PAMMUJI 73:22

dongoka' natena kupahangi, sanrapanga' olo'-olo' ri dallekanTa.

ROMA 8:26

Kamma tomminjo, punna lammaki', battui RohNa Allata'ala antulungki'. Nasaba' taniassengai angkana antekamma bateta musti appala' doang; Iaminjo Roh mange andallekang ri Allata'ala sannaka batena ampappalakkangki', sa'genna taniassengamo ikatte nipau anjo apa parallua nipala'.

1 KORINTUS 13:12

Anne apa nicinika ri kamma-kammaya anne, sanrapangi apa-apa nicinika lalang ri carammeng tenaya natangkasa'. Mingka sallang, lasingara' ngasengi nicini'na. Kamma-kamma anne tenapa kuasseng ngasengi apa-apaya; mingka sallang lasukkuki kuassenna, sangkamma sukku' Naassengku Allata'ala.

1 YOHANES 3:2

Sikamma sari'battangku sannaka kukarimangnginna! Ikatte kamma-kamma anne ana'-ana'Na maki' Allata'ala, mingka antekamma kajarianta sallang, tenapa na'nassa. Mingka niassengi angkanaya punna battu sallang Almasi, la'jari sangkamma maki' Ia, nasaba' lanicini'mi kalenta sitojeng-tojennaya.