AYUB 37:14 - KITTA' MATANGKASA'

¹⁴ A'mereki mako sinampe', he Ayub, siagang pilangngeri anne; parhatikangi sikamma apa appakalannasa' gau'Na Allata'ala.

AYUB 37:14 ပူးပေါင်းရင်းမြစ်များ

AYUB 36:24

Ia tuli nipuji lanri bate pare'Na, na ikau pole siratang tongi nupakalompo.

AYUB 37:13

Appaturungi Allata'ala bosi untu' ambasai buttaya, yareka untu' anghukkungi umma' rupataua; gassing tongi untu' Napappicinikang mae ri ke'nanga, antekamma tuli lompona pangngamaseanNa satunggu-tungguna.

AYUB 37:15

Nuassengkai antekamma bateNa Allata'ala assare parenta sa'genna tassioro' kilaka battu ri rammanga siagang langika?

AYUB 37:16

Maka nuassengi antekamma batena allayang rammanga lanri kaporeanNa Allata'ala?

AYUB 37:5

Lanri parentaNa Allata'ala, na'jarimo apa appakalannasaka, iamintu apa-apa tenaya nakkulle nipahang ri akkalatta.

AYUB 5:9

Yangaseng bate pare'Na Allata'ala tamaka heba'na; takkulleai nipahang. Gau'-gau' appakalannasa' Napareka, takkulleai nibilang na tena la'busu'na.

PAMMUJI 111:2

Tamaka appakalannasa'na sikamma panggaukanNa Batara, siratangi nipilajari ri tau mangngaia ri Ia.

PAMMUJI 46:10

Napammari pa'bundukanga ri sikontu linoa, anrong panaya siagang pokea Naancuruki, pa'lapa' a'bundalaka untu' batangkalea Natunui.

KALAPPASSANG 14:13

Appialimi Musa angkana, “Teako mallakki! Attahangko! Lanuciniki apa Nagaukanga Batara untu' ampasalamakko. Anjo tu Mesir niaka nucini' kamma-kamma anne, tenamo nalanucini' pole.

KATO'BA 7:13

Parhatikangi jama-jamanNa Allata'ala. Saba' inai akkulle allambusi apa Napa'jekkoa Allata'ala?

HABAKUK 2:20

Niaki Batara lalang ri Balla'Na matangkasaka; siratangi sikontu taua ri tompo'na buttaya a'mereki ri dallekanNa.