AYUB 37:11 - KITTA' MATANGKASA'

¹¹ Napierangngi rammanga siagang je'ne', naccaya rammanga nisingari ri kila'.

AYUB 37:11 ပူးပေါင်းရင်းမြစ်များ

1 KARAENG-KARAENG 18:42

A'lampami Ahab mange angnganre, nampa Elia nai'mi ri Moncong Karmel. Anjoreng su'ju'mi sa'genna rapa' rupanna naung ri buttaya ri alla'na ruaya kulantu'na.

AYUB 26:8

Napierangngi rammanga siagang je'ne' allumpa-lumpaya, mingka tena nakekke' rammanga lanri battala'na.

AYUB 28:26

ri wattunna Napattantu tampa'na bosia turung, siagang oloang naoloa kilaka siagang gunturuka;

AYUB 36:32

Najakkalaki kilaka siagang limanNa nampa Nasuro akkila' ri apa laNatujua.

AYUB 37:15

Nuassengkai antekamma bateNa Allata'ala assare parenta sa'genna tassioro' kilaka battu ri rammanga siagang langika?

AYUB 37:3

Nalappassangi kila'Na malla'bang lino; Nakiringi gunturu'Na sa'genna cappa'-cappa' linoa.

YESAYA 18:4

Nakana Batara mae ri nakke, “Battu irate ri pammantangangKu, laccinikKa' naung siagang sannang na singara', kamma sannanna saliu' ri wattu bambanna bangngia lalang wattu pakkattoang, kamma singara'na alloa ri wattu singaraka.

MATIUS 17:5

Lalang a'bicarana Petrus, nia'mo rammang accaya manaung irateanganna ke'nanga. Nania'mo sa'ra kalangngerang battu lalang ri anjo rammanga angkana, “Iaminne Ana' nikamaseangKu. Napakate'nei atingKu. Pilangngerimi kananNa!”