AYUB 36:7 - KITTA' MATANGKASA'

⁷ Naparhatikangi tau lambusuka, Napa'jari koasai ke'nanga sangkamma karaeng, sa'genna nipakala'biri' ke'nanga satunggu-tungguna.

AYUB 36:7 ပူးပေါင်းရင်းမြစ်များ

PA'JARIANG 23:6

“Ikambe anne nipakalompoki' lanri ikattemi sitau pamimping makassaka ri alla'na ikambe. Jari kitarawammi bainenta ilalang ri pa'jerakkang kaminang bajika ia napatanga ikambe. Ikambe anne sannang ngasengi pa'maitta ansadiakangi pa'jerakkanna bainenta.”

PA'JARIANG 41:40

Ikaumi lakuangka' a'jari guburnur, siagang sikontu ra'yakku lamannuruki ri parentanu. Inakkeji bawang la'bi koasa irateangannu.”

2 PATTOTTORANG 16:9

Naparhatikangi Batara sikontu linoa untu' ansarei kagassingang tau majarreka tappa'na mae ri Ia. Toloko ri anjo panggaukannu; lanri kammana anjo appakkaramula kamma-kamma anne tuli lanukasiaki pa'bundukanga.”

ESTER 10:3

Mordekhai, anjo tu Yahudia, tuli naempoina anjo pangka' kaminang tinggia, irawangang kalenna Karaeng Ahasyweros. Anjo Mordekhai nipakalompoi siagang ningai ri sikamma julu bansana. Usahai untu' kasalamakkanna siagang kasalewanganna bansana kammayatompa sikontu turunganna ke'nanga.

AYUB 1:3

Pantaranganna anjo jai suro-surona, nia' 7.000 gimbala'na, 3.000 untana, 1.000 sapinna, siagang 500 keledaina. Bodona kana, iami kaminang kalumanynyang ri sikontu pandudu' niaka bageang iraya.

AYUB 22:29

Tau borroa nipakatunai ri Batara, mingka tau tuna pa'maika Napasalamaki.

AYUB 31:4

Mattantu Naassengi Allata'ala sikontu panggaukangku; Nacini' ngasengi sikamma dakkaku.

AYUB 4:7

Pikkiri' sai, le'bakika tau tenaya nasala nituju ri cilaka siagang bala?

AYUB 42:12

Nibarakkakimi Ayub ri Allata'ala la'bi-la'biangngang pole lalang sesa tallasa'na, na ri tenanapa nale'ba' nituju ri bala. Nia' napatang Ayub barang-barang: 14.000 kayu gimbala', 6.000 kayu unta, 2.000 kayu sapi, siagang 1.000 kayu keledai.

AYUB 5:11

Iami Allata'ala ampakatinggi tau tunaya, ampakate'nei tau susaya.

PAMMUJI 33:16

Teai lanri jaina tantarana nammeta karaenga, tena nasalama' surudadua lanri kagassinganna.

PAMMUJI 33:18

Najagai Batara tu mappilangngeria ia manrannuanga ri pangngamaseanNa.

PAMMUJI 34:15

Pakabellai kalennu battu ri ja'dalaka, gaukangi bajika, usahakangi passiamakkanga sipikulle-kullenu.

PAMMUJI 34:16

Naparhatikangi Batara tu bajika, Napilangngeri ke'nanga punna akkio' appala' tulung

PAMMUJI 41:12

Punna tena nabeta' musungku, kuassemmi angkanaya mangngellaiKi' ri nakke.

YESAYA 22:23

LaKusarei empoang majarre' rapang paku lompo tappasang jarreka mae ri temboka. Sikontu kaluargana lanipakalompoi lanri ia.

ZEFANYA 3:17

Nala'langiko Karaeng Allata'alanu porea. Ammetako lanri kakoasanNa. Rannui pa'mai'Na siagang sannangi nyawaNa Batara lanri ikau, lanri pangngamaseanNa na Nasareko katallassang beru.

2 TESALONIKA 3:3

Mingka tamamminrayai Batara. LaNapakajarrekko siagang laNajagaiko battu ri kaja'dallanga.

1 PETRUS 3:12

Nasaba' tuli Naparhatikangi Batara tau anturukiai ero'Na, tuli Napilangngeri pappala' doanganna ke'nanga; mingka Nabaliangi sikamma tau anggaukangai kaja'dallanga.”

1 SAMUEL 2:8

Battu ri pa'risi' Naangka' tu tenaya apa-apanna, battu ri sessa Nalappassang tu tunaya. Nipa'jari ke'nanga aganna tu mala'birika, na Nasare empoang kalompoang. Pa'lapara'na buttaya Batara pata, irateanganna Nabangung linoa.