AYUB 36:26 - KITTA' MATANGKASA'

²⁶ Tamaka mala'biri'Na Allata'ala, takkulleai niselangngi yareka nirekeng siapa sallona taunNa.

AYUB 36:26 ပူးပေါင်းရင်းမြစ်များ

1 KARAENG-KARAENG 8:27

Mingka, o Allata'ala, maka attojeng-tojengKi' larella ammantang ri anne buttaya? Manna sikontu langika taganna' luara'na untu' iKatte, la'biangampa naanne balla' kubangunga!

AYUB 10:5

siagang umurutTa tena nasimbodo umuru'na ke'nanga.

AYUB 26:14

Mingka yangasenna anjo kammaya poro pammateiji ri kakoasanNa poro pa'bici'naji battua mae ri tolinta. Tamaka sike'de'na pammahanta ri passala' kahebakkanna koasaNa Allata'ala!”

AYUB 36:25

Sikontu taua Naciniki panggaukanNa; mingka tena manna sitau akkulle ampahang tojeng-tojengi.

AYUB 36:27

Nabesoki Allata'ala je'neka battu ri butta Napa'jari rammang nampa Napinra a'jari je'ne' bosi ammatti'.

AYUB 37:23

Tamaka lompona koasaNa Allata'alata; takkulleaki' anreppesi, tuli lambusu'Na siagang adele'Na; tale'bakai Najallakkang rupataua.

AYUB 37:5

Lanri parentaNa Allata'ala, na'jarimo apa appakalannasaka, iamintu apa-apa tenaya nakkulle nipahang ri akkalatta.

PAMMUJI 145:3

Saba' malompoi Batara siagang sanna' nipujiNa takkulleai nitarrusu' kalompoanNa.

PAMMUJI 90:2

Ri tenanapa nipa'jari sikamma moncong-monconga, tenanapa Kipareki buttaya siagang linoa, iKattemi Allata'ala mannannungang, tena pakaramulanTa nataena kala'busanTa.

1 KORINTUS 13:12

Anne apa nicinika ri kamma-kammaya anne, sanrapangi apa-apa nicinika lalang ri carammeng tenaya natangkasa'. Mingka sallang, lasingara' ngasengi nicini'na. Kamma-kamma anne tenapa kuasseng ngasengi apa-apaya; mingka sallang lasukkuki kuassenna, sangkamma sukku' Naassengku Allata'ala.

IBRANI 1:12

LaNulappaki anne linoa sanrapang baju siagang laNusambei maraengannaya. Mingka Ikau tena le'bakaKo lamamminra siagang tena kala'busanna tallasa'Nu.”

2 PETRUS 3:8

Mingka sari'battangku ngaseng, anne se'rea passala' teako kaluppai: angkanaya ri paccini'Na Batara, anjo se'rea allo tena sisalana siagang sisa'bua taung. Anjo ruaya wattu sangkamma le'ba'ji mae ri Ia.