AYUB 36:13 - KITTA' MATANGKASA'

¹³ Tau tenaya nale'ba' nia' Batarana, lammoliki larro; manna nihukkung ri Batara, taerokai ke'nanga appala' bantuang.

AYUB 36:13 ပူးပေါင်းရင်းမြစ်များ

2 PATTOTTORANG 28:13

Nakanamo ke'nanga, “Teako erang-erangngi mae anrinni antu sikamma tau nitahanga! Ikatte tau dorakamaki' mae ri Batara, siagang anjo dosa-dosata sangka'mi jaina sa'genta siratang nihukkung. Kamma-kamma anne ero'mako pole appanggaukang untu' poro antambai kadorakanta.”

2 PATTOTTORANG 28:22

Lalang ri wattu anjo kasukkaranga, ba'lalo pila' dorakaji Ahas mae ri Batara.

AYUB 15:12

Mingka a'jari naiki larronu, a'rinra-rinrai matannu;

AYUB 15:4

Ebara' nituruki anjo bicarannu, manna sitau tenamo lamalla' yareka appala' doang ri Allata'ala.

AYUB 36:12

Mingka punna tamappilangngeria ke'nanga, lamatei ke'nanga lalang kadongokanna.

AYUB 36:14

Mate posoi ke'nanga ri wattu rungkana, lanri sangnging hinai lalang tallasa'na.

AYUB 36:8

Mingka punna nirante bassi taua, sessai lanri panggaukanna tonji,

AYUB 38:23

Kuboli' untu' wattu kasukkarang, untu' wattu pa'bundukang siagang passibuno-bunoang?

PAMMUJI 107:10

Nia'mo ammantang lalang ri kasassangnganga, tau sessaya nitahang lalang rante bassia,

DANIEL 9:13

Sikontu anjo bala niaka tattulisi' lalang ri Hukkung napabattua Musa le'ba'mi Kipitujui ikambe. Mingka manna nakamma mamo, o Karaeng Allata'alana ikambe, tuli teana ija ikambe ampakasannangi atinTa. Tuli tenana naero' ikambe ambokoi dosa-dosana ikambe siagang taerokai ikambe amparhatikangi ajarang-ajaranTa.

PAMMILANGNGANG 32:14

Na kamma-kamma anne, angngewa tommako sangkamma bapa'nu ngaseng. Ikau memang pa'rappungannako tau dorakaya, ampakalompoai nassuNa Batara mae ri bansa Israel!

ROMA 2:5

Mingka kapala batu ngasengko siagang taerokako ampinrai gau'nu. Jari battu ri kau ngaseng tonji napila' battala' hukkungang lanugappaya sallang punna Allo Kiama', iamintu punna Napa'nyata sallang pangngalarroiNa Allata'ala siagang Napabattu hukkunganNa adeleka.