AYUB 36:10 - KITTA' MATANGKASA'

¹⁰ Nasuroi ke'nanga ampilangngeri pappasaileNa siagang nabokoi kaja'dallanna ke'nanga.

AYUB 36:10 ပူးပေါင်းရင်းမြစ်များ

2 KARAENG-KARAENG 17:13

Akkiringi Batara siapa are tunisuro siagang na'bi-na'biNa mae ri umma' Israel siagang Yehuda untu' ampabattui anne pappakainga' kammaya: “Ammarimako a'gau' ja'dala' siagang turukimi parenta siagang hukkung le'baka Kupassareang mae ri boe-boenu siagang mae ri kau tete ri sikamma anjo atangKu, na'bi-na'bia.”

AYUB 36:15

Naajaraki Allata'ala rupataua siagang kapa'risang, Napakei kasusaanga untu' ampasailei taua.

AYUB 36:21

Tutuko, teako a'lampa mangei ri kadorakanga. Nisessako lanri ero'nu nikellai ambokoi kaja'dallanga.

PAMMUJI 40:6

O, Batara, tamaka jaina bate paretTa mae ri kambe, o, Batara Allata'alaku, iKatte tena sangkammanTa! Tamaka jaina rancana appakalannasatTa mae ri kambe, tena olona lakkulle nicarita ngaseng.

YESAYA 48:17

Nakana Allata'ala matangkasa'na Israel, Mappasalama'nu, “INakke Karaeng Allata'alanu, angngajarakako apa a'matu-matua ri kalennu, anrurungangako ri agang mustia nuolo.

YESAYA 48:8

Kuassengi angkanaya takkulleako nipatappa', battu rioloji numasahoro' angkana tunungai doraka. Lanri kammana minjo na tanuassenga, tena manna sibuku kana battu mae ri tolinnu.

YESAYA 50:5

Nasarea' Batara pammahang, tena kungngewa yareka ta'giling battu ri Ia.

HOSEA 14:1

Samaria musti nihukkungi lanri angngewana ri Nakke. Lamatei ra'ya'na lalang pa'bundukanga; ana'-ana' lolona lanilissaraki, siagang bai'-baine tiananga lanipuei battanna.”

YUNUS 3:8

Rupataua siagang olo'-oloka musti ammakei kaeng karung. Salaku tanra assesse' lalang sikontu taua musti appala' doang tojeng-tojengi mae ri Allata'ala. Musti napakabajiki ke'nanga panggaukang ja'dala'na siagang panggaukang dosana.

ZEFANYA 3:7

Kupikkiriki angkanaya, ‘Kamma-kamma anne tantu napakalompoMa' ummakKu siagang naparhatikammi sikamma pappakaingakKu. Tantu nau'rangi ke'nanga pangngajarang le'baka Kupassareang mae ri ke'nanga.’ Mingka a'nyatami angkanaya la'bi katambammi panggaukang ja'dala'na ke'nanga na rioloangannaya.

MATIUS 3:8

Pappicinikammi rolong lalang ri panggaukannu, sollanna ma'nassamo angkanaya toba' tojeng mako battu ri gau' dosa-dosanu.

LAMPA-LAMPANA 16:14

Kalase'renna ri ke'nanga niareng Lidia, tu battu ri daera Tiatira. Jama-jamanna iamintu padanggang kaeng lango-lango. Lanri mangngamaseanna ri Allata'ala, nipagio'mi atinna ri Batara sollanna natarima anjo apa napangngajarranga Paulus mae ri ia.

LAMPA-LAMPANA 17:30

Anjo wattu kadongokanta Nakaluppaimi Allata'ala, mingka kamma-kamma anne Nasuromi toba' battu ri dosa-dosana sikontu rupataua ri lino.

LAMPA-LAMPANA 3:19

Lanri kammana minjo sari'battangku ngaseng, nuparallumo massing toba' battu ri dosa-dosanu, siagang ammotere' mako ri Allata'ala sollanna naNapammopporang dosa-dosanu.

YAKOBUS 4:8

A'reppesekko mae ri Allata'ala na'reppese' todong Allata'ala mae ri kau. Bissaimi limannu, ikau tau dorakaya! Siagang tangkasi atinnu, ikau tau a'rua nyawaya!