AYUB 35:10 - KITTA' MATANGKASA'

¹⁰ Mingka teai mae ri Allata'ala, Mappa'jarina napappalakki, assareai panrannuang ri wattu susana ke'nanga,

AYUB 35:10 ပူးပေါင်းရင်းမြစ်များ

AYUB 21:14

Padahala' le'baki angkana ke'nanga ri Allata'ala, ‘BellaKi' anrinni siagang a'lampaKi'! Tanajampangiai ikambe siagang taerokai ikambe ampahangi apa erotTa siagang pattujunTa mae ri tallasa'na ikambe.’

AYUB 27:10

Mustina nakkuki ri kassannangang battua ri Allata'ala, siagang tena mangnganna appala' doang mae ri Ia.

AYUB 32:22

Manna appalecea, tena todong nakuassengi, na ebara' angkana kuassengi kugaukang anjo kammaya, laNahukkung silalonna' Allata'ala.”

AYUB 36:13

Tau tenaya nale'ba' nia' Batarana, lammoliki larro; manna nihukkung ri Batara, taerokai ke'nanga appala' bantuang.

AYUB 36:3

Jai pangngasengangku; lakupa'matu-matui anjo untu' ampa'nyatai angkanaya adeleki Mappa'jariku.

AYUB 4:17

‘Maka akkullei taua tena salana ri dallekanNa Allata'ala? Maka akkullei tena callana ri dallekang matanNa Mappa'jarina?

AYUB 8:21

Bawanu laNapakakkalaki, muncennu lama'reja-rejai.

PAMMUJI 119:62

Lantang bangngi kumbangung ero' mammuji ri Katte, lanri sikamma kaputusang adeletTa.

PAMMUJI 149:5

Boli'mi kamma umma'Na Allata'ala a'rannu-rannu lanri katinggianNa, akkelong rannu sila'busu' bangngi.

PAMMUJI 77:6

Kunawa-nawai allo-allo le'ba' allaloa, kuu'rangi nakunawa-nawa taung-taung a'bokoa.

KATO'BA 12:1

U'rangi Ampa'jariako ri wattu rungkanu ija, ri tenanapa nabattu taung-taung jai sessa. Anjo wattua lanukanai, “Tena namate'ne tallasakku.”

YESAYA 51:13

Maka lanukaluppai Batara Mapa'jarinu angka'rangai langika siagang ampadongkokai dasara'na buttaya? Angngapa nunnekkere' sila'busu' allo mae ri jallo'na lapung tumanjallakkanga sadiaya ero' angngancurukko? Sikontutojenna anjo jallo'na ke'nanga talania' pakkullena mae ri kau.

YESAYA 54:5

Mappa'jarinu rapangi bura'nennu, Allata'ala matangkasa'na Israel Iami Mappasalama'nu. Batara Kaminang Makoasaya, iaminjo arenNa, Ia Allata'ala makoasa ri sikontu linoa.

YESAYA 8:21

Sikamma tau cilakaya siagang tau cipuruka a'dete'mi ri anjo pa'rasanganga. Lanri cipuru'na, a'larro-larromi ke'nanga sa'genna natunrai karaenga siagang Allata'alana ke'nanga. Manna accini' kemae ke'nanga, nai'

YEREMIA 2:6

Tenamo najampangiA'; iNakke, le'baka angngului ke'nanga ri aganga, siagang angngerangi ke'nanga assulu' battu ri Mesir allalo ri parang kassika, daera roso' a'lekko-lekkoa, butta kalotoro' siagang jaia bahayana – parang tenaya nanipammantangngi siagang tenaya nanipanumaloi!

YEREMIA 2:8

Sikamma imanga tamakkuta'nangngai angkana kemaeA', Batarana. Sikamma tau appaentenga hukkung tanaassengA', sikamma pamarentaya nabaliangA'. Lalang arenna Rewata Baal na'bicara sikkamma na'bia, siagang anynyomba ri barhala tenaya matu-matunna.”

LAMPA-LAMPANA 16:25

Kira-kira tangnga bangngi sitabangi appala' doang siagang akkelong-kelong mammuji ri Allata'ala Paulus siagang Silas.

1 PETRUS 4:19

Lanri kammana, punna nia' tau angkasiaki sessaya lanri Nakaerokinna Allata'ala kammaya anjo, parallui nabajiki tallasa'na siagang parallui napappirannuang kalenna mae ri Batara Mappa'jarina ke'nanga. Iami tuli lanrupai janjinNa.