AYUB 34:22 - KITTA' MATANGKASA'

²² Tena nikana sassang, manna pole antekamma pakka'na, akkulle ancokkoi tau dorakaya.

AYUB 34:22 ပူးပေါင်းရင်းမြစ်များ

2 SAMUEL 12:12

Nugaukang cokko-cokkomi dosaya, mingka iNakke laKupa'butti panggammarakKu lalang kasingarang, ri dallekanna sikontu tu Israel.’ ”

AYUB 10:14

Kijannangngia' gassingka appareka' kasalang sollanna tena Kiero' ampamopporanga'.

AYUB 10:21

Tasalloami ku'lampa na kutammoteramo pole, mange ri pa'rasangang sassang siagang anremeng dudua,

AYUB 11:20

Mingka tau ja'dalaka lalingui paccini'na, saba' tena pannulunna ke'nanga. Se'reji bawang panrannuanna ke'nanga iamintu a'jala'na labattu linta'.”

AYUB 12:22

Nasingari tampa'-tampa' anremenga; Nasiori bayang-bayang le'leng pakkaka.

AYUB 22:13

Mingka akkuta'nangko angkana, ‘Apa todong Naasseng? Ia niaki irateanna rammanga, takkulleai angngadeliki'.’

AYUB 24:17

Sanna' malla'na ke'nanga mae ri bari'basaka, mingka sassang dudua, nakasannangngi.”

AYUB 3:13

Ebara' angkana ammoteramma' anjo wattua, attinroma' siagang ammari-marima' sannang kusa'ring,

AYUB 3:5

Kipa'jari anjo alloa le'leng pakka', sassang makkapu' siagang anremeng; Kikalimbuki siagang saliu' na rammang, Kitongkoki natanatabaya singara'na alloa.

AYUB 31:3

Cilaka siagang susa ma'nassa Napabattu mae ri tau a'gau' ja'dalaka!

AYUB 38:17

Niakka tau le'ba' ampicinikiangko pakke'bu' lompoa ri dallekanna lino kamateang sassang makkapuka?

PAMMUJI 5:5

IKatte Allata'ala tamangngaia ri kaja'dallang; tamakkulleai battu tuja'dalaka mae ri Katte.

PANGNGEBARANG 10:29

Batara anjagai tau lambusuka, mingka Napanraki tau a'gau' ja'dalaka.

YESAYA 29:15

Cilakai tau eroka ancokkoi rancanana battu ri Batara! Appanggaukang cokko-cokkoi ke'nanga, nampa nakapang angkana tena manna sitau anciniki yareka angngassengi apa nagaukang ke'nanga.

YESAYA 9:2

O, Batara, Kisarei ke'nanga karannuang lompo, Kipa'jari ke'nanga makkio' rannu. Rannui ke'nanga lanri kabajikanTa, rapang tau a'rannu-rannua wattu napasse'rena wassele' kattoanna, yareka a'bage barang nirampasa'.

YEREMIA 16:17

Kuciniki sikontu apa nagaukanga ke'nanga. Tena nia' kacokkoang mae ri Nakke; Kucini' ngaseng tommi dosa-dosana ke'nanga.

YEREMIA 23:24

Tena manna sitau akkulle ancokkoi kalenna battu ri paccinikKu, nasaba' niakKa' ri kere-keremae, ri suruga siagang ri lino.

MATIUS 7:23

Mingka laKukana sallang appiali, ‘Tena le'bakako Kuasseng! A'lampa ngasengko anrinni ikau le'baka a'gau' ja'dala'!’ ”

LUKAS 13:27

Mingka lanakanamo pole anjo karaenga, ‘Takuassengako angkana tau battu kemaeko. Bellako anrinni, ikau tau a'gau' ja'dalaka!’

1 KORINTUS 4:5

Lanri kammana, nasaba' tenapa narapiki wattunna, teako akkaro-karo dudui ampattantui angkanaya salai yareka tena nasala se'rea tau. Tayangi sa'genna battu sallang Batara. Iami lassungke ngasengi sikontu rahasia taccokkoa lalang ri sassanga. Iami lampakacinikang ngasengi sikontu apa le'baka narancana lalang ri massing atinna taua. Iapi anjo wattua nampa massing lannarima taua pujiang siratannaya battu ri Allata'ala.

IBRANI 4:13

Tenanniakka manna sirupa apa-apa attallasa' lakacokkoang ri paccini'Na Allata'ala. Sikontu-kontuna lakacinikang ngasengi siagang latassungke ngasengi ri dallekanNa. Siagang musti latanggong-jawa' ngaseng maki' mae ri Ia.