AYUB 34:20 - KITTA' MATANGKASA'

²⁰ Ri tangngana bangngia, ti'ring mate silalonna ke'nanga. Nahukkungi Allata'ala pamarentaya, na ancuru'mo ke'nanga; gampang sikali bateNa ambunoi ke'nanga tu barania.

AYUB 34:20 ပူးပေါင်းရင်းမြစ်များ

AYUB 12:19

Napakatunai imang-imanga siagang sikamma pamimpinga.

AYUB 27:20

Battumi bala lompoa antujui sanrapang je'ne' a'ba ti'ring battua. Anging puttusu' ri wattunna bangngi anri'bakangi siagang anre'resangi a'lampa.

AYUB 34:25

Saba', le'ba' Naassemmi apa nagaukanga ke'nanga; na Nagulung siagang Naancuru' ke'nanga ri wattu bangngia.

AYUB 36:20

Teako nakkuki ri bangngi sassanga, wattu cappu'na siagang lanynya'na sikontu bansaya.

PAMMUJI 73:19

Lalang sipakkida mataji bawang naancuru'mo ke'nanga, tamaka heba'na kapanrakang kale'bakkanna ke'nanga.

YESAYA 30:13

Lanri kammana anjo sala ngaseng mako. Rapangko tembo' tinggi a'lattaya battu rate sa'genna naung; larumbang silalonnako.

YESAYA 37:36

Anjo bangngia battumi malaeka'Na Batara ri kemana tu Asyur na nabuno 185.000 jaina tantarana. Ammukona bari'basa' tassia'-siara'mi anjo maya'na ke'nanga.

YESAYA 37:38

Ri se'reang allo, ri wattunna sitabang nagaukang ibadana lalang ri balla' rewata Nisrokh, nibunomi siagang pa'dang ri Adramelekh siagang Sarezer, rua ana' bura'ne kalenna. Le'baki anjo larimi ke'nanga mange ri Ararat. Jari nisambeammi a'jari karaeng ri ana' bura'nena maraenga, niarenga Esarhadon.

YESAYA 40:23

Napa'jari tena kullena tau makoasaya, na tumalompoa tappela'mi kakoasanna.

DANIEL 2:34

Ri wattunna kiciniki anjo patunga karaeng, nia'mo se're batu lompo ta'lappasa' battu ri ta'binga, natena tau anseroi, nampa natuju bangkenna anjo patunga ia bassia siagang butta pika, sa'genna ancuru'.

DANIEL 5:30

Anjo memang bangngia nibuno memammi anjo Belsyazar karaeng Babel.

DANIEL 8:25

Lanri ia sannaki porena akkala'na, tuli lanjari balle-ballena. Lanakatampoangi kalenna, siagang tena napakainga' rioloi taua na napanraki tau jaia. Ba'lalo barani angngewai Karaeng Kaminang Lompoa. Mingka laniancuru' tongi nateaiji kagassingang rupatau.

ZAKHARIA 4:6

Nasuroa' anjo malaekaka ampabattui mae ri Zerubabel anne pasanNa Batara angkanaya, “Teai lanri kagassingang tantara siagang teai todong lanri kagassingang kalennu nulappa'jari pattujuang, pasangalinna lanri RohKu.

MATIUS 25:6

Ri lantannamo bangngia, nampami nia' sa'ra akkio' angkana, ‘Nia' minjo mae bunting bura'nea! Umba niruppai!’

LUKAS 12:20

Mingka Nakanamo Allata'ala ri ia, ‘E tolo! Anne bangngia lamate mako; jari inai langngalle ngasengi anjo barang-barang le'baka nupasse're untu' kalennu?’

LAMPA-LAMPANA 12:23

Mingka anjo wattua battumi malaeka'Na Batara antempaka'rangi Herodes, lanri tenana nahargai Allata'ala. Nikanremi Herodes ri gallang-gallang nampa mate.

1 TESALONIKA 5:2

Nasaba' baji'mi nuassenna ngaseng angkanaya anjo Allo kabattuanNa Batara lasanrapangi palukka' battua ri wattunna bangngi.

2 PETRUS 2:3

Lanri angngoana anjo guru-guru takontutojenga nalanacaritamo mae ri kau carita-carita napare'-pareka kalenna sollanna akkulle anggappa passawallang battu ri kau. Mingka sallomi nipasadia pangadelang eroka antappuki hukkunganna ke'nanga; kammayatompa sallo tommi attayang kapanrakang le'bakamo nipattantu lanagappaya ke'nanga.

1 SAMUEL 26:10

Lanri Batara mattallasaka, kuassengi angkanaya sallang KalenNa Batara lambunoi Saul, punna narapi'mo a'jala'na, yareka punna matei lalang bundu'.